Matiu 5:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Ule'ale huto lusiga ma'naka luto nani lu nolepube, asaga'na ma me'i hiti kokuluma hiti su hoto bilinaya Hu'mamofihi keya ka'a kitili kitili'na su hoto mebilina analo minoba minoba hilina'mu yabe.

Matiu 5:18 ပူးပေါင်းရင်းမြစ်များ

Matiu 10:15

Nani ma'naka luto lu nolepube. Hu'mau ana boana'i kaga'ani loko hu epalalina yupapogu Hu'mau Sotomu hepa'i hiti to Gomola hepa'i hiti nesi'a enahalibe. To lenele'mo bati mehilana hepa'iya Hu'mau sipi enoho su halina'mu yabe, luto Yesu lu epi'ehina yabe.

Matiu 10:23

To mone hepatoti lenehenogomo lenali ana hepa'i he'mite hololu lite fato hepatoga bilo. Nani ma'naka luto lu nolepube. Lenali asaga Isilaeli hepalugu bite lili'na li baga mei'ehinogo nani aku'i aluna'mu yabe, luto Yesu lu epi'ehina yabe.

Matiu 10:42

To bo moneuba fatoga boana'i neago bu enogoloto'a: Akae, ma boana'i Yesuhi naga'amo nehanago enehe'malube luto ekesa kehelito yatipa nagami'i konugu hefito epi fulu hilina boya ma'naka luto lu lepube. Ai ana bouba mina'a liba liba hilina'mu yabe, luto Yesu lu epi'ehina yabe.

Matiu 11:11

Yesu kaga molo emito lu'ehina: Nani ma'naka luto lu nolepube. Yoni ai nagami folo epolose bouba asaga bona'i ma melugu nehana enohoto nohibe. Ya hu'ehina bo mone Hu'mamofihi kapolo lagaso huto nohilinauba ai Yonihi be ligito nohibe.

Matiu 13:17

Nani ma'naka luto lu nolepube. Koyapa'i babu lu huto huto bona'i hiti to komopa'anigu bati hina bona'magi ya'ma yatai lenali bu neganana bu galune lite hi'ahanaya enali bu mege'ahana yabe. To lenali yatai nekehelina kaga kehelilune lite hi'ahanaya mekeheli'ahana yabe.

Matiu 16:28

Nani ma'naka lu nolepube. Bo luga'a ma ho tilete nehanaguti mefilise nehite bu ge'ehinogo Kokulumaguti limi'ehina Bouba kibina bo lolo huto minoloto aku alina'mu yabe.

Matiu 17:20

Ya lago Yesu ma luto lu epi'ehina: Hena'mugope lenali nanitoga komopatini nesi'asi mele'ahana'mu yabe. Lenali ma'naka lu lepilunagi kehelilo. Lenali nalepa legeya'a legi huto nanitoga komopatini nimise'natini minalina, ma kosamofihi mula kegi'a bu molobo lilana ai lenabaga liyafa huto bilina'mu yabe. To lili'na yege yege'i lenalitini lilana'mu yabe.

Matiu 18:18

Ma'naka luto lu nolepube. Lenali asaga'na ma melugu ninanamofi kumu lu laga hilana Hu'mau kokulumalugu ana suhi huto lu laga hu epalalina'mu yabe. To asaga'na ma melugu bati huto lilina'a Hu'ma kokulumalugu ana huto bati huto yabe lilibe.

Matiu 18:3

Ya huloto ma luto lu epi'ehina: Nani ma'naka luto lu nolepube. Lenali komopatini i gelehe hilete pana'i lagaso'a legi mehilana lenali kokuluma kapo'alo mebilana'mu yabe. Ma'naka luto lu nolepube.

Matiu 19:23

To Yesu koko pana'a ma luto lu epi'ehina: Nani ma'naka luto lu nolepube. Fe'noha'a hiti bouba ai kokuluma kapo'alo tilinaya aitoga sipi keta hu etalina'mu yabe.

