Matiu 27:54 - Ka Lamana'a Monoꞌi Lu Mu Tifiꞌehina Ka Yabe

⁵⁴ Gimi bomagihi sipi bo'ani analo minoto Yesuto kaba hu'ehina hiti to luga'a bona'i hiti imima'i linana hiti to asaga huto hinana be gelete enelesa'ani gofa ligo ma lite li'ahana: Ma'naka luto ma boya Hu'mamofihi Pana'a nohibe.

Matiu 27:54 ပူးပေါင်းရင်းမြစ်များ

Matiu 26:63

Ya luto loka hago Yesu kaga meluse legeso huto mino'ehina. Ya higo ya'ma sipi mono bouba ma lu emi'ehina: Nani ma'naka luto Hu'ma mehiti bomofihi gi'alo koloka nohonagi kai lu nimibo. Kai Mesiaga Hu'mamofihi Pana'a nohapi fato'ibe?

Matiu 27:36

Ya hilete enali analo nehite Yesu hena hilifi lite ai bota hite mine'ahana.

Matiu 27:40

Kai mono nohi li tele biloto loegi monegi yegegu aku'i gilube lu'ahata bo, yatai kaika kubuto bi negabe. Kai Hu'mamofihi Pana'a nohutomo malipu yafaloti maga limibo.

Matiu 27:43

Ai Hu'mamofihi komopa'a emito ai pana'a nohube lulata hu'ehina ai Hu'mau yatai abuto bino.

Matiu 27:51

Ya higo ana kana'asilo ka'muya sipi mono nonugu hekini lose kata hasalo mele'ahana folaganuguti i hegege huloto ifogati hapi fito si'aga limito i pa so'ehina. To imima'i hiti noligo efahi ibe kolibe huto limi'ehina.

Matiu 4:3

Ya higo Satau aitoga henetiloto ma luto lu emi'ehina: Kai Hu'mamofihi pana'mo nohutomo ka'ma ni'ina efahi lu epitogo nose'na lolo hino.

Matiu 8:5

To Yesu kapo moloto mone hepato Kapaneami tito nohigo mone Lomu gimi bouba oto lu emi'ehina:

Maki 15:39

To Yesu sipi nogo moloto sikalafu'i molo su hoto filigo, gimi kaba bo moneuba Yesuhi hapa'a bu goto kehelito ma luto lu'ehina: Ma'naka. Ya'ma bo Hu'mamofihi pana'a ma'naka luto nohibe.

Luku 22:70

To enali: Ya hu'ehinaya kaiya Hu'mamofihi pana'a nohapihe? Ya lago Yesu lu epi'ehina: Lenali alu huto hite nelabe.

Yoni 19:7

To Yuta bona'magi ka nona'alo lu emi'ahana: Ai miya bo Hu'mamofihi pana'a nohube lu'ehina yana'mu ai hiti Hu'mamofi hiti moneko'na nohu'ibe nolina yana'mu ho fililibe. Lali keya kaguti ya luto nolibe.

Aposolo 10:1

Bo mone Sisalia hepato mino'ehina. Ai gi'a Koniliasi. Ai Lomu gimi bouba 100 gimi bomagi kaba'ani mino'ehina. Ya hu'ehina gimi bomagi nupa hi'ahanamofihi gi'a Itali yabe lite he'ahana.

Aposolo 2:37

Asaga boana'magi ya'mana kaga kehelilete enali enelesa'ani ligo Pita hiti to luga'a aposolo pana'magitoga ma lite enoloka he'ahana: Ligibo lagabose. Ya lanago lali hena hiluta ni'ibe?

Aposolo 21:32

Kehelito ana'asi ai gimi bo luga'a hiti to kaba'animagi hiti enele'moto hololu luto li gehesa nehanalo enele'mago enali hololu lite li gehesa nehanalo limite neheti'ahana. To boana'magi ya'ma gimi bomagihi kaba'ani bo hiti to ai'a gimi bo'a hiti be gelete Poluhi osahi halune'mu hanamo he'mite fa'mene mine'ahana.

Aposolo 23:17

Ya ligo Polu gimi bo mone kehe ito ma luto lu emi'ehina: Ma neheya kola pana'uba kaga mone lito o'ehinagi kai le'moto buto gimi bomagihi kaba'animofihi emitogo ana kaga lu emilibe.

Aposolo 23:23

Ya huloto gimi bomagihi kaba'aniuba loe gimi bole kehe iloto ma luto lu etimi'ehina: Gimi bo 200 yamagi enele'mo loloba nehite hosi yaga gupisalo bo 70 yamagi neenele'mete to hiso bo 200 yamagi enele'mete utehi sininugu Sisalia hepato bilabe.

Aposolo 27:1

Botigu tito Itali hepalugu bilune lite enali lu bati hilago Poluhi hiti to luga'a nagalugu nehana bona'i hiti Yuliasiu Lomu gimi bomagihi kaba'ani ai ya'ma sipi gihiti bomofihi luba bona'amagi yabe lite enigi helata hanamagihi enayanuga bi'ahana.

Aposolo 27:43

Ya hago gimi bomagi kaba'aniuba Poluhi le'mo buto bito he'malube'mu ekesa keheliloto lenali enoho mefililo luto laga hu epolo'ehina. To asaga bona'i nagamilugu nogosa ite keheli'ahana'a nukuma nete kehetoga kohe tete bilo, luto enoho lifi'ehina.

Romu 1:4

Ai fili'ehinogo aku Hu'mau fili'ehinaguti le'mo ho ti'ehina to sipi amuya'a hiti mino'ehina. Yana'mu ai Hu'mamofihi lusi pana'a nohibe luto hapa'a hetofana ni'igo lali bu goloto keheli'ohuta yabe.

Huto Hilina Ka 11:13

To ana yupahi kokulumagu tite nemina'igo ana'asi imima'i sipi li'ehina. Noligo ana hepa'i luga'a sibina hu su nohago hepa'i luga'a 9 fa'mene mino'ehina. To bona'i 7 tauseni fili su he'ahana. To enubu hiti minalana'amagihi sipi enelesa nelinogo Hu'mau kokuluma afo'afihi gi'a liyafa hinogo bati hite minalune'mu habe.