Matiu 5:44 - Ka Lamana'a Monoꞌi Lu Mu Tifiꞌehina Ka Yabe

⁴⁴ Ya hu'ehina nani yatai aku'i lu nolepube. Fatehatini enele'mo bati nehite to lenali'i lenele'mo bati mehilana bonatoga nunumu Hu'mamofitoga hu epelenogo ai enehe'malibe.

Matiu 5:44 ပူးပေါင်းရင်းမြစ်များ

Luku 23:34

Ya hite neenahago Yesu ma luto lu'ehina: Foipana'ani li he'mi epolobo, Afo'niga. Enali ya'mana li huto nehananamofihi hapa'a ya suhi nohutagihe lite keheli bati mehi'ehite nehabe. Ya noligo enali gukete'alo enali'ani kati yokolo'na hilete li futili katili hi'ahana yabe.

Yoni 13:34

To yuhufa kaga lu molo'ohuna ma lu nolepube. Lenali komopatini lenogotinifihi emilo. Nani komopa'ni lenalitoga lepi'ohunagi lenali ana hite ai komopa'a eminogo ai eminogo hite ya hilo.

Aposolo 16:28

Ya higo Polu bu goloto sipi kehe i emito ma luto lu'ehina: Lali asaga'i maga nohutagi kaika kugufaka li sibina mehubo.

Aposolo 7:60

Ya noluto ai lapusa noto minoloto mone'a hiti kehe sipi iloto ma luto lu'ehina: Sipi Bo, enali ya'ma li huto nehana foipana'ani'mu luto kekesa mekehelibe. Sitifeniu ya luto luloto ana'asilo fili'ehina yabe. Ya hite, Sitifenihi hanana'mu Soliu keheligo gufaluga bati hu'ehina yabe.

Romu 12:14

To bona'i mone'amagi lenegene mane neinogo Hu'mamofihi loka hete ana bona kumu gumi'i enohobo melise li hetofa hu epolobo lite ya'ma loka halo.

1 Tesalonika 5:15

To foipanamofihi nona'amu yabe lite ai henogo ai henogo li muyalo li malo mehilo. Ya hu lalune lite lenalitogati to bona'i asagatoga ana'ina li lamana hu epalalune lite amuya melete minalo.

1 Pita 2:23

Enali huli ka lu emilago ai ka nona'a lu meepi'ehinamo ni'ibe. To osahi emilago ai enipakafa mehose fa'mene minoto kaga'ani loko hilina bo, Hu'ma ai bati hu epololata bo, aitoga mino moloto fifa ito mino'ehinamo ni'ibe.

1 Pita 3:9

Ana'ina foipana lelite tinogomo lenalitinigo fililata nasana foipana lelite metilo. Lenali lube laga hibe nehinogo lenaliya nona'a meepise bebe sose ka lu epilo. To lenali ana hite lusa gise ka lilabe luto Hu'mamofihi elesa molo'ehinamo ni'ibe.