Matiu 3:2 - Ka Lamana'a Monoꞌi Lu Mu Tifiꞌehina Ka Yabe

² Komopatini i gelehe hite foipanatini he'mi su halo lu'ehina. Hu'mamofihi kokulumalugu kapo'a hokolo hilina kana'a epi'ehina.

Matiu 3:2 ပူးပေါင်းရင်းမြစ်များ

Matiu 10:7

Lenali bite kaga ma lite lu epilo: Kokulumamofihi kapo'a anasi a'o leba notabe.

Matiu 11:20

Hepa'i luga'aga Yesu topa hose'na li hu enebe li'ehinalo bona'magi komopa'ani i gelehe mehi'ahana yabe. Ya hi'ahago ya'ma kanalo Yesu ka epekito mino'ehina yabe.

Matiu 12:41

Alihi Hu'mau sipi ka foya lilina yupahi Nineba bona'magi ho tilete lenali'i ka lepekilana'mu yabe. Hena'mugope Yonau kaga enalitoga lu epigo kehelilete komopa'ani i gelehe hi su he'ahabe. To mone'na Yonahi be ligito ma ni'ina lu lepilube.

Matiu 13:11

Ya nelago Yesu lu epi'ehina: Nani Hu'mamofihi Kapo'amofihi suguna ka yamofihi hapa'a lu hokolo hu lepolo'ohuna to lenali ya'ma kagaya keheli'ahabe. Aku'i enali'i ya'ma kamofihi meenelepise nohugo mekeheli'ahana.

Matiu 13:24

Yesu bame ka mone fato'i ma luto lu epi'ehina: Bo moneuba nose'na legeya'a bati'a foya'agu tili nohina'a huto Hu'mamofihi kapo'aya ni'ibe.

Matiu 13:31

Yesu fato bame ka mone ma luto lu epi'ehina: Kokulumamofihi kapo'aya nose'na legeya'amofihi suhi luto ni'ibe. To ana nose'na legeya'a masiteti yabe lite lilata nehabe. Ana nose'na legeya'a bo moneuba lito foya'agu nokafabe.

Matiu 13:33

Yesu fato bame ka mone lu epi'ehina: Kokulumamofihi kapo'aya yisiti yabe nelananamofihi suhi luto ni'ibe. A'i moneuba lito fala'ua magulu sipi'agu li tili hu mololoto li meyalo emalo huto li sibi sibi hulata nohibe. Ya nohigo aliha'a ana fala'ua'i yeye bito hofa tolata nohibe. Ya'ma kokulumamofihi kapo'a ana suhi huto huto hilibe.

Matiu 13:47

Ana huto kokuluma kapoya faya gutalafa melelete faya'i fato fato'mofihi tite bai netana'a huto ni'ibe.

Matiu 13:52

Ya lago Yesu lu epi'ehina: Ya hu'ehigo asaga keya kaga enelepise bona'i enali kokulumamofihi kapo'alo kaga'mu enelepise lite akeheli su he'ahabe. Enali sipi nohi mone'mofihi afo'a legi hite nehabe. Ai situa noha'agu tiloto yuhufana hiti tafana hiti li munu munu huto lito fegutoga limilata nohina suhi lite nehabe.

Matiu 18:23

Ya hu'ehina gihiti bo moneuba lili'nalo pana'a hiti tina hi'ahana li eto hilune'mu nehana suhi luto kokuluma kapoya ni'ibe.

Matiu 20:1

Kokulumamofihi kapo'aya bo mone'mofihi sipi foya'a ni'ina suhi luto ni'ibe. Ya hu'ehigo ai mone etehi folugu'i heleko limito buto bai nagami lolo hilina nose'na foya'agu kifi'na li etalana pana'i noenele'mabe.

Matiu 22:2

Kokulumamofihi kapo'aya gihiti bo mone'mofihi hapa'a legita huto ni'ibe. Gihiti bomofihi pana'auba liha'a li'ehigo afo'afu sipi nose'na laita hu'ehina yabe.

