Matiu 27:2 - Ka Lamana'a Monoꞌi Lu Mu Tifiꞌehina Ka Yabe

² Enali seni nagatu'i Yesuhi yato naga'i ilete le'mete bite Lomu gamani bo Pailatihi sipi bo nohinamofihi emi'ahana yabe.

Matiu 27:2 ပူးပေါင်းရင်းမြစ်များ

Matiu 20:19

Ya hilete enali Lomu gamanilo nele'mete binogo enali kiya yokolo ka li netete to naga osatu nibi yigilete to malipu yafalo noho fililana'mu yabe. Ya hinogo loegi monegi yegegu aku'i ho tiluna'mu yabe.

Matiu 28:14

To ana kanisole bomagi kaga mone hiti lu epi'ahana: To, Lomu kaba bouba ya'ma lenali lenubu'i ke'ahana kagamofihi kehelilenogo lali ya'mana aitoga bati hu lepalalune, lite li'ahana.

Luku 13:1

Ana kanalo bona'i luga'a mine'ahanamagi Galili bona'i luga'amagi Hu'mamofitoga lokiya fi emite Pailatihi bomagi enehe'ahana kaga Yesuhi lu emi'ahana.

Luku 20:20

Ya hago enali fato kanalo naga'i emilune lite mapahi fite bi'ahana. To Yesuhi mapahi fite minalabe lite bona'i luga enoho lifigo bi'ahana yabe. Enali ya'mana bona'i enali bati bona'i suhi hite Yesuhi lalu'agita nohune lite bi'ahana yabe. Enali ya hite bite nehite loka babu lite heba heba hite fi taga hi etelenogo ai Yesu kaga bati hinaga lilifi to bati mehinaga nolinogomo naga ito le'mete sipi gamani bo nohinalo bilune lite mine'ahana yabe.

Luku 23:1

Ya hilete enali asaga'i ho tilete Yesuhi le'mete Pailatihi bulo bi'ahana.

Luku 23:12

Helotiu koyapa'i Pailati hiti fatehi lolo hite minelata hi'aha'ina yabe. Ya hi'aha'ina yatai li koguna i'aha'ibe.

Luku 3:1

Sipi Lomu bo Taibiliasi 15 kufu'a kana kaba hu'ehinalo gamani bo Ponitiasi Pailati, ai Yutia melugu bona'magihi kohe toto kaba huto mino'ehina. To ya'mana kanalo Heloti ai kohe toto Galili kegi'a sipi kaba bo mino'ehina. To go'afu Filipi ai Itulia to Telekonaitisi kegi'a yata'a kaba bo mino'ehina. To gamani bo Laiseniasi ai Abilini kegi'a kaba huto mino'ehina.

Yoni 18:12

To gimi bomagi hiti to kaba bo'aniuba Yesuhi naga'i emite to Yuta gimi bona'i hiti le'mete bite

Yoni 18:24

Analo'i Yesuhi naga'i emi'ahana'a Anasau sipi mono noto kaba bo Kaiyafasitoga ho lifi'ehina.

Yoni 18:28

To etehi folugu'i enali Kaiyafasihi noha'aguti he'mite Yesuhi sipi gamani bomofihi noha'alo le'mete bi'ahana. Yuta bona'magi ana noha'agu meti'ahana. Hena'mube? Enali Pasa nose'na nalana kana leba tago Yuta bona'magi fegutoga bona'i li gehesa mehilune lite lugufati kolota kolota hu leto lalibe lite ana nonuga meti'ahana.

Aposolo 12:6

To Helotiu yago'a yabe luto Pitahi Yuta bona enubulo le'mo ho tilube'mu hu'ehina folugu'i gimi bo loemale'i folagaha'atitigu Pitau ko'ehina. To enali sipi seni nagatu gilo gite yato gite hite he'mi etelete folugu'i kaba gimi gilata nehana bomagi kasito gimi gite mine'ahana yabe.

Aposolo 21:33

To gimi bomagihi kaba'aniuba buto Poluhi naga'i emito seni naga'i loemotu sa gibo luto gimi bona'magihi lu epito le'mo'ehibe. To boana'magihi ma luto enoloka habe: Ya'ma bo ki'afube? To hena hu'ehibe? luto enoloka ho'ehina.