Matiu 19:28

To Yesu ma luto lu epi'ehina: Nani ma'naka luto lu nolepube. Alihi asaga'namagi yuhufanago lolo hilina yupahi Kokulumaguti limi'ehina Bo ai fana mehenagu minoto kibina bomofihi kefa hisalo minalina'mu yabe. To nani'i nemege'i melete mine'ahana bomagita ya'mana yupahi 12 kefa hisalo minalana'mu yabe. To lenali ya hilete Isilaeli naga'i 12 magihi kaba hi epalalabe.

Matiu 21:21

Ya lago Yesu ka'anilo nona'a ma luto lu epi'ehina: Lenali lenekesu meheno. Lenali komopatini nanitoga melelete lenali loe lae komopatini meminalina nani ma nemuya yafamofihi hu'ohuna suhi hilana'mu yabe. To lenali ya'ma sunogo mehilana'mu yabe. Ma kosamofihi ma lite lu emilana'mu yabe. Ma kosa ho tito hege nagamilugu limibo lilana lenabaga liyafa huto limilina'mu yabe.

Matiu 21:31

Yalo lenali lu nimilo luto Yesu lu'ehina: Ya'ma loe pana'male'i kuyu'afu afo'atitifu lu etimina kagalo mege'i molo'ehibe? Ya ligo enali Yesuhi lu emi'ahana: Yege pana'auba yabe lite, ya lago Yesu ma luto lu epi'ehina: Nani lusiga luto lu nolepube, takisi efahi nelina bo hiti to mokolo ana'i hiti enali kohe tete Hu'mamofihi kapo'agu nebabe.

Matiu 23:36

Nani ma'naka luto lu nolepube. Asaga ya'mana gumi'animofihi foipa mina'auba yatai ma nehana boana'i enali enugufalo huto hilina'mu yabe, luto Yesu lu epi'ehina yabe.

Matiu 24:2

Ya hago Yesu ma luto lu epi'ehina: Lenali ma asaga'na bu ge'ahafihe? Nani ma'naka luto lu nolepube, asaga efahi ma ninaya he'minogo ikupilo akupilo hite meminalina'mu yabe. Enali ibe fologobe hite meluguko limo i su halina'mu yabe.

Matiu 24:47

Nani ma'naka luto lu nolepube, sipi bo'auba ya'mana pana'i le'moloto asaga fe'noha'alo li kaba gi etalina'mu yabe.

Matiu 25:12

Ya lago ai sipi bouba ma luto lu epi'ehina: Nani lenali'i mekeheli'ohube lu'ehina yabe. Yesu ana bame ka mone'a hiti molo emiloto ma luto lu epi'ehina:

Matiu 25:40

Ya lite noloka henogo nani sipi gihiti bomofita ma luto lu epilube: Nani ma'naka luto lu nolepube. Musufalo bo mone nalalu'nifihi ma melugu ya'mana suhi hi ete'ehilana ya'ma nani'i nele'mo bati hi'ahabe.

Matiu 25:45

Ya lite loka henogo gihiti bouba ma luto lu epilube: Nani ma'naka luto lu nolepube. Musufalo bo nalalu'nigihi ma melugu enele'mo bati mehi'ahanaya nani'i nele'mo bati hite menehe'me'ahabe.

Matiu 5:26

Ya hinogo anaga nohutoka efahi tina hu keto'ehinamo molo emiloto nagaluguti su halane, to tinakalo emi pa mesotomo ana naga foyagu minomo buto emiletogomo su halata'mu yabe, luto Yesu lu epi'ehina yabe.

Matiu 6:16

Lenali mono ka'mu lite nose'na mo site neminetemo fagalo bomagi hilata nehana suhi hite lenokaba li sibina mehilo. Enali enokaba li sibina hilata nehanaya asaga boana'magi bu enegelete nose'na mo si'ahabe lite lu epalalabe lite nehabe. Nani ma'naka luto lu nolepube. Enali ya hilata nehana bona'magi mina'ani ali'ahabe.

