Matiu 5:22 - Ka Lamana'a Monoꞌi Lu Mu Tifiꞌehina Ka Yabe

²² Ya hu'ehina yatai aku nani lu nolepube. Bo moneuba gona'a ipakafa halina ai ka foya lilina'mu yabe. To bo moneuba gona'amofihi kaiya fa'mene bati mehina bo nohane luto ka emekilina kanisole bolo ho tito ka foya lilina'mu yabe. To bo moneuba gona'amofihi negi nagi noto bati mehu'ahata bo nohane luto ka emekilina aiya loba loba logo kapogu bilina'mu yabe luto Yesu lu epi'ehina yabe.

Matiu 5:22 ပူးပေါင်းရင်းမြစ်များ

Matiu 10:17

Lenali kaba hu bati hilo. Enali bona'i luga'amagi naga'i lepelete ka foya li lepelete enali li nupa hite minelata nehana nonugu lenele'mo melete naga osatu lenibi yigilana'mu yabe.

Matiu 10:28

Ma melugu lenugufa'a lenoho fililafa to lenemehatini hiti lenoho mefililana bona kumu'i koli mehilo. Lenali Hu'mau ai lenugufatini hiti to lenemehatini hiti loe sana sana sipi logo kapogu lenoho fililina bomofihi ai kumuko'i koli hi etete minalo.

Matiu 12:24

Ya nelago Felosi bona'magi kehelilete ma lite li'ahana: Ai foipa fele li nohe'mi epalanaya foipa felemagihi sipi bo'ani Bielesebulu amuya emi'ehigo nohibe.

Matiu 17:5

Ai kaga luto nohigo sopohi mone besa lo'ehinauba enele'mo samapahi bu'ehina. To ana soponuguti nogo mone ma luto huto hu'ehina: Ya'ma ai nibita hina pana'ni nohibe. Nani nipa'ni aitoga emilata nohube. Lenali kaga'a keheli emilo.

Matiu 18:21

To Pitau Yesutoga oloto ma luto loka ho'ehina: Sipi Bo henaki yupahi nalalu'nifu ka foipa lu netolenogo le'mo fulu hilube? Sebeni'a yupahifi?

Matiu 18:35

To Yesu kaga'a ma luto lu su ho'ehina: To lenali komopatinigu lenalalutinigihi foipana'ani li pa meso epolo baga meilana kokulumalugu Afo'nifu nohinauba ana huto lenali foipanatini li mehe'mi lepalalina'mu yabe.

Matiu 23:15

Keya kaga kehelise bo hiti Felosi bo, lenali ehetinio. Lenali loe kaga lulata bo lenabaga kaba hilo. Lenali koko boti lilune lite mone bo ai mono kagatimofihi mege'i malalibe lite hege nagami beletoga to hepato hepato sa sa hilata bo yabe. Ya hite, koko panatini le'meletemo aku'i lenali logo kapolo lenalitini suhi lite le'mo melelata nehabe. Ya hu'ehina ai lenebege ligito babu luto foipana'a nominabe.

Matiu 23:33

Lenali osifa'i yabe. Lenali foipa osifa'mofihi yagapana'a yabe. Hu'ma ka foyagu lenele'mo malalinauba logo kapogu lenoho lifilina'mu yabe. Hena hite lenali koli felenogo Hu'mamofihi ka foyauba lenugufalo melilina ni'ibe? Lenali koli mehilana'a huto ni'ibe luto Yesu lu'ehina yabe.

Matiu 25:41

To nani nayahi soga'niga nehana bonatoga i behe huloto ma luto lu epilube: Lenali foipa bona'i. Lenali logo mesobose logo loba loba huto nina hepatoga bilo. Ya'mana logo Afo'nifu Sata hiti foipa fele'a hiti mesobose loba loba logo go epolo'ehinalo yabe. Lenali analo bilo.

Matiu 26:59

Enali sipi mono babafi bona'i hiti to asaga kanisole bomagi bo moneuba Yesuhi faga lu etenogo ho fililana bo'mu sa sa hi'ahana.

Matiu 3:17

Ya nohigo kokulumaluguti kaga mone ma luto lu'ehina: Ya'ma nani'ni pana'ni mana'a nohibe. Laga nebesina pana'ni nohigo ai kumuko hetofa pana'ni yabe luto negelo bi emilata nohuna yabe luto kokulumaluguti lu'ehina yabe.

