Matiu 5:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Lenali nani kumu'i Mosehi keya ka'a hiti to lu yege hose bona'magihi ka'ani hiti li he'milube luto o'ehibe lite mekehelilo. Nani li he'milube luto meo'ohuna ana kaga'a lu'ehinamofihi pa salibe luto o'ohuna yabe.

Matiu 5:17 ပူးပေါင်းရင်းမြစ်များ

Matiu 3:15

Ya ligo Yesu ka'alo ma luto lu emi'ehina: Ana'a hiligi ya meluto yatai kai lu nokumuna suhi hubo. Ya huto ya'ma kapolo li moloto hilu'inauba Hu'mau lu'ehinamofihi hinogo bati hilina'mu yabe. Ya ligo Yoniu Yesuhi kaga lina mege'i moloto nagami folo eto'ehina yabe.

Matiu 7:12

Nanitoga ya suhi hu netalo luto kekesa noyigilata suhi enali fato bonatoga ana suhi hu epolobo. Ya'ma ai Mosehi keya ka'amofihi hapa'a koyapa'i ninamolo to lu yege hose bona'magihi kaga enelepise'na'ani hiti mana'a ni'ibe.

Luku 16:17

Alihi kokuluma hiti me'i hiti su hoto bilinaya keya ka'a nesi kasi hupamone'i mone ninaya su hoto mebilina'mu yabe, luto Yesu lu epi'ehina yabe.

Yoni 8:5

Lali keya katigu Moseu ka mone molo'ehina ya a'i moneuba ya nohinogomo efa kosatu i fililo, lu'ehibe. To kai hena hibe luto nokeheline?

Aposolo 18:13

Lali keya katiuba o'e lu'ehinagu kaga ya'ma bouba ma hepato asaga bona'i Hu'mamofihi kaga'a fato'i noenelepito enali'i kefefe suhi nohibe.

Aposolo 21:28

Oho, Isilaeli bona'ise. Mele'isi ete lehe'malo. Ya'ma bouba asaga hepato bona'i enele'mo keheli sibina hulata bo yabe. Lali Yuta bona'i lemege ka luto to lali mono'i he'mito fato ka lu yege hoto to mana sipi mono nohatimomu'i sibi ka lu epito nohina bo yabe. To ai lu laga hu'ohuta suhi huto mana sipi mono nohatigu fegutoga bona'i enele'moto tito ya'ma nopo le'mo foipa hibe.

Aposolo 6:13

To enali faga faga lu melete ka foya li etalana bona'i luga'a enele'mo mele'ahana. Ya'mana bomagi ma lite li'ahana: Asaga yupahi ya'ma bouba suguna mono nohatimofi hiti to Moseu keya ka li'ehinamofi kumu luto kaga lu sibina hulata nohina yabe.

Romu 10:4

Hu'ma ho lifi'ehina bo, Kilisito, ai huto hu'ehigo keya ka mege'i molose'namu enele'mo bati hilina asu ho'ehibe. Ya su ho'ehinamu aitoga komopa'ani emite keheli amuya malago Hu'mau bona lamana'i enele'mo lolo hulata nohina yabe.

Romu 3:31

Ya nohina'mu lali agoya hu emiloto keya kamofihi lu laga hilupi? O'e, ya huto meni'ibe. Lali Hu'mamofihi agoya hu emiluta ni'igo to keya kamofihi le'mo ho ti fefe lilune.

Romu 8:4

To lamana ka molo'ehinamofihi liyafa hite mege'i malalabe luto lu'ehina. Hena'mugope lali koyapa'i mino'ohuta suhi huto yatai menohune. Lali kosaba kapolo mege'i nomolone. Sikalafu'mofihi kapolo nomolonogo keya kauba lamana suhi hilo lulata ya'ma hetofa kamofihi lali kehelito ya huto nominone.