Matiu 6:2

To fe'noha'a meni'ise bomofihi ana'ina he'moto emilube'mu nohutomo, kai fagalo bona'magi mono nonugu hila to kapo napagu hila nehana'a huto bona enubugu fi yotili katili ito bula ola mehubo. Ya hilata nehana bona'iya enali boana'magi bu lagalabe lite hilata nehabe. Nani lusiga luto lu nolepube. Enali alihi melilana mina'ani yatai alite neminabe.

Matiu 8:10

Ya luto ana bouba Yesuhi lu emilago Yesu ana ka'a keheliloto ekesa yigi babu lu emi'ehina. Ya huloto boana'i mege'i lefeli'ali hana kaga ma luto lu epi'ehina: Kehelilo. Nani lu nolepube. Isilaeli bo moneuba ya'ma bouba hina'a huto komopa'a li nimi'ehina bu megolata nohube.

Maki 10:15

Bo moneubafi moneuba lagaso yagapana'mofihi suhi huto Hu'mamofitoga agoya hu emilina bouba, ai Hu'mamofihi kapogu tilina'mu yabe. To bo moneubafi moneuba lagaso yagapana'mofihi suhi huto Hu'mamofitoga agoya hu meemilina bouba, ai Hu'mamofihi kapogu metilina'mu yabe.

Maki 10:29

O'yo, to lusiga lu nolepunagi kehelilo. Bo moneubafi moneuba nani kumu luto to ka lamana'amofi kumu luto nasana'a he'milina bouba fa'mene minalifihe? O'e. Nani kumu to ka'nimu luto hepa'agati to me'agati he'mito, to gonamu tamu'amagi etali'agi afo'agi ito'agi he'mi epalalina bouba ai yatai ma melugu nohuto'a, to bona'magi kalana'i nehi etago nohuto'a ai asaga'na lilibe. Hepa'a hiti, me'a hiti, gonamu tamu'a hiti etali'agi hiti ito'agi hiti yagapana'a hiti yege yege'na lilibe. Yatai ma melugu nohuto lilina'mu yabe. To alihi yupahi, kokulumagu mino kosaba huse'na liloto to minoba minoba hilina'mu yabe.

Maki 11:23

Lusiga lu nolepube. Lenali bo moneubafi moneuba mana kosamofihi ka emekito: Managati he'mito buto sipi nagamilugu folobo, luto noluto to komopa'agu ekesa loe lae mehuse ma'naka luto huto hilibe luto keheli ule'ale hinogo, Hu'mau ka'a kehelito anana hu etalina'mu yabe.

Maki 12:43

Ya bu goto pana'alobo kehe igo ago ma luto lu epi'ehina: Lusiga lu nolepube. Ya'ma keto a'uba he'mi'ehina efaha'a yauba asaga bona'i he'mi'ahana'amagihi enebe ligi'ehina yabe.

Maki 13:30

Ya'ma yatai nehana bona'magihi kana'ani su mehenogo, ana kana hapi filina'mu yabe. Nani ka'ni fenene huto mefilise ya'ma huto hilina ni'ibe.

Maki 14:18

To nose'na nete nehago Yesu ma luto lu epi'ehina: Lusiga nolube. Lenali nani hiti nose'na nenana bona'i lenali folagahatiniguti bo moneuba fatehatimagihi nani kumu gutunu ka lu epilina'mu yabe.

Maki 14:25

To lusiga lu nolepube. Nani yatai bai nagami'i nonobe. Aku'i asaga yupahi menalube. To alihi Hu'mamofihi kapo'a huto aku'i yalo yuhufasi naluna'mu yabe luto Yesu ya lu'ehibe.

Maki 14:30

Ya ligo, Yesu ka'alo ma luto lu emi'ehina: Nani lusiga lu nokumube. Kai yatai folugu'i kokole loe yupahi nogo memolo'ehinogo kai nani kumu: Ana bo mekeheli'ohube, luto bahane hoto loeyagi moneyagi yupahi bahane hoto lu epilane. Yesu Pitahi ya lu emi'ehibe.