Matiu 5:34

Ya hu'ehina yatai nani lu nolepube. Lenali kaga mone le'mo amuya malalune'mu nehitemo ifo muya kokuluma hepatoti nolune lite melilo. Kokuluma'i ai Hu'mamofihi hepa'a ni'ibe.

Matiu 5:44

Ya hu'ehina nani yatai aku'i lu nolepube. Fatehatini enele'mo bati nehite to lenali'i lenele'mo bati mehilana bonatoga nunumu Hu'mamofitoga hu epelenogo ai enehe'malibe.

Maki 14:55

To sipi mono bomagi to mono kanisolemagi asaga'i ka foya li'ahabe. Ka foya lite, to Yesuhi ho filune lite ai kumu mukulu filina bo sa sa hi'ahabe. Aku'i ho filise ka lilata bo mone huto mehu'ehina.

Maki 15:1

Etehi folugu'i sipi mono bomagi hiti mono ka enelepise bomagi hiti olopa bomagi hiti mono kanisole bomagi hiti asaga'i tutuma'i hite mine'ahabe. Tutuma'i hite Yesuhi yaha'alo seni naga ite le'mete bite gamani koti kaba bomofihi, gi'a Pailati, ai nohinalo le'mete bi'ahabe.

Luku 12:5

Lenali koli hilana bona'i nani lenelepilube, luto Yesu lu'ehina. Bona'i enohogo enohogo nohina bo Hu'mau, lenali ai'i koli hi etalo to ya'ma amuya'a hiti bo nohuto bona'i logo kapogu enele'mo he'mi epololenogo limilana'mu yabe, luto Yesu lu'ehina yabe. Nani lusiga luto lu nolepube, lenali ya'mana bo kaba hu bati hilana'mu nolube.

Luku 22:66

Alihi yege tilago enali Isilaeli kaba bona'i to monoto sipi kaba bona'i to keya ka enelepise bona'i enali li gehesa hilete enali Yesuhi le'mete kanisole bo noha'anigu bilete ma lite li'ahana:

Yoni 11:47

Ya lu epite nehago Felosi bo hiti to sipi mono noto kaba bona'i hiti li nupa hite mono kanisole bona'i li gehesa hite ma kaga li'ahana: Ya'ma bouba amuya lili'na babu luto li'ehinagi henati hilune?

Yoni 15:25

Ya hilago mono bukugu ka mone ma lite fayahi keye'ahana ya'ma amuya moloto ni'ibe: Enali ya'ma fa'mene'mu nani'i luba ka li nimi'ahanamo ni'ibe.

Yoni 7:20

Ya luto ligo asaga boana'magi Yesuhi ka'alo nona'a li'ahana: Kaitoga foipa fele ni'ibe. Kiyi'afu koho fililube'mu nohibe?

Yoni 8:48

Yuta bomagi aku i behe hite Yesutoga ete loka he'ahana: Kai Samalia kegi'a bo nohane, to foipa fele kai kugufagu ni'ibe lulata nohuta ya ma'naka nolupihe?

Aposolo 17:18

To luga'a Epikuli bona'i to Sitoiki bona'i kaga enelepilata bo'animagi Polu hiti kenasabo bilete luga'amagi ma lite li'ahana: Ya'ma hagulu hagulu ka nolina bo ai henamofihi kaga lu epilube'mu nohibe? To luga'a bona'magi li'ahana: Ai fato melugu meha'agi kaga'ani lu yege nohabe. Polu Yesu kumu ai fili'ehinagati aku'i ho ti'ehibe luto ka lamana'a lu yege ho epina'mu ya lite li'ahana yabe.

Aposolo 22:30

Ya'ma gimi bona'magihi kaba bouba Yuta bona'magi Polu kumu henana fisa i'ahanamofihi hapa'a kehelilube'mu nohuto eteka'a Poluhi seni naga'i gi'ahana'a li he'milo luto bona'a lu epigo li he'mi'ahana. Yalo'i ya'ma kaba bouba sipi mono noto kaba bona'i hiti to mono kanisole bona'i hiti li nupa hilete minalo luto kaga molo'ehina. Ya hago ai Poluhi le'moto buto enogobisalo ho tilube'mu he'mi eto'ehina.

