Matiu 6:1 - Ka Lamana'a Monoꞌi Lu Mu Tifiꞌehina Ka Yabe

¹ Lenali kaba hu bati hilo. Lenali hetofa hapatini asaga boana'magihi enubulo enali be galabe lite li huto hite lolo mehilo. To lenali ya hilana kokulumalugu Afotinifitogati mina'a melilana'mu yabe.

Matiu 6:1 ပူးပေါင်းရင်းမြစ်များ

Matiu 16:27

Kokulumaguti limi'ehina Bouba Afo'afihi fana mehena'a hiti aku'i noenogo to agelo'a hiti alana'mu yabe. Ya hilina yupahi asaga boana'magi fato fato suhi hi'ahana hapa hapa'animofihi nona'a li yege ho epalalina'mu yabe.

Matiu 16:6

To Yesu ma luto lu epi'ehina: Lenali kaba hu bati hilo. Lenali Felosi bona'i hiti to Satusi bona'i hiti enali yisiti legita hapa'anilo kaba hu bati hilo.

Matiu 23:13

Lenali kaga keheli bati hulata bo hiti to Felosi bo lenali, ehetinio, kaba hite mino sepa ite minalo. Lenali loe ka luse bo nehabe. Lenali boana'magihi enubulo kokulumamofihi kasiha'a li hekini lelata nehabe. Lenalitini ana kapo'alo metise nehite boana'magi tilune'mu nehana ana kapo lenali li hokolo mehi epelelata nehabe.

Matiu 23:5

Asaga'na li huto hilata nehanaya enali bona'magi bu galabe lite li huto hilata nehabe. Enali mono ka fayahi ge'ahanana enogo gobisalo li hekelela to numuna fayahi ge'ahanana enayanugu sahi bila to yatama gukete'aniga naga ilago limila hite li hekelelata nehabe.

Matiu 25:40

Ya lite noloka henogo nani sipi gihiti bomofita ma luto lu epilube: Nani ma'naka luto lu nolepube. Musufalo bo mone nalalu'nifihi ma melugu ya'mana suhi hi ete'ehilana ya'ma nani'i nele'mo bati hi'ahabe.

Matiu 5:16

Ya huto ninagi lenali libitini ligite boana'i enali enubulo binogo lenali hetofa hapatini bu gelete to enali ana hite Sipi Bo Hu'matinifu kokuluma hepatoga nohinamofihi enegelo bite gi'a liyafa hilabe.

Matiu 5:46

To lenali bona'i enipa lepilata nehana bona'i enipa epite enele'mo bati hilata nehanaguti hena mina'a lilana ni'ibe? Enali foipa boana'i hiti takisi lilata bona'i hiti ana suhi hilata nehabe.

Matiu 5:48

Ya hu'ehinagi lenali asaga yupahi hetofanaguti minete hetofa foya lite bebe sete kokulumalugu Afotinifu hina'a hite minalo, luto Yesu lu epi'ehina yabe.

Matiu 6:16

Lenali mono ka'mu lite nose'na mo site neminetemo fagalo bomagi hilata nehana suhi hite lenokaba li sibina mehilo. Enali enokaba li sibina hilata nehanaya asaga boana'magi bu enegelete nose'na mo si'ahabe lite lu epalalabe lite nehabe. Nani ma'naka luto lu nolepube. Enali ya hilata nehana bona'magi mina'ani ali'ahabe.

Matiu 6:9

Lenali ma lite numuna hu emilo: Afotiga, kokulumalugu minane, kigika hetofa huto fato minalibe.

Maki 8:15

Yesu fato kaga kehelito lipoti epito ma lu'ehina: Lenali kaba hu bati hite minalo. Ya'ma Felosi bona'magihi hapa'ani to Heloti naga'i nehana bona'magihi hapa'ani mege'i memelese minete kaba hilo. Enali hapa'ani ya'ma yisiti beleti kelo kelo tilina'a legitana ni'ibe. Foipa hapa'ani ni'igo asaga bona'magihi hapa'ani le'mo sibina hulatanamo ni'ibe.

Luku 11:35

Ya hu'ehinagi kai asaga yupahi kaba hu bati hubo fana mehena kailugu nina asaga'i metepu i lalibe'mu nolube.

