Matiu 26:41 - Ka Lamana'a Monoꞌi Lu Mu Tifiꞌehina Ka Yabe

⁴¹ Lenali kaba hite minete nunumu hilo. Fibe taga hu lepolose'na lenalitoga huto hu lalibe'mu nolube. Komopatinigu ninanauba lenele'mo kosaba kosaba nohinaya ifo lenugufatini amuya'a meni'ibe.

Matiu 26:41 ပူးပေါင်းရင်းမြစ်များ

Matiu 24:42

Ya hu'ehinagi lenali Mesiau alina kana'a mekeheli'ahanagi kaba hu bati hite minalo.

Matiu 25:13

Ya hu'ehinagi lenali kaba hu bati hilo. Kokulumaguti limi'ehina Bouba aku alina yupahi to kana'a hiti lenali mekeheli'ahabe.

Matiu 26:38

Ya huloto ai ma luto lu epi'ehina: Nani fililuna suhi luto nugufagu sipi keta nonebesibe. Lenali malo ho tilete minenogo nani hiti ikaba akaba huto minalune.

Matiu 6:13

Kai sipi fi taga huse'nagu lele'mo memoloto foipanamofihi afo'afitogati lele'mo lubuto bibo.

Maki 14:38

Yalo enalitoga ma luto lu epi'ehina: Lenali kaba hite minalo. Ya'ma Satau fi taga hu lepololenogo lenali foipana hilafi mehilabe. Lenali foipana hi lalagi luto kaba hite minete nunumu hilo. Lenemehuba ule'ale huto minalube'mu nohinagi aku'i lenugufa lapa mebi'ehina ni'ibe. Ya'mu kaba hi bati hite minete nunumu hite minalo.

Luku 11:4

Kai foipanati li he'mi letetogo lali ana huto asaga bona'magi foipana nehi letana li he'mi epalalune. To kai sipi fi taga huse'nagu lele'mo memolobo.

Luku 21:36

Lenali kana'amu kana'amu ute etehi asaga yupahi kaba hu bati hite minalo. Lenali asaga yupahi Hu'mamofitoga nunumu foya liba liba hinogo ai amuya lepilibe. Ya hinogo asaga'na huto hilinamofihi lenali li lenemegesaga nemelete Kokulumaguti limi'ehina Bo ai okabalo ho tilana'mu yabe luto lu'ehina.

Luku 22:40

Ai ana kosalo nehetiloto ma luto lu epi'ehina: Lenali nunumu hite nehinogo lenalitoga fi taga hu lepolose'na huto mehilibe.

Luku 22:46

To ai ma luto lu epi'ehina: Lenali hena hibe lite lenubu'i kelete nehabe? Lenali ho tite lenubuna hete mine fe lite nunumu hilenogo lenimi'i molose'nauba lenalitoga huto mehilibe.

Luku 8:13

To nose'na biha'a efahubago hina melugu liminamoya ma huto ni'igi bona'i luga'amagi Hu'mamofihi kaga'mu enegelo bite nelibe. Ya nehana ana mono ka komopa'anigu fulu tuto emagu menominabe, enali nesi kana'asi komopa'anigu li melelete nehite fi taga huse'na huto nohigomo mele'isi ho kete ana kaga he'mi su helata nehabe.

Romu 8:3

Bona'magihi komopa'ani amuya memolo'ehinagi keya kauba lehe'mo'ehina bati mehu'ehibe. Hu'mau aigo lehe'mo'ehina. Yata'a ai bona'i foipa hapa'animu ka epekito enifisa i'ehina. Ya huto ai'a pana'a melugu ho lifigo bona'i enugufa amuya memolo'ehina suhi lolo huto minoto lali foipanatimofihi nona'a li pa salibe luto fili'ehina yabe.

1 Koliti 10:13

Lenalitoga lenimi'i mololata nasanauba huto huto o henetilina ya'ma noto noto bona'i asagatoga ana suko huto hulata nohibe. Ya hu'ehinaya Hu'mau keheligo ule'ale hulata bo nohinago fi betaga hube nohina nasana moneuba huto huloto lenali amuya be ligito enele'mo felu halina'a lolo nehinogomo Hu'mau ai'a lenele'mo bati huto amuya lepito bihu komogetalo lenelepilenogo bite fa'mene mineba mineba minalana'mu yabe.

1 Koliti 16:13

Lenali kaba hite minelete Hu'mamofihi ka kehelilatanamofi kumu ule'ale hite minalo. Ya nehite koli mehise gimi bomofihi hapa'a lite amuya melete minalo.

1 Koliti 9:27

Nani bona'magihi mono ka lu epi epi huto nohuto nani'ni fa'menena lolo hu lalube luto nugufa'ni lelito limito moloto kaba'a hu etoto nominobe.

Galesia 5:24

To Yesu Kilisitohi naga'i lali tafa komopatimofihi bita hulata nasana to foipana'mu enuluhaya ilatamofihi aho filigo fa'menena lolo hu'ehinamo ni'ibe.

Efeso 6:18

Ya nehite lenali silaga kanagu Hu'mamofihi Sikalafu'uba lenehe'menogo Hu'mamofitoga minete lehe'mobo lite buka tite minalo. To iyo iyo hite kosele'i kasele'i melenehenogo kaba hite minalo. Ya nehite Hu'mamofihi bona'i yege yege'namu'i yabe lite nunumu foya lite minalo.

1 Pita 4:7

Ana'ina silaga'na su halina kana'a anasi tupa nohibe. Ya'mu lenali komopatini to lenugufa kaba hite keheli bati hite Hu'mamofitoga kaga luto loka halune lite babahi hite minalo.

1 Pita 5:8

Lenali lenegekesa keheliya ite kaba hi etete minalo. Fatehatini ya'ma Satau, ai lopi kala ya suhi huto mino'ehina kala bo mone heni etalufi ai heni etalufi luto sa sa huto bula ola huto mone le'mo sibina hilina'mu yabe

2 Pita 2:9

Ya hu'ehina'mu Sipi Bomofihi hapa'a ahuto hibe. Ai ya'ma Hu'mamofihi ka lite neminana bona'i enimi'i mololata nasana'agu minenogo enubuto bilata bo amuya'a hiti nohibe. To Hu'mamofihi ka'a meni'ina'a enali'i kana'a sipi yupahi guna molo epilube luto naga'i epilata bo amuya'a hiti nohibe.

Huto Hilina Ka 16:15

Kehelilo. Nani gumina baukalo bona'magi suhi huto topa nehenogo henetiluna'mu yabe. Ya nehinogo luga'amagi enali enugufa yapako minalanamagi ya'ma enubuya hu laligi komopa'ani kosaba hinogo minete gukete ikolo bi etete kaba hite minalana enali enegelo bilune'mu habe.

Huto Hilina Ka 3:10

Lenali kosele kasele'i mehese negeba hite minalabe luto lu lepolo'ohuna kaga'ni ya'ma li pili kete lite mine'ahanamo ni'inaya, yana'mu enimi'i mololata kana'a ya'ma noto noto bona'i enalitoga mino lito bilinamoya, lenalitoga minomo bu lalibe luto nani'ni ya'ma gegisa fi lepoloto kaba hu lepalalube'mu hube.