Matiu 5:12 - Ka Lamana'a Monoꞌi Lu Mu Tifiꞌehina Ka Yabe

¹² Ya nehinogomo kugufaluga laga kebesinogo kegelo bibo. Sipi minaka kokuluma hepatoga Hu'mau kaba hu keto'ehina kimilina'mu yabe. Koyapa'i ana suhi hite lu yege hose bona'i kohe tete huto hanamagihi enegene mane ite enehe'ahana yabe, luto Yesu lu epi'ehina yabe.

Matiu 5:12 ပူးပေါင်းရင်းမြစ်များ

Matiu 16:27

Kokulumaguti limi'ehina Bouba Afo'afihi fana mehena'a hiti aku'i noenogo to agelo'a hiti alana'mu yabe. Ya hilina yupahi asaga boana'magi fato fato suhi hi'ahana hapa hapa'animofihi nona'a li yege ho epalalina'mu yabe.

Matiu 6:16

Lenali mono ka'mu lite nose'na mo site neminetemo fagalo bomagi hilata nehana suhi hite lenokaba li sibina mehilo. Enali enokaba li sibina hilata nehanaya asaga boana'magi bu enegelete nose'na mo si'ahabe lite lu epalalabe lite nehabe. Nani ma'naka luto lu nolepube. Enali ya hilata nehana bona'magi mina'ani ali'ahabe.

Luku 13:34

Ke, Yelusale naga'ise. Yelusale naga'ise. Lenali lu yege hose bona'i enehela to Hu'mau enoho lifigo kaitoga elata hana bona'i efa kosahi he'mi melete enehelata habe. Henaki yupahi nani kele'mo namanuga asaga yupahi malalube. To kokole ito'afu nala'a enele'mo koke'na'aluga mololata nohibe ya suhi luto yabe. To lenali he'mi netenogo lenali'i lenele'mo namanuga memalaluna'a habe.

Luku 6:23

Ya'mana huto nohinogomo kofokehi nohoto hele kolago tila limila nohuto melekehi ibo. To ya hilananamofihi mina'a kokulumalugu sipi'a mino lepalalina'mu yabe. To koyapa'i tata'anigi ya'mana suhi mono lu yege hose bonatoga foipana hi epele'ahana yabe.

Luku 6:35

O'e. Lenali fatehatini enele'mo bati hilo. Ya nehite ana'ina lepilanalo aku'i nona'a limilabe lite melilo. To lenali ya hite minalana aliha'a lenali mina'a sipi lilete Sipi Bo Hu'mamofihi panana'a minalana'mu yabe. To ai ipa'a fokehi menehana bona'i hiti to foipa bona'i hiti noepito hetofana hu noepolobe.

Aposolo 16:25

To folugu'i Polugo Silasiugo nunumu nama Hu'mamofitoga lite mine'aha'ina. Ya ha'igo luga'a bona'i nagalugu minanamagi kehelite mine'ahana yabe.

Aposolo 5:41

Aposolo bona'i enali kanisole bona nohi he'milete fegutoga limilete enegelo bi'ahana. Hena'mugope, Yesuhi gi'a lu yege hananalo Hu'mau enagabu foya kofilabe luto ekesa keheli'ehinalo yabe.

Romu 5:3

To keta nohinauba lali'i huto hu letolenogo ana huto legelo bito minolata nohune. Hena'mube? Ya'ma keta nolebesinanauba lele'mo amuya melenogo mino lito bilune.

1 Koliti 3:8

Lito kofolata nohuna to nagami'i ligilata nohina le'ali moneko legegeto nohu'ibe. Mina'a ya'ma lili'na li'ohu'ina legegeto eto eto huto lilu'ina'mu yabe.

2 Koliti 4:17

Metoga kalana'i mele letalana nesi'a yamofihi su halina yanauba sekele mamu'amofihi laga hina'a su mehose minoba minoba hilina'a li huto hu limilibe. Ana sekele mamu'a limilina'a yanauba lali kumu kalana'i nemalana li'ohutana be ligilina'mu yabe.

Filipai 1:29

Lenali ai kumu foya'a lilata nehanaya, Yesu Kilisitou lenele'mo'ehina hapa'a henana ni'ibe? Lenali Kilisitohi agoya hi etalabe luto to lenemehi emilabe lutofiye? O'yo. To moneko'i ai kumu yabe lite keke boke nasanamofihi gupisalo minalabe luto yabe.

