Matiu 5:30 - Ka Lamana'a Monoꞌi Lu Mu Tifiꞌehina Ka Yabe

³⁰ To kayahi lamaga'auba ligo foipana li huto nohutomo ana kayahi laga huto he'milago bubo. Mone kayahi laga hu he'milago ya hina bati hutita'mu asaga kugufaka ni'inogo logo kapogu bilata bati mehutita'mu yabe.

Matiu 5:30 ပူးပေါင်းရင်းမြစ်များ

Matiu 11:6

To bo moneuba nani kumu'i ekesa yigi yigi huto Hu'mamofihi pana'a nohifi fato bo nohifi ya'ma meluse aku'i nanitoga komopa'a nimilina bo ai gelo bino.

Matiu 13:21

Ya hu'ehina ai lufusa'a me'i komopa'alo mebu'ehibe. Ya hu'ehigo ai nesi kanasi minoto hosopa ilata nohibe. Alihi bona'i luga'amagi Hu'mamofihi kaga'a lu sibina hilune'mu hilete enali ana bomofihi ketana li kofi etete foipana suhi babu lite li huto hi etalana'mu yabe. Ya hinogo ana bomofihi hetofa kaga kehelito minose'na'a mele'isi he'mi etolata nohibe.

Matiu 16:23

To Yesu i behe huto Pitahi bu goloto ma luto lu emi'ehina: Sata, kai nanitogati bufa hubo. Kai kapo biluna'a hekini lo netalube'mu nohapihe? Kai kaga nolataya ma melugu bona'magihi kaga nolane, to ai Hu'mamofitogati meo'ehibe.

Matiu 17:27

Ya hu'ehina lali enele'mo topa ho lalune. Kai nagami hefuto buloto faya huku molobo. To yata'a lilata faya'i lito baga'a li aka huloto efahi bu galata'mu yabe. Kai ya'mana efahi liloto nani kaika hiti takisi he'mitogo su halibe.

Matiu 18:8

To kigi kayahakauba foipana li huto nohinogomo kai laga huto he'milago bubo. To kayahi mone kegi'a hiti kigigusa mone kegi'a hitigo minolenogo bati huto minoba minoba hepato bilata'mu yabe. To kigi kayahi luga luga hiti ni'inogo nohuto logo loba loba huto mesobose hepatoga bilata bati mehu'ehibe.

Matiu 22:13

Ya higo gihiti bouba koko pana'a ma luto lu epi'ehina: Lenali ma bo gilo, yato naga ite fegutoga he'mi melenogo ai metepugu minalibe. Ai ana metepugu nohuto yibi nama huloto baga yogo'a henibe yugupobe hilibe.

Matiu 25:20

To 5,000 kina emi'ehina bo ai o'ehina, ai 5,000 kina mone hiti molo emito liloto oto ma luto lu'ehina: Sipi bo, kai 5,000 kina nimi'ahane. Bu gobo, nani bisinisi moloto'ni 5,000 kina mone'a aku'i okalago li'ohube.

Matiu 26:31

To Yesu ma luto lu epi'ehina: Yatai lenali nani'i he'mi netete koli fele su halana'mu yabe. Monolugu ma lite kaga lu huto huto bouba go'ehina yabe: Sipisipi yaga kaba hu'ehina bo Hu'mau ho filinogo sipisipi yaga'a koli hite tili tele hite fele su halana'mu yabe.

Matiu 5:22

Ya hu'ehina yatai aku nani lu nolepube. Bo moneuba gona'a ipakafa halina ai ka foya lilina'mu yabe. To bo moneuba gona'amofihi kaiya fa'mene bati mehina bo nohane luto ka emekilina kanisole bolo ho tito ka foya lilina'mu yabe. To bo moneuba gona'amofihi negi nagi noto bati mehu'ahata bo nohane luto ka emekilina aiya loba loba logo kapogu bilina'mu yabe luto Yesu lu epi'ehina yabe.

Matiu 5:29

To lamagakaga kubukauba ligo foipana nohutomo li kutu hoto he'milago bubo. Kugufaka luga kegi'a fenene hinogo nohuto minoba minoba kapogu bilata bati huto yabe. To kugufaka asaga'i ni'inogo nohuto logo kapogu bilata ya bati mehu'ehibe.

Maki 9:43

To ya huto ni'igo, kayapotu foipana huse bo nohapi, ana kayapo laga hu he'mibo. Kayahi luga luga hiti ni'igo logo loba loba huto mesobose hepatoga bilata bati mehu'ehibe. To kayahi mone kegi'a meni'inogo Hu'mamofihi kapogu tito minoba minoba hilata ya bati huto ni'ibe.

Luku 12:5

Lenali koli hilana bona'i nani lenelepilube, luto Yesu lu'ehina. Bona'i enohogo enohogo nohina bo Hu'mau, lenali ai'i koli hi etalo to ya'ma amuya'a hiti bo nohuto bona'i logo kapogu enele'mo he'mi epololenogo limilana'mu yabe, luto Yesu lu'ehina yabe. Nani lusiga luto lu nolepube, lenali ya'mana bo kaba hu bati hilana'mu nolube.

Luku 17:2

Ma lagaso meso boana'magihi foipanagu enele'moto folo lalibe. Ya hu laligi sipi efahi mone lubaha'alo naga ilete hege nagamilugu lita fo bilenogo ai aku'i ana foipa foipana li huto mehilibe.

Romu 9:33

Hu'mau koyapa'i Yesu kumu suguna ka luto ana efapomu'i lipoti lu epi'ehina'mu mono bukugu fayahi ge'ahana ma ni'ibe: Bu galo. Nani Yuta bona'magihi Yiona hepalugu mone sipi efahi nomolobe. Enali efatoti figana futite, he kete enahalibe. To bona'i luga'amagi aitoga keheli ule'ale hilana, enali lesa'ani melise enofokehi lilabe.

1 Koliti 8:13

Ya hu'ehina'mu nani lugefa nasanamofihi seba'a nenenogo nalalu'nifu ya nasana'mu yabe luto keheli sibina hu lalibe luto ai kumu kehelugo keta hu lalifihe luto lugefanamofihi seba'a mo sito nohuto minomo buto minalube.

Galesia 5:11

Nalalu'nigita, nani bona'magihi enugufalo Hu'mamofihi keya kamofihi laga huse'na keya'a hiti minalabe luto fi lehe toto bu'ohuna ni'itita kalana'i lenugufalo minalibe luto lu epito minotita ya'ma Yesuhi malipu yafalo fili'ehina yamofihi ka'a lu nolepuna'mu mu lenipa hulata nohinamofihi su hatita'mu yabe.

1 Pita 2:8

To mono bukugu fayahi mone ma luto ni'ibe: Ana efatoti i kusulu bite limilana'mu yabe. To ana efapolo ho kete enahalina'mu yabe. Ana kaga keye'ahanamofihi hapa'a ya'ma ni'ibe. Bona'i enali Hu'mamofihi ka'a keheli he'milata nehana enali kusulu bite limilana'mu yabe luto lu'ehinamo ni'ibe. Ya hite bite, ya suhi hilata nehabe luto Hu'mau ya'ma lu molo'ehina yabe.