Matiu 23:13

Lenali kaga keheli bati hulata bo hiti to Felosi bo lenali, ehetinio, kaba hite mino sepa ite minalo. Lenali loe ka luse bo nehabe. Lenali boana'magihi enubulo kokulumamofihi kasiha'a li hekini lelata nehabe. Lenalitini ana kapo'alo metise nehite boana'magi tilune'mu nehana ana kapo lenali li hokolo mehi epelelata nehabe.

Matiu 25:1

Yesu kaga luloto bame ka mone lu epi'ehina: Ya'mana yupahi kokulumamofihi kapo nayahi luga luga su hago nehana yafana'magihi suhi hilina'mu yabe. Bo mone liha'a hiti etayanugu lilu'ibe'mu hilina bo alube'mu hilibe. Ya nohinogo enali ya'mana yafana'magi lamu libi'ani li gilete kapoga bite sa sa hite le'moto alune lite yabe.

Matiu 25:14

Bo moneuba hepa'a he'miloto foto hepatoga bonohi bilube'mu hilina suhi huto kokulumamofihi kapo'a minalina'mu yabe. Ai lili'na pana'a kehe i nupa huloto ai enali enayanugu fe'noha'a molo'ehina.

Matiu 4:17

Ya'mana kanaloti hapi fito Yesu mono ka ma luto lu epi'ehina: Foipanatiniguti komopatini i gelehe hilo. Kokulumamofihi kapo'a anasi a'o leba to'ehibe.

Matiu 4:23

Yesu Galili kegi'a minomofa'na huto mono noha'anigu tiloto boana'i mono ka lu epila to Hu'mamofihi Kapo'a kumu kaga lu epila nohuto to boana'i enebesi'ehinana li he'mi epolola to enigi enayahi sibina hula ya hula hu'ehina bona'i enele'mo bati hu'ehina yabe.

Matiu 5:10

Hu'mamofihi ka'a mege'i melete minelata nehana bona'i enali enagabu foya nelitemo enegelo bilo. Hu'mamofihi kokuluma kapo'a enali'na lolo hilina'mu yabe.

Matiu 5:3

Bona'i enali komopa'anigu nani bati mehina bo nohube lite kehelite ya'ma minelata nehana enali enegelo bilo. Enali Hu'mamofihi kapo'alugu tilana'mu yabe.

Matiu 6:10

Kai kapoka ai huto hino, luto nolune. Enali kabaga liyafa hite kokuluma agoya hi nekimigo lali melugu ana suhi huto kabaga liyafa huto kofokehi halune'mu nolune.

Matiu 6:33

Ya hu'ehinagi kai yata'a Hu'mamofihi kapo'alo li kubulo moloto mege'i meletogo ai gelo biloto asaga'na bati'a kimilina'mu yabe.

Maki 1:15

Hu'mau molo'ehina kana abaga i'ehinagi, Hu'mamofihi kapo'a huto hilina kana'a ma'asi a'alina'mu yabe. Lenali komopatini i gelehe hitetini ka lamana'a kehelite agoya hi emilo.

Maki 1:4

To Yoniu, nagami'i folo epolo'ehina bouba, ka hepatoga huto huloto'a yafege goloto ma lu'ehibe: Komopatini i gelehe hite, nagami felelenogo, Hu'mau foipanatini pa so lepalalinagihe.

Maki 6:12

Ya ligo, enali loemo loemo hite bifa hi'ahabe. Asaga hepatoga bite: Komopatini i gelehe hite foipanatini li he'milo, lite kaga lu epi'ahana yabe.

Luku 1:16

Ai Isilaeli boana'i asaga'i enipa'ani li gelehe hinogo enali Sipi Bo'ani Hu'mamofitoga bilabe.

