Matiu 3:6 - Ka Lamana'a Monoꞌi Lu Mu Tifiꞌehina Ka Yabe

⁶ Ya hite foipana'ani aitoga pa sago Yotani nagamilugu nagami folo epolo'ehina yabe.

Matiu 3:6 ပူးပေါင်းရင်းမြစ်များ

Matiu 3:11

Lenali komopatini i gelehe hana'mu luto nani fa'mene nagamitu nofolo lepolobe. Ya nohunaya ai bo mone nani nemegesalo alina bouba ai Sikalafu'i to logo'a hiti folo lepalalina'mu yabe luto Yoniu lu epi'ehina.

Maki 1:5

Ya ligo, Yutia melugu bona'magi to sipi hepato Yelusale ya'ma bona'magi hiti aitoga bite foipana'animofihi lu hokolo hilago, ai Yotani nagamilugu nagami folo epolo'ehina yabe.

Luku 1:16

Ai Isilaeli boana'i asaga'i enipa'ani li gelehe hinogo enali Sipi Bo'ani Hu'mamofitoga bilabe.

Luku 3:16

Ya higo Yoniu kehelito ma luto lu epi'ehina: Nani fa'mene nagamitu'i nofolo lepolobe. To alihi bo mone alina ai amuya'auba nani'i nebe ligito amuya'ni hoto alina'mu yabe. To naniya bati huto gigusa su'amofihi naga li he'miluna'a huto meni'ibe. To ai Hetofa Sikalafu'i lepilina'a hiti to logo'a suhi huto mone hiti folo lepalalina'mu yabe.

Aposolo 1:5

Yoniu nagami lafatu'i boana'i nagami'i folo epolo'ehina yabe, Ya hu'ehina lenali yatama kana mebu'ehinogo Sikalafu'uba komopa'anigu tilina'mu yabe.

Aposolo 11:16

Ya higo koyapa'i Sipi Botiuba lu limi'ehina kagalo nekesa i hokolo hu'ehina yabe. Ai mana kaga ma luto ni'ina: Yoni nagami lafatu folo epolo'ehina, alihi lenali'i Sikalafutu folo epalalana'mu suhi lenalitoga limito minalibe.

Aposolo 19:18

Babu bona'i Hu'mamofihi agoya hu emi'ahanamagi ete asaga boana'magihi enubulo lu sibina hila to foipa hapa'ani lu huto huto hi'ahana.

Aposolo 22:16

To yatai hena'mu geba huto nominane? Ho tito buto Yesuhi gi'alo holoto foipanaka he'mito nagami'i folobo.

1 Koliti 10:2

Ya nehite Mosehi mege'i malalabe luto sopohuba to hege nagami'uba asaga'i mono nagami'i lolo higo fele'ahana.

Kolose 2:12

To nagami folose nehana hapa'a henana ni'ibe? Mana ni'ibe. Lenali nagami'i nefelete Kilisito hiti fililete keligu limilete aku ai hiti ho netibe. Foipa hapatinimu'i fililete ai hetofa hapa'amu aku'i ho tite minalune'mu hite nagami'i fele'ahana yabe. Hapa'a ya huto ni'ibe. Hu'mamofihi amuya'auba Kilisitohi fili'ehinaguti le'mo ho ti'ehina supo huto lenali lenele'mo ho ti'ehibe. To henabe luto lenele'mo ho ti'ehibe? Lenali aitoga agoya hu emi'ahanamo'mu yabe.

Hibulu 6:2

To mono nagami'i fololata nohuta ka'a to lataha'anilo layahi moloto lusa gilata nohuta to filise'naguti ho tise'na to foipana lolo hu epoloto ka foya lilata nohuta buba buba huse'namofihi kaga'a hena'mu aku'i yamofihi lito hapi filune?

Hibulu 9:10

Yanauba enugufa'aga li molo'ehina ka'ago ya'ma ni'ibe. Lu laga huse kagamu'i nose'na fato fato'i to bai nagami'i nenanaya to enugufa'ani mono nagami'i okala hilata nehana yamofihi kaga'a ni'ibe. Ya'ma Hu'mamofihi ka'alo huto higo bona'magi mege'i melete bite nehinogo aliha'a Kilisitou ana'ina le'mo bebe salina kana'a huto hilibe.

Yemesi 5:16

Hu'mau lele'mo ye kalibe lite nelitemo foipanatini ai he'mi etenogo ai he'mi etenogo lu hokolo hite Hu'mamofitoga lilo. Bati hite minalana bona'magi Hu'mamofitoga loka hete ya'ma ana'ina lamana'a lilana'mu yabe.

1 Pita 3:21

Ya suhi hago luga'a ya'ma mono nagamilugu lenele'mo bati hulata bo nohibe. Mono nagami'uba mega lugufa'a kolo tanana nokala hilina meni'ibe. Lali mono nagami'i nofoloto komopati Hu'mamofitoga nomoloto ai komopatigu nokala hinogo gulu gulu lilibe luto nagami'i fololata nohune. To ya huto lubuto bilibe luto Yesu Kilisitou fili'ehinaguti aku'i ho ti'ehina yabe.

1 Yoni 1:9

Ya hu'ehinaya to foipanati Hu'mamofitoga lu huto nohunogomo ai eto'ehina bo to faga melulata nohina bouba ai ka'a beto huto'a foipanati nokala huto asaga foipanati li he'mi leto su halina'mu yabe.