Matiu 5:20 - Ka Lamana'a Monoꞌi Lu Mu Tifiꞌehina Ka Yabe

²⁰ Ya hu'ehina nani lenekesa nobube. Lenali Hu'mamofihi laga besina suhi hite hetofanaguti minalanauba Felosi bona'i hiti to keya kaga enelepise bona'magihi hapa'ani enebe liginogoko lenali kokuluma kapolo nehetilana'mu yabe luto Yesu lu epi'ehina yabe.

Matiu 5:20 ပူးပေါင်းရင်းမြစ်များ

Matiu 16:12

Ya ligo enali beletimofi yisitimu'i kaba hu bati hilo melibe. Ai Felosi bomagi hiti to Satusi bomagihi kaga'anilo kaba hu bati hilo luto nolinagi lite enekesa yigi fe li'ahana yabe.

Matiu 18:5

To bo moneuba nani nigi'nimu ekesa keheliloto yagapana'i ya'ma'a enele'mo bati huto enehe'malina, ai'ya nani'i nehe'malina'mu yabe.

Matiu 3:10

Luhi loloba huto yafa hapa'alo ni'ibe. Asaga yafa legeya'a mehalinamofihi hetigi su hoto logogu genogo logouba lo su halibe.

Matiu 7:21

Asaga bona'i nani kumu'i: Kibina bo'nio, Kibina bo'nio, lilata nehana enali kokulumamofihi kapo'alo mebilana'mu yabe. To bona'i luga'amagi nani Afo'nifu kokulumalugu nohinamofihi bita hina suhi hilata nehana bona'isi enele'malina'mu yabe.

Maki 10:15

Bo moneubafi moneuba lagaso yagapana'mofihi suhi huto Hu'mamofitoga agoya hu emilina bouba, ai Hu'mamofihi kapogu tilina'mu yabe. To bo moneubafi moneuba lagaso yagapana'mofihi suhi huto Hu'mamofitoga agoya hu meemilina bouba, ai Hu'mamofihi kapogu metilina'mu yabe.

Maki 10:25

Kameli yagauba neka hokolo kapo'agu kikipa ho'ehina'a fa'mene bati huto bilifiye? O'e. Amuya moloto fito foloto bilina'mu yabe. To ana huto fe'noha'a silaga'i ni'ina bouba Hu'mamofihi kapogu tilina keta gofa hu'ehina yabe.

Luku 11:44

Ehe, lenali kaba hu bati hilo. Lenali kene mala mala hepa suhi hite fala kite nehago bona'i ifo'alo bila ela nehite lenali kumu'i me'i afeha'alo nehabe lite mekehelilata nehabe, Yesu ya luto Felosi bona'i lu epi'ehina yabe.

Luku 12:1

Babu boana'i li nupa hite yege yege'magi ikini ikini hite ai gufalo ai gufalo hite mone'mofihi gigusalo i sala kose suhi hite nehago ana kana'alo Yesu pana'alobo'a yata'a luto lu epi'ehina: Lenali Felosi bona'magi faga faga lilana'mu hapa'ani kaba hu bati hite minalo.

Luku 18:17

Nani lusiga luto lu nolepube. Bo moneuba yagapana'magi Hu'mamofitoga agoya hu emise nehana ya suhi huto menohinogomo ya'ma bo ai Hu'mamofihi Kapo'alugu lusiga luto metilina'mu yabe, Yesu lu'ehina.

2 Koliti 3:9

Komopati li sibina hulatamofihi lolo huse'na yamofihi lu mu tifise'namofihi ka fana meha'a ya'ma imo limito ni'ibe. To foipana meni'igo minolatana mone'a yamofihi foya'a fana meha'a ya'ma mone'a tito ni'ibe.

2 Koliti 5:17

Ya hu'ehina'mu bona'i moneuba Kilisitotoga hepiloto molo emi'ehilina ai yuhufana lolo nohilibe. Tafa hapa'a su ho etolago kosaba hapa'a ahuto hu'ehilina yabe.

Filipai 3:9

To nani yatai aitoga mino hepiloto Moseu lu laga hu'ehina kamofihi mege'i molo'ohunalo Hu'mamofihi bulo bati huto minaluna meni'ibe. O'e, Kilisitou nele'mo bati hilibe luto ai kumu keheli amuya molo'ohunalo Hu'mamofihi bulo bati huto nominobe. Hu'mau anana'mu foipana'ni li he'mi netoloto nele'mo bati hu'ehinagihe.

Hibulu 12:14

Lenali bona'i asaga'i enali hiti koguna ite minalune lite nelite to komopatini hepinogo mino eto hite minalune litemo amuya malalo. Komopa'ani kolo tago nehilana'amagi enali Sipi Bomofihi be megalana'mu yabe.

Huto Hilina Ka 21:27

Kolo tanana mone ya'ma anagu tito mefalalina'mu yabe. To bona'i mone'amagi enubuya nohina nasana mone lilana to faga faga lite nehilana'a enali ana hepalugu tite meminalana'mu yabe. Enigi'ani Hu'mamofihi sipisipi nala'auba bati hi'ahana'a minoba minoba hise bona'magihi enigi'ani bukugu koyo molo'ehina bona'i enali'anisigo bite henetilana'mu yabe.