Matiu 28:9 - Ka Lamana'a Monoꞌi Lu Mu Tifiꞌehina Ka Yabe

⁹ To etali hololu lite neba'igo ana'asi enubulo Yesu kapogu huto hu'ehibe. Neha'ifiye? luto lu etimi'ehina. Ya ligo etali ete gigusa'alo nu kilete meto kelete aitoga agoya hu emite mine'aha'ibe.

Matiu 28:9 ပူးပေါင်းရင်းမြစ်များ

Matiu 14:33

To bona'i enali botigu minanamagi Yesuhi fokehi helete ma lite li'ahana: Ma'naka luto kai Hu'mamofihi Pana'a nohane.

Matiu 23:7

Enali bona'magi folagaha'anigu bite ho tite nehago asaga bona'magi enofokehi lite enugufaga soso hu epelelete Tisao lite ligiti halabe lite hilata nehabe.

Matiu 28:10

To Yesu lu etimi'ehina: Koli mehiliyo. Nogonamu tamu'ni nehanaga bite Galili kapogu nanitoga enogo fo tumala hilune, luto lu epiliyo, Yesu ya luto lu'ehina.

Matiu 28:17

To nehetite Yesuhi be gelete aitoga agoya hu emi'ahana. Enali mone luga'amagi yigise loe lae hilete Yesu nohifi fato bo nohifi lite keheli'ahana.

Matiu 28:8

Ya noligo ana a'male'i sipi koli hite aku etegepohi nelite muli'moguti he'mite hololu lite bite koko pana'aloga agelomofihi nona'a lu epilube'mu bi'aha'ibe.

Luku 1:28

To agelouba Malia nohinalo buto ma luto lu emi'ehina: Maliao. Nohapihe? Fuluna kaitoga mineno. Hu'mau kai hiti nohuto sipi lusa gi ketalina'mu hetofa hu ketalibe.

Luku 24:52

To enali Yelusale hepa'ani i gelehe hite nebite enegelo bime bime bi'ahana yabe.

Luku 7:38

To ai buto Yesuhi megesaga ho tiloto gigusaluga minoto yibi huto mino'ehina. Yibi nohigo bu nogoyauba Yesuhi gigusa'alo bili bili nohigo soso hu etoto lataha'alo yatama oka'atu li sepa i eto'ehina yabe. Ya nohuto ai efaha konugu tu mesebe nina li'ehinamo Yesuhi gigusa'alo hoto nonoto ana tu mesebe folo eto'ehina yabe.

Yoni 12:3

Ya nehago Maliau mone kopogu tu mesebe nagami'i nina yama mesebe sipi efatoti mina fi'ehinamofihi ai lito Yesuhi gigusalo i hekito folo etoto yatama oka'atu kele li eto'ehina. Ana mesebeuba nonugu asaga'i tu hetofa'a bi'ehina.

Yoni 20:19

Ya'ma Salele napagu utehi yege limi'ehigo Yesuhi pana'alobo enali mone nonugu li gehesa nehite Yuta bona'magi kumu koli nehite kasito hekini lo'ehinaga mine'ahabe. To ya'ma nehanago Yesu folaganugu mino ho tito kaga lu epi'ehina: Lenalitoga fuluna'a mineno.

Yoni 20:28

Ya ligo Tomasiu lu emi'ehina: Oho, Sipi Bo'ni yale. Kai Hu'ma'niga nohane, lu'ehina.

2 Koliti 13:11

To nalalu'nimagita, kaga lu su hoto ma luto lilube. Lenali lenipagu keheli bati hite minalo. To lipoti lu lepito kaga ya'ma noluna kehelite komopatini le'mo hetofa hite le'mo lamana hilanagihe. Ya nehite lenalitini komopatini le'mo moneko hilete fulunagu minalo. Ya hilenogo Hu'mamofihi mehi lepise'na to fulunamofihi afo'afu lenalitoga minalina'mu yabe.

Huto Hilina Ka 3:9

Kehelilo. Satahi li gehesa'aloti bona'i luga'a enali Yuta bona'i nohune lite lilata nehana yamagi faga hiti lilete Yuta bona'i lamana'amo menehabe. Nani enali'i ya'ma enimi'i moloto enohoka hugo lenalitoga henetite enalapusa fi lepilune'mu habe. Ya nehite lenali kumu ya'ma komopa'ni lepi'ohuna bona'i nehabe lite kehelilune'mu habe.