Matiu 23:8 - Ka Lamana'a Monoꞌi Lu Mu Tifiꞌehina Ka Yabe

⁸ Ya hu'ehina lenali kumu'i Tisao lite lenigi meheno. Moneko bo nohina aisigo tisa botini nohibe, ya hu'ehinagi lenali koguna ite minalo.

Matiu 23:8 ပူးပေါင်းရင်းမြစ်များ

Matiu 10:25

To sukulu pana'uba tisa bo'a lolo hilina bati huto ni'ibe. To koko pana'uba sipi bo'a lolo huto minalina bati huto ni'ibe. Nani afotinifita enali foipa felemofihi gi'a Bielesebulu nanitoga mele'ahana suhi hite lenali'i ana hite babu lite foipa lenigi halana'mu yabe, luto Yesu lu epi'ehina yabe.

Matiu 17:5

Ai kaga luto nohigo sopohi mone besa lo'ehinauba enele'mo samapahi bu'ehina. To ana soponuguti nogo mone ma luto huto hu'ehina: Ya'ma ai nibita hina pana'ni nohibe. Nani nipa'ni aitoga emilata nohube. Lenali kaga'a keheli emilo.

Matiu 23:10

Enali lenikibina bona'i yabe lite lenigi memeleno. Lenali kibina botini mone'isi nohina ai Mesia nohibe.

Matiu 23:7

Enali bona'magi folagaha'anigu bite ho tite nehago asaga bona'magi enofokehi lite enugufaga soso hu epelelete Tisao lite ligiti halabe lite hilata nehabe.

Matiu 26:25

Yutasiu Yesuhi fateha'amagihi enelepise bouba ma luto lu'ehina: Tisao, nani kumu nolapihe? Ya luto loka hago Yesu lu'ehina: O'yo, kai alu huto nohane.

Matiu 26:49

Yutasiu nehetiloto Yesu nohinalo fu luto buto ma luto lu'ehina: Tisao, folugu'i yabe, luto soso hu'ehina. Ya luto luloto Yutasiu Yesuhi nu ki'ehina.

Maki 10:51

Ya higo, Yesu ma luto loka ho'ehina: Nani henana hu ketalube? To bu pisi lu'ehina bouba ma luto lu emi'ehina: Oho. Babafio. Nubu'ni li bati hu netoletogo aku'i bu goto minalube.

Maki 11:21

To Pitau bu goto Yesuhi ka'a beto huto ma lu'ehina: Oho. Afo'nigabe. Bu gobo. Sifehi yafamo kai gumi'i ho'ahatogo alo i pigi'ehina yabe.

Maki 14:45

To Yutasiu yalo Yesutoga ana'asi oto be tigito: Afo'nigabe luto soso hu eto'ehina yabe.

Maki 9:5

To Pitau Yesuhi ma lu emi'ehina: Oho, babafio. Lali ma hepatoga bati huto nominone. Lali yege goli nohi loe yagi mone yagi gilune. Kaika mone Mosehi mone Elaiyahi mone ya huto gilenogo nokebesifiye?

Luku 22:32

Ya hu'ehina nani afo'nifihi loka hoto kaitoga kehe'malibe luto ahu'ohube to kai nanitoga komopaka moloto nominatana mehe'mibo. To alihi komopaka i gelehe huto olotomo yalo kaikago'i kai to kogonakamagihi enele'mo amuya molobo.

Yoni 1:38

Ya neha'igo Yesu i behe huto bu etogoloto ma luto lu etimi'ehina: Letali henana'mu sa sa neha'ibe? Ya ligo etali ma lite lu emi'aha'ina: Labai, kai hiya nonugu nominane? li'aha'ina. Ya'ma Labai lali kagaluguti lu gelehe huto babafi bo yabe.

Yoni 1:49

Ya luto lu emigo Filipiu lu'ehina: Tisao, kai Hu'mamofihi pana'a nohane. Kai Isilaeli meto gihiti bomo nohane.

Yoni 11:8

Ya ligo pana'alobomagi lu emi'ahana: Babafio, henabe luto anaga bilune? Hupamone kana Yuta bona'magi efa kosatu kahalune lite lago lanamoya to ana kegi'a lu kehelito bilune lapiye?

Yoni 20:16

Ya luto ligo Yesu lu emi'ehina: Maliao, ligo Maliau aitoga i behe huto Hibulu kaluguti lu emi'ehina: Labonio. Ya'ma kaga'a hapa'a Babafio yabe.

Yoni 3:2

Mone yupahi ai sininugu Yesutoga oloto ma luto lu emi'ehina: Tisao, kai Hu'mau koho lifigo limi'ahata babafi nohataya lali akeheli'ohune. Kai lusi lili'na nolita'a huto mone kene'uba melilina Hu'ma aitoga mino hetofa hulenogomo yabe.

