Matiu 26:53 - Ka Lamana'a Monoꞌi Lu Mu Tifiꞌehina Ka Yabe

⁵³ Nani Afo'nifihi nehe'malibe luto kehe ilunaya agelo gimi bo 12 tauseni'a be ligito babu lito enoho mefilibe luto kai mekehelipiye?

Matiu 26:53 ပူးပေါင်းရင်းမြစ်များ

Matiu 25:31

Nani Kokulumaguti limi'ohuna Bo nohuto gihiti bo suhi huto oto agelomagi hiti aku aluta yupahi sipi kefa hisalo nani minaluna'mu yabe.

Matiu 4:11

Ya ligo Satau he'mi etoto abufa nohigo agelomagi ete analo Yesuhi he'me'ahana yabe.

Maki 5:15

Yalo asaga bona'magi ete bu galune lite ete Yesutoga nehetite, to ana negi bo ekesa hokolo higo kata bito legeso huto meto nominago bu gelete enelesa'ani lu'ehibe.

Maki 5:9

To ya ligo Yesu: Kigika ho nimibo ligo ai: Nigi'ni Yege yege'nao yabe, luto'a, lali yege yege fele nohutagihe, luto lu emi'ehibe.

Luku 8:30

Yesu ana bo loka ho'ehina: Kigika gi'aga nohane? Ya ligo ana bouba lu'ehina: Nani nigi'ni yege yegeloita yabe. Hena'mugope babu foipa fele ailuguti bai tete mine'ahana.

Yoni 10:18

Bona'i moneuba noho fililube'mu nohuto nemeha'ni li he'mi menetalina'mu yabe. Enali kumu fililube luto nani'ni liluna malaluna ni'ibe. To nemeha'ni li he'milufi to li he'miloto aku'i lilube yanamofihi nani foya'ni ni'ibe. Ya'ma Afo'nifu ya hubo luto lu nimi'ehina kaga keheli emi'ohube, luto Yesu lu'ehina yabe.

Yoni 18:36

Ya ligo Yesu lu emi'ehina: Nani kapogu kaba huse'na'ni ma melugu meni'ibe. Nani kapogu kaba huse'na'ni ma melugu ni'itita pana'alobo'nimagi nani kumu naga i lalibe lite Yuta bona'i luba hilete naga'i menimitita'mu yabe. O'e, nani kaba huse'na ma melugu huto mehu'ehina yabe.

Yute 1:14

To Atahi giko gakomagi nekisa'agati huto hite bi'ahana huto hilago yalo aliha'a ana huto bihu 7 Inoki huto hu'ehina. Ai ya'ma faga fagalo bona'i ya hana'a enali kumu fono ka luto ma luto lu'ehina: Bu galo. Sipi Bouba ya foipana hana bona'magihi nona'a epilube luto hetofa agelo bona'a babu luto ka foya lilana li gehesalo enele'moto limilina'mu yabe.