Maki 14:9

To lusiga nolube. Alihi nani kumu ka lamana'a asaga melugu hepatoga bite kaga beto hite lu epilana nehite ya'ma a'uba hu neto'ehinamofihi ka'mu ana hite lu epilabe. Ai hu neto'ehinamofihi beto hite kaga lilabe.

Maki 3:28

To ya huto ni'igo, nani ka'ni lusiga luto lu lepilunagi keheli'ehilo. Bona'magihi foipana'ani silaga'na Hu'mau pa so epalalibe. To ana huto megeka nelana'ani fato fato'na pa so epalalibe.

Maki 6:11

To mone hepato nehetila'inamo to enali letebe metigise to kagatiti mekehelise minenogomo letali ana hepatogati he'milu'ibe'mu nehitemo letigigusaloti me'ani kele li he'miliyo. Ya hinogo enali bu gete: Hu'mau ka lemeki'ehina yabe lite kehelilabe. Yesu ya luto lu epi'ehina yabe.

Maki 8:12

Ya lite lago, Yesu komopa'agu, abo, luloto, yalo ma luto lu epi'ehina: Lenali yatai bona'i yale. Henabe lite nani fi taga hi netete, kokulumagati sipi lili'na topa hose fato fato'i liletogo bu galune lite nelabe? Ma'naka lu nolepube. Nani lenali yatai bona'magita sipi lili'na topa hose fato fato'i meli lepalalube'mu nohube.

Maki 9:1

To Yesu ka mone hiti ma lu epi'ehina: Lusiga lu nolepube. Alihi Hu'mau ai kapo'a amuya hiti le'mo huto hilina kanagu ya'ma bona'i yatai malo nehana'a mone'amagi enali mefilise nehite bu galana'mu yabe. Yesu ya lu'ehina yabe.

Maki 9:41

Lusiga lu nolepugi keheli'ehilo. Bo moneubafi moneuba lenali Kilisitohi naga'i nehana kumu luto nagami'i mone nesi'asi lepinogo, Hu'mau alihi nona'a hetofana'a emilibe. Nani bona'ni nagami epi'ahatalo yabe luto mina'a emilibe. Yesu ya lu'ehibe.

Luku 11:51

Koyapa Ebeli fili'ehina kanaloti oto Sekalaiya ai sipi mono nohi gegisa'agu mamufa gilata hitalo fili'ehinalo yanana'mu asaga'i luto yatai boana'i enalitoga minalina'mu yabe. Ma'naka luto lu nolepube, ya'manana'mu luto mina'a sipi yatai boana'magi ma nehana he'milabe luto Yesu lu'ehina yabe.

Luku 12:37

To kaba bo'aniuba oto koko panana'a bu enagalina enubu'i mekese geba hite nehinogomo yalo ana koko pana'alobo enofokehi halabe. Nani lu nolepube. Sipi bouba ai'a kata'a li hupa mone huto hepiloto'a to gilimi'a iloto hitalo enele'mo moloto ai'a nose'na gabu ito epilina'mu yabe.

Luku 13:35

Yatai Hu'mau ya'mu'i kehelito hepatini ahe'mi su ho'ehibe. Nani lu nolepube. Lenali nani'i bu menegese nehite alihi Sipi Bomofihi gi'alo noana bomofihi lenegelo bi emilana'mu yabe, luto Yesu lu epi'ehina yabe.

Luku 16:17

Alihi kokuluma hiti me'i hiti su hoto bilinaya keya ka'a nesi kasi hupamone'i mone ninaya su hoto mebilina'mu yabe, luto Yesu lu epi'ehina yabe.

Luku 18:17

Nani lusiga luto lu nolepube. Bo moneuba yagapana'magi Hu'mamofitoga agoya hu emise nehana ya suhi huto menohinogomo ya'ma bo ai Hu'mamofihi Kapo'alugu lusiga luto metilina'mu yabe, Yesu lu'ehina.

