Matiu 24:5 - Ka Lamana'a Monoꞌi Lu Mu Tifiꞌehina Ka Yabe

⁵ Babu bona'i elete nani nigi'ni nehete ma lite lilana'mu yabe: Nani'ni Mesia nohube. Hu'mau noho lifi'ehina bo lenubuto bilube'mu nohube, ya lilabe. To enali babu boana'i enimi'i malalana'mu yabe.

Matiu 24:5 ပူးပေါင်းရင်းမြစ်များ

Matiu 24:11

To kaga lu yege holata bo faga faga lite babu lite huto hilete babu boana'i enimi'i molomofa'na hilana'mu yabe.

Matiu 24:24

To faga faga Mesiagi to faga faga kaga lu yege hose bo babu lite nehetilete Hu'mau enele'mo eto hu'ehina bona'a enimi'i malalune lite babeyafana lumofihi lumofihi fato fato'i li huto hilana'mu yabe.

Yoni 5:43

Nani Afo'nifihi gi'alo o'ohunamo lenali nani ka'ni keheli menenimibe. To bo moneuba ai'a gi'alo o'ehigomo lenali be tigite ka'a lilata nehabe.

Yoni 8:24

Ya'mu luto lenali foipanatini hiti fililabe nolube. Nani kumu ya'ma bo kiyi'afu nohifi lite keheli pili meke netalana foipanatini ni'inogo fililana'mu yabe.

Yoni 8:28

Ya hago Yesu ma luto lu epi'ehina: Alihi Kokulumaguti limi'ehina Bomofihi gi'a li saga hilana yupahi aimo nohinagi lite keheli sepa neite to nani'ni nemeha'nilo ana'ina mone li huto mehu'ohuna. Afo'nifu nelepi'ehinamofihi enelepi'ohuna keheli fotogo hilabe.

1 Yoni 2:18

Palala'ni pana'nimagitabe, kana'a ya'ma hupamone'i asu halina'mu yabe. Ya'mu lenali Kilisitohi fateha'a huto hilibe lite keheli'ahabe. To yatai fatehe bona'a babu lite huto hilete mine baga i'ahabe. Yana'mu ya'ma kana'a su ho lamana hu'ehibe luto akeheli'ohune.

1 Yoni 2:22

Fagalo bona'i ya'ma enali kumu kehelilune. Bo moneubafi moneuba Yesu ai'a gulu ho letalibe luto le'mo ho lifi'ehina bo Kilisito menohibe luto nelinogomo ai kumu ya'ma fagalo bo yabe luto kehelilune. To enali ya'ma miyagu afotifi hiti to ai pana'a Yesu Kilisitohi enemegesa hi etimilana bona kumu enali Kilisitohi fateha'a yabe.

1 Yoni 4:3

To luga'amagi enali Yesu kumu ya lite melinogomo ya'ma Hu'mamofitogati menehabe. Enali Kilisitohi fatehe bona'mofihi ka'a nelabe. Ana fatehe bomofi kumu akeheli'ohune. Ai metoga alihi huto hilibe luto lu lepugo keheli'ahanamo ni'ibe. To yatai ya'ma ai'a amuya'a ahuto hu'ehibe.

Huto Hilina Ka 13:8

To melugu bona'i asaga'i enali enalapusa fi emi'ahana keke bake li etalabe. To luga'a enigi'ani ya'ma sipisipi nala'a he fili'ahana ai ya'ma enemeha'a minoba minoba nehana bona'magihi enigi'ani koyo'ehina bukugu koyapa'i me'i huto mehu'ehina kanalo fayahi koyoto molo'ehina enali'anigo ya'ma akafu yagakafa ya'ma ya suhi mehi etalana'mu yabe.