Matiu 4:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Ya ligo Yesu Satahi ho lifito ma lu'ehina: Satao, abufa hubo. Mono kauba: Hu'mamofihi Sipi Bo aisigo gi'a li saga huto fokehi hoto agoya hu emibo, luto lulata nohibe.

Matiu 4:10 ပူးပေါင်းရင်းမြစ်များ

Matiu 16:23

To Yesu i behe huto Pitahi bu goloto ma luto lu emi'ehina: Sata, kai nanitogati bufa hubo. Kai kapo biluna'a hekini lo netalube'mu nohapihe? Kai kaga nolataya ma melugu bona'magihi kaga nolane, to ai Hu'mamofitogati meo'ehibe.

Maki 1:13

Buto melugu nohuto'a Satau oto fibe taga ho etoba etoba nohigo, 40 yegegu mino'ehibe. To ana hepa'i ka melugu ni'igo lopi yagakafa anasi nehanaga minoto'a, agelomagi kaba nehi etago mino'ehina yabe.

Luku 10:18

Yesu lu epi'ehina: Satahi bu nogogo kopisi'na legi huto kokulumaluguti limo noibe.

Luku 11:18

To Satahi ai naga'a fuku lite loe naga'i hilete enali'ani luba hilana fato fato hite minalana Satahi kapo'a hena huto minalina ni'ibe? Lenali nani kumu'i Bielesebulu amuya emi'ehigo foipa fele li he'mi he'mi nohibe lite nelanamo'mu lenali'i lenoloka nohobe, luto Yesu lu'ehina yabe.

Luku 13:16

Ya hu'ehina yatai ma a'i Abalahahi tata'afu yabe. To Satau kufu kanagu 18 le'mo naga i'ehina yabe. Ya hu'ehina fuli kanalo nani ana naga'i ya li gulu noho etobe luto Yesu lu'ehina yabe.

Luku 22:3

To Yutasi Isikelioti yabe lite gi helata hana bomofitoga Satau nehetito komopa'agu ti'ehina. Ai aposolo bo 12 ya'ma nagaluguti yabe.

Luku 22:31

Simonio. Simonio. Kai kehelibo. Satau lenali kumu enimi'i malalube luto higo Hu'mau lu laga mehu etobe. Ai lenali'i lenele'malube luto uiti legeya'a hiti noha'a hiti li gelehe huba huba huto kehe noibe ya'ma tegi huto lenebe ligilube'mu nohinagihe, luto Yesu lu'ehina.

Luku 4:8

To Yesu ana kalo ma luto ka emeki'ehina: Mono kalugu ma huto ni'ibe. Kai Sipi Bo Hu'mamofihi gi'a liyafa hubo. To aigo ka kehelise emibo.

Yoni 13:27

Emigo Yutasiu lito noto nohigo ana'asi Satau komopa'agu ti'ehina. Ya higo Yesu lu emi'ehina: Ana'ina lolo hilube'mu nohata me'me huto lolo hubo.

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Aposolo 5:3

Ya ha'igo Pitau ma luto lu'ehina: Ananiasio, hena'mu Satau kai komopakagu tilago Sikalafu'i mi'i moloto faga luloto efahi luga'a li fala ki'ahane?

1 Koliti 5:5

ana mokolo bomofi folagahatiniguti he'mi etelete Satahi yanugu malalabe luto nolu lepolobe. Hena'mube? Ya'ma gufa'auba foipa nohina hapa'a Satau le'mo sibi hulenogo to komopa'a li gelehe higo Hu'mau ana bo buto bulenogomo Sipi Bo Yesu Kilisito nehetilina kanagu meha'a minalibe luto yabe.

1 Koliti 7:5

Bo alobole letali letugufamofihi lite amanapa lolo mehiliyo. Fa'mene Hu'mamofitoga nunumu hite malalu'ibe'mu keta mehuse hite kanatiti kanatiti lu kehelilete kana'a melelete lila'ina yamofihi bati hilube'mu hibe. Malala'ina kana'a su holenogomo aku'i li hepite malaliyo. Malala'ina kana'a be liginogomo yamofihi Satau ai enimi'i molo hinogo foipa hi lalibe luto nolube.

2 Koliti 11:14

Ya nehite yamofihi nasana'a fato fato'mofihi mone li'ahabe luto lilupihe? Ya luto meni'ibe. Satau ai hiti ya'ma agelo bona'a fi fana tete enali babeyafa'a lolo hulata nohibe.

2 Koliti 12:7

Sipi Bomofitogati ana'ina kosaba'i bu goto moloto hu'ohunamofitoga komopa'ni ti lalibe luto nugufa meme'agu ema ufeha'a hiti nasana monetu fi'ehinamofihi Satahi kele kele pana'a moneuba ai komopa'nitu kehelinogo ti lalibe luto nayaha'ni nalapihe luto lu'ehinamo ni'ibe.

2 Koliti 2:11

Satau ai fi taga hu letoto lebe ligi lalibe luto foipana he'milata nohube. Satau ya'ma ana'ina lolo hu letalube luto kehelilata nohina'a akeheli su ho'ohune.

Yemesi 4:7

Yana'mu lenali Hu'mamofitoga i hepilete agoya hu emilo. To Satahi le'mo he'mite ule'ale minenogo ai koli huto bufa hilina'mu yabe.

1 Pita 5:9

Satau le'mo sibina hilina'mu ya huto nohinagihe. Lenali ya'ma keheli ule'ale hiletetini amuya melete minete ai'i le'mo fitu fo he'milo. Ya nehite ya'ma lite kehelilo. Lenigibo lenagabo Hu'mamofihi kagu nehana noto noto nehanamagi enali eniginaga nofigo ana hite kehelite minelata nehabe.