Matiu 26:5 - Ka Lamana'a Monoꞌi Lu Mu Tifiꞌehina Ka Yabe

⁵ Ya hu'ehina ya'mana suhi asaga bona'i li nupa hite nose'na nete minelata kanalo ya mehilune. Ya hiluta asaga boana'magi luba li huto hilana'mu yabe lite sumi ka li'ahana.

Matiu 26:5 ပူးပေါင်းရင်းမြစ်များ

Matiu 14:5

Ya noligo Helotiu Yonihi lubaha'a laga hilube'mu hinaya asaga boana'magi enubulo koli huto he'mi eto'ehina yabe. Hena'mugope enali Yoniu lu yege hose bo nohibe lite lilata nehana'mu yabe.

Matiu 21:26

To ma melugu bona'magihina yabe liluta ya asaga boana kumu'i lelesa nolibe. Hena'mugope enali asaga'i Yoni kumu kaga lu yege nohana bo nohibe lite komopa'ani neeminamo yabe li'ahana.

Matiu 27:24

Pailatihi kaga'a asaga bona'magi ho fi telete luba li huto hilana suhi hago Pailatiu bu enogo'ehina. Ya hago ai silaga boana'i enubulo nagami'i liloto yaha'a sese nohuto ma luto lu epi'ehina: Ma bomofihi ho filise foipana kumu nani nugufalo metilibe. Ya asaga'na lenalitinilogagoko minalibe.

Maki 14:12

To ana kanagu, sipi nose'na beleti nose'na yisiti hiti lolo mehise nalana yupahi utehi hapi filune'mu nehago sipisipi yaga nala'a Pasa mono yupapo kumu luto helata nehana kanagu, Yesuhi pana'alobo'amagi ma lu emi'ahana: Lali Pasa nose'na hiyaga buto nalune? Hiya nonugu nose'na li nupa huto laita hu ketalune?

Maki 14:2

Ana sipi mono kana ma'asi hapi filune'mu nehago ya'ma sipi mono bomagi ma lite enegekesa keheli'ahabe: Lali ya'ma Yesuhi sipi nose'na kanagu ho fililenogomo, asaga bona'magi kehelite luba hilabe. Ya higo, ya'ma nose'na kana su holenogo ho fililune. Enali ya lite kehelite geba hi'ahabe.

Maki 14:27

To anaga Yesu ma luto lu epi'ehina: Lenali asaga'i he'mi netete koli felefa hilabe. Mono kagu Hu'mau koyapa kaga ma ligo keye'ahana: Nani kaba bomofihi holenogo, enali sipisipi yaga'a tili tele hite bilabe. Ya'ma ka lu'ehina'a nanitoga ahuto hilibe. Lenali he'mi netete ya hite tili tele hilana'mu yabe.

Luku 20:6

To lali fa'mene bona'magi hina yabe luto liluta asaga bona'i ma nehanamagi efa kosatu'i he'milago hehe hite lahalana'mu yabe. Hena'mugope enali Yoniu lu yege hose bo yabe lite amuya melete keheli neemina yabe lite li'ahana.

Luku 22:7

Pasa nose'na nose kana o leba tago sipisipi yaga nala'a hiti ya'ma keye lilune'mu nehana.

Yoni 18:28

To etehi folugu'i enali Kaiyafasihi noha'aguti he'mite Yesuhi sipi gamani bomofihi noha'alo le'mete bi'ahana. Yuta bona'magi ana noha'agu meti'ahana. Hena'mube? Enali Pasa nose'na nalana kana leba tago Yuta bona'magi fegutoga bona'i li gehesa mehilune lite lugufati kolota kolota hu leto lalibe lite ana nonuga meti'ahana.

Aposolo 19:29

Ya hite, kehe napa neigo silaga bona'i ana hepatoti ho ti baga ite kehe napa ilago bila ela hite Poluhi lalu'afugo hiti kapo melete moneka nebana bole Gaiyasi hiti Alisitaka hiti Masetonia kegi'ati etayato lite hololu lite tutuma'i melete nehanalo bi'ahana.

Aposolo 21:38

Kai ya'ma Iyipi bo nohapihe? Ya'ma Iyipi bo gimi bo'a 4,000 ka hepatoga enele'moto buto gamanimagihi luba hilune'mu nehite enele'moto bu'ehina bo kai ya'ma nohapihe?

Aposolo 4:28

Enali asaga'i monekolugu li nupa hilete asaga'na koyapa'i li huto hilabe luto amuya kaga lu'ahata ai anana huto hilina'mu yabe.