Matiu 27:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Ya luto luloto Pailatiu ka foya nonugu kaba huto nominago liha'auba koko pana'aloga ma luto kaga malago ete lu emi'ahana: Kai foipana'a menina bomofihi gufalo ana'ina mone li huto mehubo. Nani yatai folugu'i ana hetofa bomofihi bamu'i bati mehina'a bu goloto'ni ai kumu nugufa'nigu sipi keta nebesi'ehibe.

Matiu 27:19 ပူးပေါင်းရင်းမြစ်များ

Matiu 1:20

Ai Yosefeu Maliahi suguna'i he'mi etalina ekesa yigiba yigiba huto nohigo bamulugu agelouba bulo huloto ma luto lu emi'ehina: Yosefeo, Abalahahi tata'aga, kai Maliahi lihaka le'mo lolo hilatana'mu koli mehubo. Ai Sikalafu'uba Maliahi yagapana'i emi'ehibe.

Matiu 2:19

Alihi Helotiu afililago Hu'mamofihi agelo'auba Yosefehi Iyipi melugu bamu'i hu bulo moloto ma luto lu emi'ehina:

Matiu 2:22

Ya hu'ehina Akeleasiu afo'afihi Helotihi nona'a Yutia bona'magihi kaba bo'ani nohibe lana Yosefeu koli huto Hu'mau bamulugu kaga mone hiti lu emigo keheli'ehina. Ya huloto ai ana hepa he'mito Galili kegi'a bu molo'ehina yabe.

Matiu 27:18

Enali Yesuhi ipakafa helete neminanati ka foyalo le'mo ho ti'ahanamo ni'ibe luto Pailatiu akeheli'ohuto enoloka ho'ehina yabe.

Matiu 27:24

Pailatihi kaga'a asaga bona'magi ho fi telete luba li huto hilana suhi hago Pailatiu bu enogo'ehina. Ya hago ai silaga boana'i enubulo nagami'i liloto yaha'a sese nohuto ma luto lu epi'ehina: Ma bomofihi ho filise foipana kumu nani nugufalo metilibe. Ya asaga'na lenalitinilogagoko minalibe.

Matiu 27:4

Ya huloto ai lu epi'ehina: Nani foipana ameni'ina bomofihi yato li lepiloto'ni nani'ni foipana li nubufalo molo'ohube. To ai fililina'mu yabe. Ya luto ligo enali li'ahana: Ya lalinati meni'ibe. Ya'ma kai'naka ni'ibe.

Luku 23:41

Enali le'ali'i le'ahanaya bati hite nele'ahabe. Le'ali bati mehina suhi li huto hu'ohu'ina hapati'amu lite bati hite nele'ahabe. Ya hu'ehina ai ya'ma bouba kegeiyo huto foipana li huto mehu'ehina bo nohibe.

Luku 23:47

Gimi bomagihi kaba bo'aniuba ya'manana huto hinamofihi hapa'a bu go su holoto Hu'mamofihi gelo bi emito ma luto lu'ehina: Ma'naka luto ya'ma boya bebe sana bo yabe.

Yoni 19:13

Ya nelago Pailatiu kaga'ani kehelito Yesuhi fegutoga le'moto limito kagamofihi loko hilata hepato mone kefa hisalo mino'ehina. Anaga babu efa mele'ahanalo Hibulu kaluguti Gabata yabe nelana yalo mino'ehina.

Aposolo 12:21

To Helotiu kana mone mololoto ana yupahi enikibina bomagi nehekalana gukete'a hekololoto sipi kefa hisalo mino saga huto nohuto bona'i yatama kaga lu epi epi'ehina.

Aposolo 18:12

Ya nohigo alihi Galiohi Lomu gamani bo Gilisi melugu le'mo ho tigo minana kana'alo Yuta bona'i li nupa hite ho tilete Poluhi yato lite ka foya le'mo melelete ma li'ahana:

Aposolo 18:16

Ya luto luloto ka foya lilata nonuguti fegutoga enele'mo amuya he'migo limi'ahana.

Aposolo 18:17

Ya higo Yuta bona'i li nupa hite kaga lilata nehana noto kaba bo Sosetenisihi enali nu kite ka foya lilata nehana kasito segihi osahi emi'ahana yabe. To ya hananalo ya'ma gamani bo Galiou, ya habe luto ekesa mone meyigi'ehina yabe.

Aposolo 25:10

Ya luto loka hago Polu ka'alo nona'a lu emi'ehina: Nani nifisa ise hepa'i ni'inalo sipi Lomu gamani bomofihi bulo maga ho ti'ohube. To nani Yuta bonatoga nani foipana mone li huto mehu'ohunaya kaika akeheli bati hu'ahana.

Aposolo 25:17

Ya hilete enali maga moneka nani'ni hiti nehetito nani yatama kana memino'ohube. Eteka'a ka foya lilata nonugu nani minoloto'ni ana bo le'mete tilo luto enoho lifi'ohube.

Aposolo 25:6

Fesitasiu luga'a kana nesi'a enali hiti minoloto Sisalia bu'ehina. Eteka'a ka foya lilata nonugu tito minoloto Poluhi le'mete tilo luto enoho lifi'ehina.

1 Pita 2:22

Ai foipana mehuse'i to baga'aguti faga meluse'i mino'ehinamo ni'ibe.

1 Yoni 2:1

Panana'ni lenali foipana hi lalabe luto ka'ni ya'ma fayahi koyoto nolepube. To moneuba foipana hulenogo afotifu, Hu'mau foipanati'mu ka foya nolinogo lehe'malina bo mone nohina yabe. Ai gi'a Yesu Kilisitou ai fotogo huto nohina bouba ai lali kumu yabe luto miyagu afotifu aitoga buka tilina'mu yabe.