Aposolo 22:25

Ya luto lu epigo gimi bomagi le'mete bite nonugu tite sa gi etago Polu mone kaba bo yanugu ho ti'ehinamofihi loka ho'ehina: Nani Lomu bona'i nohunagi foipana'ni ni'ifi meni'ibe henabe ka foya meli'ahago osahi nimilatagihe?

Aposolo 22:29

Ya luto noligo osahi emilune'mu nehana bona'magi mele'isi aitogati he'mite topa he'ahana. To ya'ma sipi kaba bouba Poluhi seni nagatu sa gi'ehinagi to ai'a Lomu bo nohube lu'ehinagi yana'mu kehelito koli hu'ehibe.

Aposolo 24:27

To ya'ma bo, Felikiu ai Yuta bona'magi nani kumu laga lebesina bo nohibe lilabe ya luto enalitoga mololoto Poluhi naga nonugu he'mi etago mino'ehina. Yalo loe kufu kana'a bulago Felikiu ana hepa'mofihi kaba huse lili'na he'mito buto ana gamani lili'na mone lilube'mu bu'ehina. Yalo'i fato kaba bo mone'mofihi gi'a Posiasi Fesitasiu ya'ma Sisalia hepato nehetito mino'ehina.

Aposolo 28:20

To ya'ma kagasi'mu luto lenali'i kehe i nupa huto lu nolepube. Nani lenali'i bu lenogoto kaga lu lepilube luto yabe. To asaga lali Isilaeli bona'magita geba nohutanamofihi ya'ma Hu'mau le'mo ho ti'ehina bo, Mesiahi nani komopa'ni emito nohuto geba nohube. Ya'mana'mu luto ma seni naga'uba yatai nayanugu ma ina i'ehibe.

Aposolo 3:13

Ai Abalaha to Isaka, to Yakopu hiti to lali tatatigi asaga'i enali Hu'ma'anifu ai Yesu koko pana'amofihi gi'a liyafa hu'ehina yabe. Ai ya'mana bo fateha'amagi enayanuga epilago Pailatiu lu kehelito le'mo buto bito he'mi etalube'mu hina lenali Pailatihi bulo lenemegesa hu emi'ahana yabe.

Aposolo 4:27

Ya'ma Tebitiu koyapa'i ya lu'ehinagi to lusiga ma'naka luto Helotiugo Ponitiasi Pailati hiti enali fato naga'a hiti to Isilaeli bona'i enali Yesuhi le'mo melugu malalune lite moneko ma hepalugu li nupa hi'ahana, ya'ma koko panaka mana'a koyapa'i le'mo molo'ahata yabe.

Aposolo 9:2

Ai ana kaga lu emigo sipi mono noto kaba bouba fayahi mone Yuta bona'i mono nonuga gehesa hi'ahananamagi Tamasiko hepato bite neminanamagitoga go'ehina. Ya huloto ya'mana fayahi Solihi emi'ehina. Ana fayanugu ma luto go'ehina. Enali Sipi Bomofihi Kapo mana'alo mege'i nemalalana bo hiti ana'i hiti Soliu bu enogolotomo ai enele'mo naga ito Yelusale enele'moto alibe.

1 Timoti 6:13

Ana'ina li huto hu'ehina bo Hu'mamofihi gobisalo to gamani bo, Ponitiasi Pailatihi maha'aga ai'a hetofa hapa'amu lu huto hu'ehina bo, Yesu Kilisitohi gobisalo ya'ma luto lu moloto nolube.

2 Timoti 2:9

Ka lamana'a yamofi kumu yabe luto amuya'a hiti nasana ligo kalana'i molo nete'ahana'mu keke'i luse'na kehelito kofilata nohube. Ya nohuto kegeiyo bo legi huto seni naga'i nimilago nohunaya Hu'mamofihi ka'a ya'ma naga'i meemi'ahanamo ni'ibe.

Hibulu 13:3

Lenigibo lenagabo, mono kumu yabe lite lalutimagihi naga nonugu enele'mo mele'ahana'a enali kumu kehelite ana naga nonugu lali minaluta suhi hite nehabe lite kehelite lenekesu meheno. Ya nehite luga'a enele'mo sibina sabana hi epele'ahana'a enali kumu keke'i luse'namofihi komopa'agu neminana'a ya'ma lenali ana hite keke'i luse'na'ani lenugupisalo suhi huto ti'ehina'a kehelite enali kumu lenekesu meheno.