Matiu 4:13 - Ka Lamana'a Monoꞌi Lu Mu Tifiꞌehina Ka Yabe

¹³ Ya huloto ai Nasalete hepato memino'ehina ai he'mito buto Kapaneami hepato mino'ehina. Kapaneami ai Galili Hefuhi beleha'alo Sebuluni to Nafatali melugu mino'ehina yabe.

Matiu 4:13 ပူးပေါင်းရင်းမြစ်များ

Matiu 11:23

To lenali Kapaneami bona'ise. Lenalitini kokulumalugu li saga hite tilana ni'ifihe? Logo kapogu limilana'mu yabe. To topa hose'na lenalilugu li huto hu'ohunana Sotomu hepalugu li huto hutita yatai hiti analo huto huba huba nohitita'mu yabe.

Matiu 17:24

Yesu koko pana'a hiti Kapaneami hepatoga nehetilago sipi mono noto takisi efahi lise bomagi Pitatoga ete ma lite loka he'ahana: Tisatiniuba sipi mono noto takisiba nohe'mina ni'ifihe?

Matiu 4:14

Ya hu'ehigo Hu'mau kaga mone lu huto huto bo Aisaiyaha bagalo molo'ehinauba legeya'a huto nohibe. Ai ma luto noli:

Matiu 4:15

Sebuluni me'i to Nafatali me'i nagami hefutoga nina, to hepa'i Yotani Nagami beletoga mino bego bego hu'ehina, to Galili ifo'aga fegutoga bona'i neminana kegi'a yabe.

Matiu 9:1

Yesu botigu tiloto i behe huto hefunugu i gofa hoto muya beletoga heleko moloto ai'a hepa'alo neheti'ehina yabe.

Maki 1:21

To enali Kapaneami kapogu bite nehetigo yalo fuli yupapogu Yesu mono nonugu tito kaga enelepilube'mu nohuto mino'ehina.

Maki 2:1

Kana nesi'asi su holago Yesu Kapaneami hepatoga nehetito nonuga ti'ehibe. Ya higo asaga bona'magi: Noha'agu tito nohibe, lite keheli'ahabe.

Luku 10:15

To lenali Kapaneami bona'ise. Lenalitini kokulumalugu lele'mo saga hilune lite ya'iya tilafihe? Logo hepalugu limilana'mu yabe.

Luku 4:23

To ya nelago Yesu lu epi'ehina: Nani ma'naka luto lu nolepube. Lenali fono ka mone ma lite nanitoga lilana'mu yabe: Lusa bo kaika kugufaka le'mo bati hubo. To kai koyapa'i Kapaneami hepato hu'ahatana lali keheli'ohutana yatai ana huto hepakalo ana suhi hubo lite li netalana'mu yabe.

Yoni 2:12

Ya'manana su holago Yesuhi ito'afu yagi gona'a hiti to pana'alobo'a hiti Kapaneami hepato limite lugufa kana mine'ahana yabe.

Yoni 4:46

Koyapa'i Kena hepato Galili melugu Yesu nagami lafatu bai nagami'i li lolo hu'ehinalo bu'ehina. Kapaneami hepato gamani bomofihi pana'a besigo mino'ehina bo ana hepato mino'ehina.

Yoni 6:17

Enali botigu tilete hefuhu nagami'i i gofa hete Kapaneami hepatoga enubu bu go lite nebago sinihi gi'ehina to Yesu belesa'i enalitoga meneheti'ehina.

Yoni 6:24

Ana botigu Yesu pana'alobomagi hiti menehago bu gelete Yesuhi sa sa hilune lite luga'a botigu ana boana'i tite Kapaneami bi'ahana yabe.

Yoni 6:59

Kapaneami hepato bona'i li gehesa huto mono kaga lu kehelilata nehana nonugu Yesu asaga kaga ya'ma enelepi'ehina yabe.