Matiu 4:12 - Ka Lamana'a Monoꞌi Lu Mu Tifiꞌehina Ka Yabe

¹² Yonihi naga foyagu le'mo malabe lite lana'a Yesu akeheliloto ai Galili melugu bufa hu'ehina.

Matiu 4:12 ပူးပေါင်းရင်းမြစ်များ

Matiu 11:2

To Yoniu ai nagami folo epolose bo naga'i emi'ahago nohuto asaga lili'na Yesu nolinamofihi ka'a keheliloto koko pana'a enoho lifigo Yesutoga e'ahana.

Matiu 14:3

Ai ya'ma huto ni'ibe. Koyapa'i Helotiu Yonihi yato seni nagatu naga'i etoloto nagalugu he'mi eto'ehina yabe. Helotiasiu ai Filipihi liha'a Helotihi ai etali'afihi hapa'amu lite ya hi ete'ahana yabe.

Maki 1:14

To alihi Yonihi naga nonugu le'me mele'ahago, Yesu Galili kapogu nehetito Hu'mamofihi kapo'mu ka lamana'a lu yege nohoto ma luto lu'ehibe:

Maki 6:17

Koyapa'i Helotiu mone'amagihi enoho lifigo bite Yonihi lite naga'i emite le'mete bite kalabusi nonugu he'mi ete'ahana yabe. To henabe lutobe? Ai Helotiu, go'afihi Filipihi liha'a, gi'a Helotiasi, ya'ma a'i gumina folo'ehigo, Yoniu: Ya'ma kogokafihi liha'a li'ahata ya bebe meso'ehina yabe, luto lu emigo Helotiu Yonihi kalabusi emi'ehina yabe.

Luku 23:5

Ya ligo asaga bona'magi sipi hite kehe ilete ma lite li'ahana: Ai boana'magitoga kaga lu epilago ai ka'auba asaga Yutia kegi'a boana'i enele'mo luba hulata nohina yabe. Ai Galili kapoguti hapi filoto ya'mana suhi humofa'na nohigo yatai ya'malo noabe.

Luku 3:20

To ya higo asaga ka Helotitoga Yoniu lina kaga molo emito italuga logo bigo mone hiti ti'ehina foipana'alo naga'i emi'ehibe.

Luku 4:14

Yesu Galili hepatoga i gelehe huto nobigo Hetofa Sikalafu'mofihi amuyana'auba ai hiti bu'ehina yabe. To ai hu'ehinanamofihi kaga'a asaga hepatoga bu baga i'ehina.

Luku 4:31

Yesu Kapaneami hepato Galili kegi'a limi'ehina ya huto fuli kanagu boana'i kaga enelepi'ehina.

Yoni 1:43

Yago eteka'a Yesu Galili kapogu bilube'mu nohuto Filipi bu goloto: Nemege'i obo, luto kehe i'ehina.

Yoni 2:11

Galili kegi'a Kena hepato Yesu amuya lili'na'a ya'ma yata'a yupahi li huto hu'ehina. To ai hetofa hapa'a enelepilago pana'alobomagi Yesuhi komopa'ani emite keheli bati hi ete'ahana yabe.

Yoni 3:24

Yonihi gihiti bo Helotiu nagalugu le'mo memolo'ehigo yabe.

Yoni 4:43

Yesu yege loemo ana hepato minoto alihi he'mito Galili metoga bu'ehina.

Yoni 4:54

Alihi Yesu Yuti'a metogati he'mito Galili kegi'a oloto ya'ma loe yupahi sipi lili'na babeyafana li huto hu'ehina yabe.