Luku 11:20

O'e, Hu'mamofihi ai amuya'aloti foipa fele li nohe'mube ya nohugo ana nohunanauba Hu'mamofihi kapo'a anasi lenalitoga a'o leba to'ehibe luto lenubulo huto huloto lenelepilata nohibe.

Luku 13:3

O'e. Nani lu nolepunaya lenali foipanatini li mehe'milana lenali asaga'i enali hi'ahana suhi lite fili su halana'mu yabe.

Luku 13:5

O'e. Nani lu nolepunaya, lenali foipanatini li mehe'milana lenali asaga'i enali hi'ahana suhi hite fili su halana'mu yabe, luto Yesu lu epi'ehina.

Luku 15:10

To nani ana huto, ma luto lu nolepube. Foipa bouba sibi hapa'a he'mito to komopa'a i gelehe hinogomo, Hu'mamofihi agelomagi ya'ma bomofi kumu yege filana'mu yabe.

Luku 15:7

To nani ana huto ma luto lu nolepube. Foipa bo moneuba foipa hapa'a he'mito to komopa'a i gelehe hinogomo ifo muya nehanamagi kokulumalugu gofana hite enegelo bilana'mu yabe. To bona'i yege yege'namagi hapa'ani bati'na ni'ina to komopa'ani i gelehe mehise nehinogomo, enali kumu kokulumalugu yege nesi'a filabe. To foipa bouba, ai foipa hapa'a he'mito, to komopa'a i gelehe hinogomo, lusina hite enegelo bilana'mu yabe. Yesu ya luto lu epi'ehina yabe.

Luku 16:30

ai: O'e. Abalahao, afo'nigase, mekehelilabe luto, to bo mone fili'ehina bouba aku'i anagati ho tito buto kaga lu epinogomo ka kehelite komopa'ani i gelehe hilana'mu yabe, ligo

Luku 21:31

Ana suhi luto asaga'na huto nohinogomo Hu'ma bona'a enele'malina kana'a o leba notabe lite lilo, luto Yesu lu epi'ehina yabe.

Luku 24:47

To ai gi'alo Yelusale hepatoti hapi filete kaga'a lite noto noto bona'i asaga kapoga lu yege henogo ai gi'alo komopa'ani i gelehe hilete foipana'ani'guti mino bati hinogo Hu'mau foipana'ani li he'mi epalalibe.

Luku 6:20

To Yesu koko panana'a bu enogoloto lu epi'ehina: Lenofokehi hose'na lenali fe'nohatini meni'ilina bomagitaloga mineno, to Hu'mamofihi kapo'a hetofana'a lenali'na yabe.

Luku 9:2

Ya huloto ai Hu'mamofihi kapo'a kumu bite ka lu yege nehete enebesise'na li he'mi he'mi hilabe luto enoho lifi'ehina yabe.

Aposolo 11:18

Ya ligo enali Pitahi bu fi kutu nehanana he'milete Hu'mamofitoga fokehi hete gelo bite ma lite li'ahana: Hu'mau fegutoga bona'magi komopa'ani i gelehe hulenogo enali hiti ana hite minoba minoba hilabe lite enegelo bi'ahana.

Aposolo 17:30

Koyapa'i kaga keheli bati mehuse kanagu yatai kana'alo li huto nehanamofihi li huto nehanamofihi li huto hilata hi'ahana Hu'mau bu go he'mi'ehina yabe. To yatai ai asaga bona'i ma luto lu noepibe: Lenali foipana li huto nehana he'mi su helete komopatini i gelehe hilo.

Aposolo 2:38

Pitau ka'anilo ma luto lu epi'ehina: Lenali mone'isi mone'isi komopatini i gelehe hilete Yesuhi gilo nagami'i falalana lenali foipanatini li he'minogo Hu'mamofitogati amuyana Sikalafu'a lepilibe.

Aposolo 20:21

Nani Yuta bona'i hiti fegutoga bona'i hiti lu epito lipoti epi'ohuna: Lenali foipanatini he'mite komopa'ani i gelehe hiti Hu'mamofitoga minete Yesu Kilisito Sipi Boti aitoga agoya hu emilo luto lu epi'ohube.

