Matiu 27:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Ya'mana kana'alo asaga bona'magi gi'a keheli baga i'ahana bo Balabasiu nagalugu mino'ehina.

Matiu 27:16 ပူးပေါင်းရင်းမြစ်များ

Matiu 27:15

Asaga kufugu Pasa nose'na nelata nehana kanalo Lomu gamani bouba naga foyagu nehanaguti asaga boana'magi ya'muya bo li gulu ho etobo lanamofihi nagaluguti fulu ho etolata nohina yabe.

Matiu 27:17

Asaga boana'i li nupa hago Pailatiu enoloka ho'ehina: Kiyi'afihi lepilube? Balabasihi li gulu ho etobo ya lite nekehelifi to Yesuhi li gulu ho etobo lite lilete nekehelibe?

Maki 15:7

To ana kanagu kalabusi nonugu bo mone, gi'a Balabasi yabe luto mino'ehibe. Ai luba hi'ahana yupahi bo mone'mofihi ho fili'ehina bo yabe.

Luku 23:25

Ya'ma bo ai gamani bonatoga luba li huto huloto bona'i enoho fili'ehina bomofihi boana'magi aku'i le'malune lite lago Pailatiu Balabasihi li gulu fo etago bu'ehina. To enali kaga lana enemege'i moloto Yesuhi gimi bomagihi enayanugu molo'ehina yabe.

Yoni 18:40

Ya ligo enali nogo'a felana melete li'ahana: O'e, ai'a ya mehubo. Lali Balabasihi gulu ho etobo. Lite li'ahana. Ya'ma bo Balabasiu koyapa'i luba huto gumina lilata bo naga'i emi'ahana yabe.

Aposolo 3:14

Ai hetofa bo foipana'a meni'ina bomofihi lenali lenemegesa hu emi'ahana yabe. Ya hilete lenali fato bo moneuba bo mone ho fili'ehina ya'ma bo limibo lite Pailatihi kehe igo ai le'mo lepi'ehina yabe.

Romu 1:32

To bona'i moneuba Hu'mamofihi keya ka mege'i memalalinagi fililina'mu yabe lite nelana ya'ma keheli fiya i'ahana. Ana mono ka akeheli'ahanaya aku foipana'ani hilata nehabe. To bona'i moneuba foipana li huto hinogo enali bu gelete bati huto yagi yana suhi hubo, lite lu emi'ahana yabe.

Romu 16:7

To nalalu'nile'i Yuta bo Atolonikusigi to Yuniasigi, etali nani hiti kalabusigu mino'ohuta bole neha'ifiye li etimilo. Yata'a nanimo fa'mene nohugo etali kohe tete Kilisitohi naga'i lolo hite mine'aha'ina yagi asaga aposolo bona'magi etali kumu keheligo noenebesibe.