Matiu 26:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Ya lago Yesu lu epi'ehina: Lenali hepalugu tiletetini bo mone'mofitoga bilete ma lite lu emilo: Tisau ma luto libe: Nani kana'ni a'o leba notabe. Nani koko pana'ni hiti kai nonugu Pasa nose'na nalube lu'ehibe lilo.

Matiu 26:18 ပူးပေါင်းရင်းမြစ်များ

Matiu 21:3

To bo moneuba kaga mone nolinogomo ma lite lu emiliyo: Sipi Bouba lili'na lilube'mu yabe li'inogo ai hololu luto letiminogo ana yagale yete aliyo.

Matiu 23:10

Enali lenikibina bona'i yabe lite lenigi memeleno. Lenali kibina botini mone'isi nohina ai Mesia nohibe.

Matiu 23:8

Ya hu'ehina lenali kumu'i Tisao lite lenigi meheno. Moneko bo nohina aisigo tisa botini nohibe, ya hu'ehinagi lenali koguna ite minalo.

Matiu 26:19

Yesu ya luto koko pana'a lu epalago enali bite lu'ehina suhi huto hulago Pasa nose'na bagita hite li loloba hi'ahana.

Matiu 26:2

Lenali akeheli'ahabe, loe yupahisi minolototi koyapa Hu'mau lubuto bu'ehina yupa kumu Pasa yabe nelana ya'ma nose'na naluta kana'a huto hilina'mu yabe. Ya hulenogoti Kokulumaguti limi'ehina Bomofihi le'mete bite fateha'amagihi enayanuga melenogo malipu yafalo ho fililana'mu yabe.

Matiu 26:49

Yutasiu nehetiloto Yesu nohinalo fu luto buto ma luto lu'ehina: Tisao, folugu'i yabe, luto soso hu'ehina. Ya luto luloto Yutasiu Yesuhi nu ki'ehina.

Maki 5:35

To Yesu ya noluto nohigo, Yailusihi noha'agati bona'i luga'amagi ete ma kaga li'ahana: Pakamo afili su ho'ehina yabe. Ma babafi bo le'mo he'mibo. Ai yatai li mekehe'malina'mu yabe.

Luku 22:53

Nani asaga yupahi lenali hiti sipi mono nonugu minolata hu'ohuna lenali nani naga'i menimi'ahana yabe. Ya hi'ahana yatai lenali kanatini huto nohigo metepunamofihi amuya'a hiti yabe, Yesu ya luto lu'ehina.

Yoni 11:28

Matau ya lu emito i behe huto buto gona'a Malia nohinalo buto musi huto kaga lu emi'ehina: Babafiti noanogo kai kumu kehe noibe.

Yoni 12:23

Ya la'igo Yesu lu etimi'ehina: Yatai Kokulumaguti limi'ehina Bomo sipi fana meha'a aitoga huto hilina ya'ma kana'a ma'asi huto hilina'mu yabe.

Yoni 13:1

To mone kana'a nose'na laita hite nalana Pasa yabe nelana ya'ma yupahi leba talina Yesu ma meluguti he'mito afo'afihi hepato bilina kana ma'asi huto hilibe luto akeheli'ehina. Ai boana'a ma melugu mine'ahanamagihi asaga yupahi keke'i lu epolo'ehina. To ai keke'i lu epolose'na'a minomo buto su meho'ehigo ai fili'ehina.

Yoni 17:1

Yesu ai kaga lu su holoto kokulumagu bu go saga huto ma luto Hu'mamofihi lu emi'ehina: Afo'nigabe. Kana'a tupa nohibe. Kai nani'i panakamofihi fana meha'a li huto huto mololatogo panakamofita nani kai fana mehaka li huto hilube.

Yoni 20:16

Ya luto ligo Yesu lu emi'ehina: Maliao, ligo Maliau aitoga i behe huto Hibulu kaluguti lu emi'ehina: Labonio. Ya'ma kaga'a hapa'a Babafio yabe.

Yoni 7:30

Ya luto ligo enali yato hite naga'i emilune'mu hanaya mone bufalo lite ya hite mehi'ahana hena'mugope ai kana'a meo'ehina'mu yabe.

Yoni 7:6

Ya lite lago Yesu lu epi'ehina: Nani kana'ni lamana'a meo'ehibe. Asaga kanaya lenalitini bilata kanatini bati hutomo ni'ibe.

Yoni 7:8

Ya'mana fuli kana'a lifupa nehanalo lenalitini bilo. To nani ya'mana fuli kana lifupa nehanalo biluna kana'ni bati huse'na'a meo'ehibe.