Aposolo 23:1

Polu kanisolemagi enubugu bu go fiya i'ohuto ma luto lu epi'ehina: Nalalu'nimagita. Nani ana'ina mone li sibina mehuse Hu'mamofihi bu'alo kapo molomofa'na huto nugufa'nigu laga higo minomo tito tito yatai hiti ana nohube.

Aposolo 24:20

To enali mehi'ehinogomo ma nehana bomagi koyapa'i nani kanisole enubulo nele'mo ho tigo foipana li'ohunamofihi lu huto hugo keheli'ehitemo lu kimilabe.

Aposolo 4:15

Ya hilete enali kanisole bomagi nonugati etele'mo fegutoga he'migo nelimi'igo enali'ani musi musi ka ma lite li'ahana:

Aposolo 5:21

Aposolo bona'magi ka'a liyafa hilete folugu'i go'i yuhufa noligo sipi mono nonugu tilete hapi fite ka enelepite mine'ahana. To sipi mono noto kaba bo yagi lalu'agihi kehe i nupa huloto kanisole bona'i hiti Yuta bona'magi olopa bo'ani hiti ete li gehesa hi'ahana. Ya hilete aposolo bona'i naga nonugati enele'mete alabe lite enoho lifi'ahana yabe.

Aposolo 5:27

Enali gimi bomagi aposolo bona'i enele'mete ete kanisole bona'magi folagaha'anigu enele'mo ho ti'ahana. Ya hilago sipi mono noto bomagi kaba'aniuba ma luto enoloka ho'ehina:

Aposolo 6:12

Enali ya lite lana kagauba asaga boana'i to keya ka enelepilata bo hiti to olopa napa bo enali enipaluga lu boyogo fi'ahana. Ya hago enali Sitifenitoga bite yato lite le'mete bite mono kanisole bona'magitoga le'mete bi'ahana.

Aposolo 6:15

Ya lago asaga bona'i kanisolelugu mine'ahanamagi Sitifenihi bulu'i he'ahana. Ya nehago Sitifenihi okaba'a agelomofihi suhi lito i besa lo'ehina yabe.

Aposolo 7:37

Ya'mana Moseu ma luto Isilaeli bona'a lu epi'ehina: Nani nele'mo huto hu'ehina bameto suhi huto li moloto kaga lu yege hose bo lenali folagahatiniguti le'mo ho tilina'mu yabe lu'ehina.

Romu 12:10

Lenali ai ginaga fi eminogo ai ginaga fi eminogo hite koguna ite minalo. Ya hite minete lenigitini liyafa mehise bonatinimo le'mo hofa tete minalo.

1 Koliti 6:10

to gumina taminalo bo to fe'nohi samahi tito lilube lilata nehana bo to bia nagamitoko humofa'na nehana bo, to enemegeka lilata nehana bo, to fakupa ka lite luba hilata nehana bo, ya nehana'amagihi Hu'mamofihi kapogu metilana'mu yabe.

1 Koliti 6:6

Lenalitoga moneuba lalu'afi hiti foipana'atiti huto hulenogomo Hu'mamofihi mekeheli'ahana bona'magitoga lelito bigo lu laga hi ete'ahabe. Bati mehina suhi nehabe. Lenali ka foya huto hulata nohina yanauba mono katini li kele lilata nohibe.

1 Tesalonika 4:6

Aku'i lenali folagahatinigu bona'i moneuba ana'i kumu foipana hilina'a meni'ibe. To lalu'afihi liha'a lilina meni'ibe. Yamofihi nasana lilana bona'iya Hu'mau osahi epilina'mu yabe luto kohe toto lu laga huto lu lepi'ohutamo ni'ibe.

Taitasi 3:2

To bonakamagi fato bona'i mone'mofihi kaga li sibina mehise to luba sabo mehise minalabe luto lu epibo. Enali legeso hite minete asaga bona'magitoga komopa'anigu keheli bati hite enele'mo babahi hilabe.

Hibulu 12:25

Lenali ka'a lu lepilata nohina ya'ma keheli mehe'mise kaba hite minalo. Koyapa'i Moseu ya'ma metoga minoto Hu'mamofihi ka'a mone lu epigo ka futu'a yabe lite he'mi ete'ahana bona'i enalitoga ana'ina enoho fililabe noligo koli'a hiti huto hu epi'ehinamo ni'ibe. Ya hu'ehinago yatai ya'ma kokulumagu minoto ka'a lipoti lu nolimina bo ai ya'ma lemegesa hu emitoti hena hena hinogoti lemehi mebinogo minalune?