Luku 12:1

Babu boana'i li nupa hite yege yege'magi ikini ikini hite ai gufalo ai gufalo hite mone'mofihi gigusalo i sala kose suhi hite nehago ana kana'alo Yesu pana'alobo'a yata'a luto lu epi'ehina: Lenali Felosi bona'magi faga faga lilana'mu hapa'ani kaba hu bati hite minalo.

Luku 12:15

Ya luto luloto asaga boanatoga ma luto lu epi'ehina: Lenali kaba hu bati hilo. Lenali kaba hu bati hite nehite mole'ale'namu'i muyana'nise lite melilo. Yaga fe'noha'a babu lito minana bouba ya fe'nohi malana'a huto komopa'a bebe mesalata nohibe luto Yesu lu'ehina yabe.

Luku 16:15

Yesu ma luto ana Felosi bona'i lu epi'ehina: Asaga bomagihi enubulo lenali bati hu'ohuta bo nohune lite lilata nehanaya Hu'mau komopatinigu bu go fulu tuto abu go'ehibe. Bona'magi enali hetofa fe'nohati yabe lite li pili kete minelata nehananaya Hu'mamofihi bulo kisilito tuguma bito bati mehinana ni'ibe.

Yoni 12:43

Enali Hu'mau foke ka lu epi'ehina'a nesi'asi epesigo to noto noto bona'magi enofoke ka lu epi'ahana ya'mana sipi epesi'ehina'mu yabe.

Yoni 5:44

Mone lenalalutinigitogati sipi lenigi lilata nehana lenigi Hu'mamofihi aitogatiko olata nohina lenali melilata nehabe. Ya hi'ahana hiya'a keheli ule'ale hite komopatini emilabe?

Aposolo 3:12

Ya hago Pitau bu enogoloto kaga ma luto ana boana'i lu epi'ehina: Isilaeli Naga'ise. Hena hibe lite ya'manalo lenekesa yigi babu nelabe? Lenali hena'mu le'ali'i bulu'i nehe'ahabe? Etali'atiti amuya'atitiloti ma bo lusa gi eta'igo kapo nemalabe lite nekehelifihe? O'e, ya huto meni'ibe.

Galesia 6:12

Bona'i luga'amagi enali enugufa'ani le'mo ho tilata nehanamagi lenalitini lenugufa keya'i gufa laga hu'ehina'a hiti minalabe lite amuya melelata lenegekesa lite nehabe. To enali enugufaga henabe lite laga nehabe? Hu'mamofihi keya'a enugufaga minalibe lite nehana'a meni'ibe. Ya'ma Kilisitou malipu yafalo fili'ehinauba ya'muko lele'mo bati hilina ni'ibe lite lilenogomo Yuta bona'magi kalana'i mele epilabe. Enali ya'ma kehelite kete higo Yuta bona'i kalana'i mele lepalalana'mu hu lalibe lite enugufa laga nehana yabe.

Hibulu 11:26

Ya huloto Iyipi metogati mone fe'no hiti mina'a sipi ana'ina ya'ma lilina kanamofihi keheligo fa'menena lolo nohigo Hu'mau gulu ho letalibe luto lu molo eto'ehina bo, Mesia kumu yabe lite eniginaga fina'a gupisalo minalube luto yamofihi keheli ule'ale huto legeya'a lolo hu'ehina. Yamofihi minomo tito mina'a huto hilina'a lilube luto ana kaga'mu kehelito li pili koto ya suhi hu'ehina.

Hibulu 2:1

Ya hu'ehina'mu lali laga mehina kapo legeso huto bili lalune luto ka'a keheli'ohutamo ya'ma aku'i le'mo kosaba huto amuya moloto li pili koto kehelito minalune.

Hibulu 6:10

Hu'mau ai'a mone li sibina huto ya huto menohibe. Lenali ai kumu yabe lite foya'a lite komopatini minalanamofihi lamana'a yamofihi Kilisitohi yagapana'a enele'mo bati hite lenemehi emite enehe'malata nehanamo yamofihi ai'a yana'mu ekesu mehalina'mu yabe.

2 Yoni 1:8

Foya'a lutogo lenalitoga legeya'a huto hu'ehina ya'ma sibi hu laligi lite kaba hu bati hite minalo. Ya hite minete, mina'a lamana'a bati hite yamofihi silaga'i lilabe.