Luku 18:29

Nani lusiga luto lu nolepube, luto Yesu lu'ehina. Asaga bona'i Hu'mamofihi Kapo'amu lilete noha'ani liha'ani enogona'ani to ito'anigi afo'anigi to yagapana'anigi he'mi epelelete alana alihi Hu'mau babu lito bati'na'anilo ma'asi kanalo epilina'mu yagi, to alihi kana'a alube'mu hilina yupahi enali hetofa hepa'i minoba minoba huse'i nina ya'ma lilina'mu yabe, luto Yesu lu epi'ehina yabe.

Luku 23:43

Ya ligo Yesu ma luto lu emi'ehina: Nani ma'naka luto lu nokumube. Yatai ma'asi kai nani hiti miya omihi foyagu minalu'ibe.

Luku 4:24

To ai ya luto lu noepito lu'ehina: Nani lusiga luto lu nolepube. To mono ka lu yege hose bomofihi hepa'alo bona'magi ka'a keheli meemilana'mu yabe.

Yoni 1:51

To Yesu ma luto lu epi'ehina: Nani ma'naka luto lu nolepube, kokuluma'i hokolo nohinogo Hu'mamofihi agelo'amagi Kokulumaguti limi'ehina Bomofilo tila limila nehinogo lenali bu galana'mu yabe.

Yoni 10:1

Yesu mone kaga lu epi'ehina: Nani ma'naka lu nolepube. Bona'i moneuba sipisipi yagamagihi bihu kasito metise buto folaganuguti leke ho limito baukalo bo to lubalo bo nohibe.

Yoni 10:7

Yesu ka mone hiti aku'i lu epi'ehina: Ma'naka lu nolepube. Nani'ni sipisipi yagamofihi komoge'namofihi kafemo nohube.

Yoni 12:24

Lusiga lu nolepube. Mone nose'na biha'a melugu melimilina, fa'mene minoto pata sito boloto metilina'mu. To nose'na biha'a mone tili hu mo ito bololoto tito legeya'a babu luto halina'mu yabe.

Yoni 13:16

Lusiga lu nolepube. Koko pana'a mone afo'afihi be ligi'ehina pana'i menohibe. Ana huto kaga lito bu'ehina bo mone ai ho lifi'ehina'amofihi be meligi'ehina yabe.

Yoni 13:38

Ya ligo Yesu lu emi'ehina: Ya hifi? Nani kumu fililube'mu lusiga nolapi? Nani ma'naka lu nokumube. Etehi folugu'i kokole nogo memalalina kana kai yupahi loebe monebe nani kumu menokehelube luto bahane hoto lu epilane, Yesu ya luto lu emi'ehina yabe.

Yoni 14:12

Lusiga lu nolepube. Bona'i mone'amagi nanitoga keheli ule'ale hu niminogo ya'ma nani amuya foya'ni suhi hite lilana'mu to, ma'naka luto mone hiti foya'nimofihi be ligite babu lite lilabe. Hena'mube? Nani Afo'nifitoga tito minenogo'ni enehe'menogo babu lite amuya lili'namo lilabe.

Yoni 16:20

Lama'naka lu lepilugi kehelilo. Lenali ya'ma yibisu kalasu hite nehinogo melugu bona'i mono ka mekeheli'ahana'amagi enali enegelo bilune'mu habe. Ya nehinogo lenali keke'i lilana'mu yabe. Ya nehinogo komopatini le'mo gelehe hinogo babahi hinogo haya ilina'mu yabe.

Yoni 16:23

Ana huto hilina kanagu ana'ina'mu noloka mehalana'mu yabe. Nani lama'naka lu nolepube. Lenali bona'ni nehanamu'i Afo'nifitoga buka tilana yamofihi nani nigi'nilo lepilina'mu yabe.

