Matiu 27:31 - Ka Lamana'a Monoꞌi Lu Mu Tifiꞌehina Ka Yabe

³¹ Enali ya lite kiya yokolo ka li etelete golaha kata li hepi etana li toba nehete ai'a kata'a aku'i li hepi ete'ahana. Ya hilete malipu yafalo halune'mu le'mete bi'ahana yabe.

Matiu 27:31 ပူးပေါင်းရင်းမြစ်များ

Matiu 20:19

Ya hilete enali Lomu gamanilo nele'mete binogo enali kiya yokolo ka li netete to naga osatu nibi yigilete to malipu yafalo noho fililana'mu yabe. Ya hinogo loegi monegi yegegu aku'i ho tiluna'mu yabe.

Matiu 21:39

Ya lilete enali ana foyaguti le'mo fegutoga melelete ho fili'ahabe.

Matiu 26:2

Lenali akeheli'ahabe, loe yupahisi minolototi koyapa Hu'mau lubuto bu'ehina yupa kumu Pasa yabe nelana ya'ma nose'na naluta kana'a huto hilina'mu yabe. Ya hulenogoti Kokulumaguti limi'ehina Bomofihi le'mete bite fateha'amagihi enayanuga melenogo malipu yafalo ho fililana'mu yabe.

Maki 15:20

To yokolo'na hi su helago, ana okoho naku'i li he'mi etete yalo ai'a kata'a hepi etete fegutoga le'mete bite malipu yafalo ho fililune'mu le'mete bi'ahabe.

Yoni 19:16

Ya lite nelago Pailatiu kaga'anilo keheli epito Yesuhi malipu yafalo ho fililabe luto enayanugu le'mo molo'ehina yabe. Enali Yesuhi le'mete bi'ahana.

Yoni 19:27

to ana koko pana'amofihi lu emi'ehina: Ma a'i, itokafu nohibe, luto lu'ehina. To ya lu'ehigo ana koko pana'auba ito'afihi noha'aluga le'moto kaba hu eto'ehina yabe.

Aposolo 7:58

Ya hilete hepaluguti fegutoga le'mo melelete efaha osahi hapi fite gufalo he'mi mele'ahana. Enali yata'a Sitifenihi faga lube molobe hi ete'ahana bona'magi gukete'ani kisite neheya kola bo mone gi'a Soliu yabe luto nohina bomofihi metoga mele'ahana.

Hibulu 13:12

To Yesu ana huto ai'a golaha'atu foipa bona'magita komopati nokala hu epalalube luto bihu gegisaguti nosipetoga hago fili'ehina yabe.