Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiu 3:17 - Ka Lamana'a Monoꞌi Lu Mu Tifiꞌehina Ka Yabe

17 Ya nohigo kokulumaluguti kaga mone ma luto lu'ehina: Ya'ma nani'ni pana'ni mana'a nohibe. Laga nebesina pana'ni nohigo ai kumuko hetofa pana'ni yabe luto negelo bi emilata nohuna yabe luto kokulumaluguti lu'ehina yabe.

အခန်းကိုကြည့်ပါ။ ကော်ပီ




Matiu 3:17
18 ပူးပေါင်းရင်းမြစ်များ  

Ya'ma lili'nalo bo'ni nohibe luto Hu'ma lu'ehina, ai nani'ni le'mo ho notube. Ai nebesina bo nohigo ai kumu'i nipagu bati hulata nohina pana'ni yabe. Nani Sikalafu'ni aitoga malaluna'mu yabe, to ai fato naga'magitoga hetofanaguti minosemofihi kagu lu epimofa'na hilina'mu yabe.


Ai kaga luto nohigo sopohi mone besa lo'ehinauba enele'mo samapahi bu'ehina. To ana soponuguti nogo mone ma luto huto hu'ehina: Ya'ma ai nibita hina pana'ni nohibe. Nani nipa'ni aitoga emilata nohube. Lenali kaga'a keheli emilo.


To kokulumaguti Hu'mamofihi nogo'auba ma luto lu'ehibe: Kai nigi moneko pana'ni, nebesita pana'ni nohane. Nani kofokehi gofa nolube.


To yalo enalitoga sopohi gilago soponuguti nogo moloto ma lu'ehina: Ya'ma bo nani'ni pana'ni nohibe. Nigi moneko pana'ni nibita hu'ehina pana'ni nohinagi ka'a kehelilo.


Ya nohigo Sikalafu'i kigopa nama legitana huto aitoga nolimigo bu negago kokulumaluguti nogo moneuba ma luto lu'ehina: Kai nani pana'ni yabe. Kai nibita huse pana'ni nohane. Komopa'ni kaitogago nokumube.


Yalo'i sopopoguti nogo'a moloto ma lu'ehibe: Ya'ma bo nani'ni pana'ni nohibe. Nigi moneko pana'ni le'mo ho ti'ohuna pana'ni ka'a kehelilo.


Hena'mugope bita hina Pana'a nohigo asaga'na lolo nohina Pana'a lepilata nohibe. To ya'mana be ligito sipi amuyana afo'afu lepinogo lenali bu gelete lenekesa yigi babu lite akae lilana'mu topa hilabe.


To Afo'nifu ai'a noho lifi'ehinauba nani hapa'ni lu huto ahu'ehibe. Lenali okaba'a mone bu gela to bagaguti kaga mone nesi'a kehelila mehi'ahabe.


Hu'mau ya huto keke nolu letoto ai'a bita hu'ehina pana'a ho lifigo oto lali bati mehina bona'magita lele'mo lamana hu'ehibe. Ya huto hetofana hu'ehina'mu fokeha'a lilata nohune.


Ai Satahi amuya'amofi hiti metepuhi hu'ehina kapo'aguti lele'mo kefefe huto lubuto bi'ehina. To ai'a pana'a gi moneko pana'amofihi kapogo lele'mo molo'ehina yabe.


Ya nohuto'ni pana'alobo'a luga'a hiti lali ya'ma hepifa kosalo li nupa huto nohutogo kaga mone ma luto kokulumaguti limi'ehina keheli'ohutamo ni'ibe. Yamofihi Hu'mau afotifihi gi'a le'mo ho tinogo fana mehena'a fi fana to letenogo kokulumagu ya'ma sipi fana meha'a hiti bouba aitogati nogo'a moloto kaga ya'ma luto ma luto limi'ehinamo ni'ibe: Pana'ni lamana'a moneko ya'ma nohibe. Ai'i ya'ma bu nogogo nibita nohibe. Ya noligo laliti akeheli'ohuta yabe.


To bona'magita lenayahi tite ma'naka nolune lite nelago lali kehelutogo bati hulata nohibe. Ya hu'ehinaya Hu'mau lu'ehina ka'a yauba be ligito amuya mololata nohibe. Ai lusiga lulata nohibe. To ai Yesu kumu nani pana'ni nohibe luto alu'ehina yabe.


To kokulumatogati nogo'a keheli'ohuna ya'ma nagami'i lisahi sipi ito sasa lu'ehina to ko'i kogolikohi ito mino'ehina. Ya nohigo kaga'a kehelugo bona'i asaga'magihi gita legi huto nogo nomalanamofihi nasana sipi'atu gita nogo mololata nohina ya suhi huto nogo malago keheli'ohuna.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