Aposolo 26:20

Nani yata'a hapi fito Tamasiko hepa'alugu bona'i lu epiloto'ni alihi Yelusale bona'i lu epiloto to asaga Yutia kegi'a hepa'i ni'inalo ni'inalo lu epimofa'na huloto'ni to ana huto fegutoga bona'i hiti ma luto lu yege ho epi'ohuna: Lenali foipa fato fato suhi nehanamofihi he'mi su helete Hu'mamofitoga i behe hite bilete hetofa sunogo hite bona'i enubulo minalanauba mana'a huto hilibe.

Aposolo 3:19

Ya hu'ehinagi lenali komopatini i gelehe hinogo ai Hu'mau foipanatini kele li he'mi lepalalibe.

2 Koliti 7:10

Hu'mamofihi kamu'i liginaga filata nohinanamofihi le'mo gelehe hulata nasana li huto hinogo Hu'mau lubuto binogo minalune. Yamofihi liginaga fise nasana yamofiha'a li huto hilina aliha'a ya nasana'mu kehelinogo mone sibina mehilube'mu hibe. To mono'i mekehelise bona'i ginaga fise'na yauba negi nagi nasana li huto nohigo filite bilata nehabe.

Kolose 1:13

Ai Satahi amuya'amofi hiti metepuhi hu'ehina kapo'aguti lele'mo kefefe huto lubuto bi'ehina. To ai'a pana'a gi moneko pana'amofihi kapogo lele'mo molo'ehina yabe.

2 Timoti 2:25

Enali mono kamu'i kenasabo bi'ahana'amagihi ya'ma fulu huto enele'mo bebe salabe. Hu'mau ai'a enele'mo lito limilenogo komopa'ani li gelehe hite ka lamana'a keheli bebe salafihe lite ya hi epalalune'mu habe.

Hibulu 6:1

Ya'mu ya'ma lali ya hu'ehibe luto Kilisitohi kaga'amofihi biha'a hapi fi'ehinamofitoga ya'ma melenogoti ni'inogo ka'amofihi megesa'a lolito tito nebinogo bebe sose kaga lulatanamofihi kapo'a ya'ma moloto mino lito buto bilune. Mono kamofihi luga'a ya'ma tafa'a nomoloto futu'amofihi foya henabe luto aku'i hapi filune? Komopati lemeha'a li gelehe hilatana to Hu'mamofihi keheli emilata nohune.

2 Pita 3:9

Sipi Bo ai kaga lu molo leto'ehina yamofihi legeya'a huto hilibe luto ligitagahi huto kana'a yatama mehu'ehinamo ni'ibe. Bona'i luga'amagi keheligo ya'ma suhi lolo hulata nohina ya huto meni'ibe. Ai bona'i luga'a haya kelete fenene hi lalabe luto enegeba huto minolata nohibe. Ai bona'i silaga'magi komopa'ani i gelehe hite foipana hapa'ani he'milabe luto kehelito enali kumu yabe luto fulu huto enegeba huloto minolata nohibe.

Huto Hilina Ka 2:21

To komopa'a i gelehe hilibe luto kana'a molo eto'ohuna ya'ma ai'a komopa'a li gelehe mehuse moko lise'na mehe'milina'a huto keheli'ehibe.

Huto Hilina Ka 2:5

Kohe toto ifo'aga meya mono kamu'i bati humofa'na hite mine'ahana yatai ya'ma alo'i behelefe limi'ahabe. Lenali ya hi'ahana'mu aku'i kehelilete foipanatini li he'milete komopatini i gelehe hite kohe tete bi'ahana kapomolo aku'i ya'ma i melete bilo. Ya suhi mehinogomo nani lenalitoga henetito libitini li soboto li he'miluna'mu yabe. Komopatini li gelehe mehinogo yamofihi li lepalaluna'mu yabe.