Matiu 27:24 - Ka Lamana'a Monoꞌi Lu Mu Tifiꞌehina Ka Yabe

²⁴ Pailatihi kaga'a asaga bona'magi ho fi telete luba li huto hilana suhi hago Pailatiu bu enogo'ehina. Ya hago ai silaga boana'i enubulo nagami'i liloto yaha'a sese nohuto ma luto lu epi'ehina: Ma bomofihi ho filise foipana kumu nani nugufalo metilibe. Ya asaga'na lenalitinilogagoko minalibe.

Matiu 27:24 ပူးပေါင်းရင်းမြစ်များ

Matiu 26:5

Ya hu'ehina ya'mana suhi asaga bona'i li nupa hite nose'na nete minelata kanalo ya mehilune. Ya hiluta asaga boana'magi luba li huto hilana'mu yabe lite sumi ka li'ahana.

Matiu 27:19

Ya luto luloto Pailatiu ka foya nonugu kaba huto nominago liha'auba koko pana'aloga ma luto kaga malago ete lu emi'ahana: Kai foipana'a menina bomofihi gufalo ana'ina mone li huto mehubo. Nani yatai folugu'i ana hetofa bomofihi bamu'i bati mehina'a bu goloto'ni ai kumu nugufa'nigu sipi keta nebesi'ehibe.

Matiu 27:23

Ya lago Pailatiu lu epi'ehina: Hena'mube? Ai henana li sibina hu'ehibe? Ya lina kaga mekehelise enali amuya melete kehe sipi mone'a hiti ite li'ahana: Malipu yafalo ho filibo.

Matiu 27:4

Ya huloto ai lu epi'ehina: Nani foipana ameni'ina bomofihi yato li lepiloto'ni nani'ni foipana li nubufalo molo'ohube. To ai fililina'mu yabe. Ya luto ligo enali li'ahana: Ya lalinati meni'ibe. Ya'ma kai'naka ni'ibe.

Matiu 27:54

Gimi bomagihi sipi bo'ani analo minoto Yesuto kaba hu'ehina hiti to luga'a bona'i hiti imima'i linana hiti to asaga huto hinana be gelete enelesa'ani gofa ligo ma lite li'ahana: Ma'naka luto ma boya Hu'mamofihi Pana'a nohibe.

Matiu 27:9

Koyapa'i kaga lu huto huto bo Yelemaiyahi bagalo Hu'ma kaga molo'ehina yatai mana'a pa so'ehibe. Ana kaga ma luto ni'ina: Enali efahi legeya'a 30 siliba lilete ana efatoti ya'ma bo mina filuta mina'a yabe lite Isilaeli bona'magi ka mele'ahana yabe.

Yoni 13:9

Ya ligo Pitau lu emi'ehina: Sipi Bo, nigigusa'nigo okala mehutoka nayaha'ni lataha'ni asaga'i okala hu netobo.

Yoni 19:4

Ya nehite minago Pailatiu i behe huto fegutoga buto Yuta bona'i li nupa nehanalo kaga mone hiti lu epi'ehina: Bu galo, nani loka ho etoba ho etoba nohuto foipana'a mone sa nohugo li sibina mehu'ehinagi lenalitoga le'moto ago bu galabe.

Aposolo 3:14

Ai hetofa bo foipana'a meni'ina bomofihi lenali lenemegesa hu emi'ahana yabe. Ya hilete lenali fato bo moneuba bo mone ho fili'ehina ya'ma bo limibo lite Pailatihi kehe igo ai le'mo lepi'ehina yabe.

2 Koliti 5:21

Kilisito ai foipana'a meni'ina bo ya'ma Hu'mau lali kumu luto lali foipanati ai gupisa'alo molo eto'ehina. Hena'mube? Ya'ma lali Kilisito hiti i hepiloto Hu'mamofihi bulo fotogo huto minalune luto yamofihi lolo hu'ehina.

1 Pita 3:18

Kilisitou ai ana huto bo lamana'a mino'ehina bouba bo foipa'a lali kumu yabe luto fili'ehina. Ai Kilisitou asaga bona'magihi foipana'ani su halibe luto silaga bona'i foipana'ani'mu yabe luto kana'a moneko'i filigo su ho'ehina yabe. Yamofihi Hu'mamofitoga lenele'mo malalube luto lolo hu'ehina. Enali he'ahana'mu ai mega gufa'auba fili'ehinaya meha'a hetofa Sikalafu'uba le'mo mopo higo mino lito buto mino'ehina.