Matiu 3:1 - Ka Lamana'a Monoꞌi Lu Mu Tifiꞌehina Ka Yabe

¹ Ya'mana yupahi Yoniu Yutia kamelugu humofa'na huto mono ka ma luto lu epimofa'na hu'ehina:

Matiu 3:1 ပူးပေါင်းရင်းမြစ်များ

Matiu 11:11

Yesu kaga molo emito lu'ehina: Nani ma'naka luto lu nolepube. Yoni ai nagami folo epolose bouba asaga bona'i ma melugu nehana enohoto nohibe. Ya hu'ehina bo mone Hu'mamofihi kapolo lagaso huto nohilinauba ai Yonihi be ligito nohibe.

Matiu 11:7

Ya luto Yesu kaga lu su holago Yonihi koko pana'a abilago Yesu Yoni kumu kaga babu boana'i lu epi'ehina: Koyapa'i lenali bona'i menehana kamelugu bi'ahana henana bu galune lite bi'ahanabe? To lenali akepa mone'mofihi habafahuba li pisi hu'ehina bu galune litefihe?

Matiu 16:14

To enali lu emi'ahana: Luga'a bona'magi Yoniu nagami folo epolose bo nohibe nelabe. To luga'a bona'magi Elaiyau nohibe nela. To luga'amagi ai Yelemaiya nohifi fato lu huto huto bo nohifi lite lilata nehabe.

Matiu 21:32

Hena'mube? Yoniu lenalitoga oloto ai mino bati huto minosemofihi hapa hapa'a lenelepi'ehina lenali ai kaga'a keheli meemi'ahabe. Ya hago enali takisi efahi lise bo hiti to mokolo ana'i hiti enali Yonihi kaga'a aliyafa hi'ahabe. Lenali ya'manana huto hina abu ge'ahanaya lenali alihi komopatini i gelehe hite li latahatinigu memele'ahabe, luto Yesu lu epi'ehina yabe.

Matiu 3:8

Lenali komopatini i gelehe hilete yalo etonaguti mineme binogo buto komopatini i gelehe i baga ilibe.

Maki 1:15

Hu'mau molo'ehina kana abaga i'ehinagi, Hu'mamofihi kapo'a huto hilina kana'a ma'asi a'alina'mu yabe. Lenali komopatini i gelehe hitetini ka lamana'a kehelite agoya hi emilo.

Maki 1:2

Koyapa, ka lu huto huto hu'ehina bouba Aisaiya, Yoni kumu ma luto fayahi go'ehina: Kehelibo. Nani Hu'mau kalo lili bona'ni ho lifinogo, kohe toto buto kapo hokolo hu ketalina'mu yabe.

Luku 1:76

Pana'nise, enebe ligi'ehina bo Hu'ma, ai'a kaga lu yege hose bo'a huto hilane. To ya'ma gi'a kai kumu bona'magi molo ketalabe. Kai yata'a kohe toto lili'na lito bulotoka Sipi Bomofihi kapo'a li hokolo hilane.

Luku 7:24

Ya luto Yesu kaga lu su holago Yonihi koko pana'a abila'igo Yesu Yoni kumu kaga babu boana'i lu epi'ehina: Koyapa'i lenali bona'i menehanalo ka melugu bi'ahana henana bu galune lite bi'ahanabe? To lenali akepa mone'mofihi habahuba li pisi hu'ehina bu galune litefiye?

Aposolo 1:22

Koyapa'i Yoniu boana'i nagami'i folo epolomofa'na higo to Yesu lili'na'a hapi filoto limo limo oto Hu'mau lalitogati Yesuhi le'moto ifoga ti'ehina, ya'ma asaga'na nolunamofihi bu go baga i'ehilina bo le'mo ho tilune. To ai ya'mana bouba lali hiti moneka lili'na lito Yesu fili'ehinaguti ho ti'ehibe luto lu yege haluta bo yabe.