Yoni 3:26

Ya hilete enali Yonitoga bite ai'a pana'alobo'amagi lu emi'ahana: Tisao, ai kumu lulata nohata bomo Yotani nagami mula beletoga kai hiti mine'aha'ina bomoba kai keheli eto'ahapihe? Ya bomouba ai nagami'i nofolo epalago asaga boana'i aitogago nebabe.

Yoni 4:31

Ya nehago koko pana'amagi Yesuhi nose'naka nobo lite go'na bi'ahana.

Yoni 6:25

Nagami hefuhi muya beletoga ana bona'magi Yesuhi etafa hilete ma lite loka he'ahana: Tisao, maga hiya yupahi o'ahatabe?

Yoni 9:2

To pana'alobomagi loka he'ahana: Babafio, ma bo bu pisi lu'ehina hena hu eto'ehibe? Ai'a foipana'aubafi to ito'afinogo afo'afinogo etali foipana'atiti'mube?

2 Koliti 1:24

To lenali keheliya ise'natinimofihi amuya melete nehabe, ya'ma keheli'ohutamo ni'inaya lenalitoga buto nani kibina bo lolo hilube luto mone melu'ohube. Fa'mene lenalitoga komopatinigu enegelo bilibe luto lenele'mo bati huto foya'a lilata nohube.

2 Koliti 4:5

Lali mono ka nokehelito laliti'mu lu lepiluta'a mehune. Yesu Kilisito ai lali'i Sipi Boti to lali Yesu kumu yabe luto lenali koko panatini lolo huto minoto minalune luto lu lepilata nohune.

Filemoni 1:16

Yamofihi kele kele panakago anasi yatai menominabe. Yatai mone nesi'a mino lito buto hetofana hiti lolo nohibe. Kilisitohi nagalugu lebesise bo kalalukafu lolo huto alube'mu li bati nohibe. Nanitogati komopa'ni emugo mino'ehinamo kaitoga hiti anamofihi huto le'mo bati huto minalinamo ni'ibe. Aitoga komopaka emitogo Sipi Bomofihi lalameha'agu kogonakamo huto hu ketalina hiti hetofa kele kele panakamo hiti huto hilinagi yamofihi ai kumu lagaka kebesise'na mone hiti huto hilibe.

Yemesi 3:1

Nalalu'nigitabe. Lenalitogati bona'i babu lite ka lu enelepise bo lolo mehino. Hena'mube? Lali tisa foyalo bo ya'ma alihi kanagu lalitoga ka foya hofa talina'mu yabe, luto a'nokehelune.

1 Pita 5:3

Ya nehite sipi bo'ani lolo hila ya hila mehilo. Ya'ma bonatini kaba hi epalana'amagihi lenali legeso hite enali hiti koguna ite minalo. Hu'mamofihi naga'i sipisipi yagamagihi enele'mo kohe tete ai'a kagu kehelite ineme limite minete ya hite minalabe.

Huto Hilina Ka 1:9

Lenalalutinifita Yonita nani hiti to lenali hiti Yesu kumu luto keke bake to Hu'mamofihi kapo'agu to keta'a hiti nasana kofito minolata nohuta yamofihi lenali hiti moneka liloto nominonamofita nani fayahi ya'ma koyoto nolepube. Nani Hu'mamofihi kaga'a to Yesuhi gi'a lu huto huto luna'mu luto Patamosi metoga hege nagamilugu ti'ehinalo noho lifigo he'mito nohuna.

Huto Hilina Ka 19:10

Ya luto lu nimigo nalapusa fito lipi emilube luto nohugo o'e noluto ma luto lu'ehina: Ya melubo. Nani kele kele bo kalalukafita kigiboka Yesu lu hokolo hu'ehina ka'a li pili kete lilata nehana bo enali enalalu'anifita nohube. Kai Hu'mamofihi aigo ya'ma lipi emilane, luto lu'ehina. Yesu lu hokolo hu'ehina kauba mono ka leli'ali bona'i enele'mo babahi higo mono ka lilata hi'ahanamo ni'ibe luto lu'ehina.

Huto Hilina Ka 22:9

ai'a: O'e, luto ya mehubo luto lu nimi'ehina. Nani kalalukafita nohube. To kalukagihi ka leli'ali nehana bomagihi enalalu'anifita nohuto to foya'ani ana huto noluna bo nohube. To ya'ma bukugu kaga keheliba keheliba hite neminana'a enali enalalu'nifita nohube. Kai Hu'mamofihi ai'ago ya'ma lipito kalapusa fi emibo.