Hibulu 5:9

Ya huloto bu segito mino'ehina bo lolo huto ai ka'a keheli emi'ahana silaga bonatoga enali'i enubuto bise'namofihi nekisa'a meni'inamofihi afo'anifu lolo hu'ehina.

Yemesi 2:20

Lenali ka keheli sibina hise naga'ise. Lenali kumu nolube. Bona'i luga'amagi keheliya ilana mono kamofihi legeya'a mone melilana ya'ma keheliya ise'na'ani pata si'ehibe luto nolube.

Yemesi 3:6

Ana huto kenetufati ya'ma logo legi huto ni'ibe, lugufamofihi nasanaguti ya'ma metoga nasana foipana asaga'naloga nogosuhi ni'ibe. Kenetufatiuba lugufa komopati li sibina hu su holatanamo ni'ibe. Logo lo tunufa'uba i kulu tito yafa legeya'a kifi lo su ho'ehinamo ni'ina, ya suhi huto logo hepaluguti metoga bona'i asaga'naloga kenetufati li gelehe galaha hago kagati lu sibina huto analoti luto moloto nohuta nasana ya'ma sibina holito nobibe.

1 Pita 2:23

Enali huli ka lu emilago ai ka nona'a lu meepi'ehinamo ni'ibe. To osahi emilago ai enipakafa mehose fa'mene minoto kaga'ani loko hilina bo, Hu'ma ai bati hu epololata bo, aitoga mino moloto fifa ito mino'ehinamo ni'ibe.

1 Pita 3:9

Ana'ina foipana lelite tinogomo lenalitinigo fililata nasana foipana lelite metilo. Lenali lube laga hibe nehinogo lenaliya nona'a meepise bebe sose ka lu epilo. To lenali ana hite lusa gise ka lilabe luto Hu'mamofihi elesa molo'ehinamo ni'ibe.

1 Yoni 2:9

To bona'i luga'amagi fana meha'agu nohune lite lilana to enalalu'anigihi enita bite enemegesa hu epilana'amagi ya'ma enali metepunagu yatai neminanamo ni'ibe.

1 Yoni 3:10

Hu'mamofihi pa'a pana'a to Satahi pa'a pana'a enali hapa hapa'ani ya suhi huto ya'ma huto nohigo bu galune'mu nohune. Luga'a mino fotogo hite meminalana'mu enali kumu Hu'mamofitogati menehabe luto nokehelune. To enali komopa'ani ya'ma enalalu'anigihi meepinogomo enali kumu Hu'mamofihi bona'a menehabe luto ya'ma ana huto lilune.

1 Yoni 5:16

Bona'i moneuba lalu'afu moneuba foipa nasana nolinogomo bu goloto filise kapolo le'mo malalina nasana ya'ma lolo mehuse'namofihi nohinogomo bu goloto ya'ma ai kumu luto Hu'mamofitoga foipana'a li he'mi etobo luto ya lilibe. Lulenogo Hu'mau foipana'a li he'mi etoto mino kosaba huse kapolo le'mo malalibe. To filise kapolo le'mo malalina nasana ya'ma foipana hu'ehina'a mone ni'ibe. Ya hu'ohuta'amu Hu'mamofitoga lilata foya lilabe luto menolube.

Yute 1:9

Agelomagihi bo enogo'anifu Mikaeliu ya'ma faga mono'i lilata nehana bona'i hi'ahana suhi huto mehu'ehibe. Ai Mosehi sekuya'a ki'afu lilibe lite Satahi kenasabo bilete ihega ahega helete Satahi ka'a foipa hilibe luto keheli'ehina, ya'ma keta higo ai Satahi megeka meluse ma luto luloto lu emi'ehina: Sipi Bo aliha'a ka kemekilina'mu yabe luto lu emi'ehina.

Huto Hilina Ka 20:14

Ya hulago filise'na hiti kene mala mala hiti etali logomofihi hefuha'agu kala efahi logogu loto ni'inagu etefelu ho he'migo limi'aha'ina. Yanauba filise'na napa 2 lolo hu'ehibe.