Filipai 2:17

Lenali Hu'mamofitoga keheli ule'ale hite agoya hu emilatana ya'ma yaga hoto efaha hitalo go emilatana suhi luto ni'ibe. Ya huto ni'igo fatehe bona'magi nehe fililenogo golaha'ni yamofihi gupisalo hekiluna suhi luto ni'ilibe. To ya hi netelenogo nani lenali kumu yabe luto negelo bilube.

Kolose 1:24

To nani lenalitoti nagabu foya ko nofunanamu'i nipa'ni sibina mehuse fokehi nolube. Hena'mube? Lali Kilisitohi gufa'a nohuta bona'magi kumu gabu foya kofilina mone'a ni'ina nani he'moto kofinogo su halibe luto nohuna yabe.

Kolose 3:24

To ya nehinogo Sipi Botiuba hetofa nona'a babu luto lepilina'mu yabe. Ai'a molo lepolo'ehinamofihi mina'a fuku luto lepilina'mu yabe. Lenali sipi botini ma melugu bona'mo menohigo, Kilisitou ai Sipi Botini lili'na kaba huse botini nohinagihe.

1 Tesalonika 2:15

Yuta bona'i enali Sipi Bo Yesuhi he'ahana to Hu'mamofihi ka'a lu yege hose bona'i hiti enehe fili'ahana to lali'i legene mane ite lehete li he'mi'ahana. Enali kumu Hu'mau keheligo ipa'a sibina nohina yabe. To enali bona'i asagatoga luba sabo hilata nehana yabe.

Hibulu 10:34

Lenali lenigibo lenalalutinigihi naga nonugu nehago enali kumu yabe lite komopatinigu ekafa'i ho'ehinamo ni'ibe. To asaga fe'nohatini bauna fite lilago ya'ma komopatinimofihi fe'nohi lamana'a amuya moloto minomo buse'namofihi molo'ohune lite kehelilete lenegelo bilata hi'ahanamo ni'ibe.

Hibulu 11:26

Ya huloto Iyipi metogati mone fe'no hiti mina'a sipi ana'ina ya'ma lilina kanamofihi keheligo fa'menena lolo nohigo Hu'mau gulu ho letalibe luto lu molo eto'ehina bo, Mesia kumu yabe lite eniginaga fina'a gupisalo minalube luto yamofihi keheli ule'ale huto legeya'a lolo hu'ehina. Yamofihi minomo tito mina'a huto hilina'a lilube luto ana kaga'mu kehelito li pili koto ya suhi hu'ehina.

Hibulu 11:33

Enali keheli ule'ale nehana bona'i asaga'i nehabe lite luga'amagi melugu bona'i asaga'naloga enele'mete limite enebe ligi'ahana ya'ma enegekesa lise foya lite enele'mo fotoga hite Hu'mau mina'a epilube luto lu epolo'ehina yanamofihi legeya'a li'ahana. To luga'amagi lopi kalamagi heni letalabe lite ana kalamagihi enabagalo fi hekini le'ahana ya nehago,

Hibulu 11:6

Keheli ule'ale huse'nati meeminenogo nehinogoti Hu'mau bu goto fokehi melilibe. Hu'ma ai'a nohibe luto yamofihi keheli ule'ale huto to ai hapa'amu amuya melete sa sa hilana bona'magi ya'ma mina'a limilibe luto komopatitu keheliya ito ai maha'aluga buse'na ni'ibe.

Yemesi 1:2

Nigibo nagabose, kalana'i nemele lepelenogomo yamofihi enimi'i melenogo lenali ule'a'ale hite keheli'ahanamofihi hapa'a huto hilibe lite keheli'ehite keheli sibina mehise lenegelo bite minalo. Lenali mono kagu amuya malalabe lite kalana'i mele lepalalana nasana yamagi lenele'mo bati hilune'mu nehabe.

Yemesi 5:10

Nalalu'nigita, kalana'i nemele epalago kosele ka melise Sipi Bomofitoga molo emite gi'a hete minelata nehana'a mone y'ama Hu'mamofihi mono ka leli'ali hi'ahana bo ya suhi hite koyapa mine'ahana. Enali'ani hi'ahana'a ana suhi hite minalo.

1 Pita 4:13

Koyapa'i Kilisito sipi keke'i luse'namofihi gupisalo ti'ehina ya'ma lenali ana hite Kilisito kumu leniginaga fi'ehina yamofihi komopa'agu mine melete minete komopatini bati hinogo minalo. Ya hite nehinogo lenegelo bise'na'a hiti fana tose'na'a li huto hu lepinogo ana suhi huto komopatinigu ana'ina kosaba nohinogo lenegelo bite minalabe.