Matiu 23:9 - Ka Lamana'a Monoꞌi Lu Mu Tifiꞌehina Ka Yabe

⁹ To ma melugu bo mone'mofihi afotifu yabe lite gi mehalo. Afotinifu moneko'isi ai'asigo kokulumalugu nohibe.

Matiu 23:9 ပူးပေါင်းရင်းမြစ်များ

Matiu 23:10

Enali lenikibina bona'i yabe lite lenigi memeleno. Lenali kibina botini mone'isi nohina ai Mesia nohibe.

Matiu 6:32

Enali mono ka mekehelise bona'magi asaga ya'manana'mu mege'i lifite kene ilata nehabe. Ya hu'ehina kokulumalugu Afotinifu asaga'na lilanana ya huse'na lilanagi luto akeheli'ehibe.

Matiu 7:11

Ya hu'ehinagi lenali bati menehana bona'magita yagapanatinimagihi hetofana epilata nehinogomo yalo lali kehelilune, Hu'ma Afotinifu kokulumalugu nohinauba lenali nunumu hu emite ya hite hilana bona'i hetofana lepilina'mu yabe.

Aposolo 22:1

Lenali afo'nigi nogona'nigi nalalu'nigitase. Kaga'nimofihi hapa'a lu lepilunagi keheli'ehilo.

1 Koliti 4:15

Kilisitohi kamu'i babafi lilana bona'i ya'ma babu lite nehanaya afotinigi asaga'i menehabe. Yesu Kilisitohi hetofa ka kohe toto lu lepito aitoga lenele'mo bu'ohunagi afotinifita nani'nisigo lolo huto nohube. Ya'mu lenali pa'ni pana'ni yabe luto lu'ohuna.

2 Koliti 6:18

Ya huloto'ni afotinifita minalube, to lenali ya'ma pa'ni pana'ni lolo hite minalabe. Ya'ma Hu'ma amuya bouba huse mehuse suhi huto ai'a kaga'a ya luto lu'ehinamo ni'ibe.

Hibulu 12:9

To mone lilugi, metoga afotigi enali ya'ma segi osahi lahago lali kegeiyo mehuse enele'mo hofa toto agoya hu epi'ohutamo ni'ibe. To komopati afotifihi ya'ma ai maha'aga limito nohuto ya'ma bati hilube'mu nohibe. Ya hulototi mino hetofa hilinaga mino moloto minaluta'mu yabe.

1 Yoni 3:1

Bu galo. Afotifu ya'ma komopa'a sipi huto limiloto pa'nibe, pana'nibe luto lu leto'ehina. Komopa'a limilata'na hofa toto minago lali ai yagapana'a bati huto nominone. Yana'mu melugu bona'magi Hu'mamofitoga meneminana enali laliti hapati menekehelibe. Hena'mube? Hu'mamofihi hapa'a mekeheli'ahanamo ni'ibe.