Yoni 21:18

Nani ma'naka lu nokumube. Koyapa'i kai neheya kola nohutoka gu kata hiti letika hiti biloto hepa'i fato fato'i bula ola hu'ahata kai'naka ni'ibe. To alihi oyafa loloto mone kanagu kayaka su toloto nohitogo bona'magi naga'i kimite hepa'i monelugu mebilube'mu nohilata anaga kaimofihi kele'mete bilabe.

Yoni 3:11

Nani ma'naka luto lu nokumube. Lali keheli'ohutanamofihi kaga'a noluto to lubutu bu go'ohutanamofihi lu yege nohotaya to lenali folaganugu mone kene'maka lali kaga keheli limilata'a mehane.

Yoni 3:3

Ya ligo Yesu lu'ehina: Nani ma'naka luto lu nokumube. Kene'i moneuba Hu'mamofihi Kapo'a bu megalina ai ito'afu aku'i keto kosaba hu tegi hilinaubago yabe.

Yoni 3:5

Ya luto ligo Yesu ka'alo nona'a lu'ehina: Nani ma'naka lusiga luto lu nokumube. Kene'i moneuba Hu'mamofihi Kapo'a bu galube linogomo ai nagami'uba hiti to Sikalafu'uba hiti yata'a keto kosaba hilinaubago yabe.

Yoni 5:19

Ya hago Yesu lu epi'ehina: Nani ma'naka lu nolepube. Pana'uba nasana ai ekesaguti mone li huto hulata menohibe. Yata'a afo'afu lolo higo bu goloto lolo hulata nohibe. To afo'afu lolo hulata nohina suhi Pana'auba ana suhi lolo hulata nohibe.

Yoni 6:26

Ya lite loka hago Yesu lu epi'ehina: Nani ma'naka lu nolepube. Lenali nani kumu sa sa nehanaya nani lili'na sipi'a suhi li huto hu'ohuna muya'alogope, beleti no lenumu hi'ahanamo'mu lite nani'i sa sa nehabe.

Yoni 6:32

Ya lite lago Yesu ka'anilo nona'a lu epi'ehina: Nani ma'naka lu nolepube. Moseu kokulumalugu beleti melepi'ehina, nani Afo'nifu kokulumalugu lusi beleti lepilata hu'ehina yabe.

Yoni 6:47

Nani ma'naka lu nolepube: Bo moneuba nani'i keheli nimilina ai minoba minoba hepa'i bati'a lilina'mu yabe.

Yoni 6:53

Ya lite lago Yesu lu epi'ehina: Nani ma'naka luto lu nolepube. Kokulumaguti limi'ehina Bomofihi gufa'a hiti golaha'a hiti menalana mino kosaba huse'i lenalilugu meminalina'mu yabe.

Yoni 8:34

Ya lite lago Yesu ka'anilo nona'a ma luto lu epi'ehina: Nani ma'naka luto lu nolepube. Asaga bona'i foipana li huto nehanamagi foipanamofihi kele kele'a nehabe.

Yoni 8:51

Nani ma'naka luto lu nolepube. Nani kaga'ni liyafa huto mege'i malalinauba mefililina'mu yabe.

Yoni 8:58

Ya lite lago Yesu ka'anilo nona'a ma luto lu epi'ehina: Nani ma'naka luto lu nolepube. Abalahau huto mehu'ehina kana'alo nani minomo buto mino'ohuna yabe.

1 Pita 1:25

Ya huto ni'inaya, to Sipi Bomofihi kaga yauba amuya moloto minoba minoba huto minalina'mu yabe. To ana kaga ya'ma lu yege hose ka lamana'auba lenalitoga nehetigo ana kaga'ya kehelilata nehabe.

Huto Hilina Ka 20:11

To nani sekele mamu'a hiti kefa hisa sipilo koholi nasana mone bu go'ohube. Gupisa'alo mino'ehina ai gobisa bu go'ohuna ya'ma kokuluma hiti me'i hiti gobisaloti koli hilete aku'i huto mehite'atiti minigi'aha'ina.