Matiu 22:40 - Ka Lamana'a Monoꞌi Lu Mu Tifiꞌehina Ka Yabe

⁴⁰ Ya'ma keya ka loemale'i hapa'a lufusa'a lolo hite emalo ke'aha'igo luga'a Moseu lu'ehina keya ka hiti to kaga lu yege hese bomagihi enelepimofa'na huse'na'ani ifo etali etugupisalo neminabe, luto Yesu lu epi'ehina yabe.

Matiu 22:40 ပူးပေါင်းရင်းမြစ်များ

Matiu 7:12

Nanitoga ya suhi hu netalo luto kekesa noyigilata suhi enali fato bonatoga ana suhi hu epolobo. Ya'ma ai Mosehi keya ka'amofihi hapa'a koyapa'i ninamolo to lu yege hose bona'magihi kaga enelepise'na'ani hiti mana'a ni'ibe.

Yoni 1:17

Hena'mugope Hu'mau keya ka Mosehi bagalo molo'ehina. Ya hu'ehinaya lehe'mose'na hiti to ka lamana'a hiti Yesu Kilisitotogati noabe.

Romu 13:9

To keya kaluguti ma luto lu'ehina: A'i gumina mefolobo. Bona'i ho mefilibo. Gumina melibo. Bona'mofihi fe'noha'a lilube luto kubu naga'i mehobo. Ya'ma keya ka asaga'i li nupa hu'ehina'amofihi hapa'a ma ni'ibe: Kai kugufaka kaba hulata nohata supo huto asaga bona'magihi kaba hu epoloto kiginaga fi epibo.

Galesia 5:14

Moseu keya ka lu'ehina ka'a li nupa huto hapa'a mone'mofihi ma huto ni'ibe: Kaika'mu kehelilata nohata ya suhi huto kalalukagi kumu kehelito komopaka epilane.

1 Timoti 1:5

To nani ya'ma henabe luto nolube? Enali kehelilete komopa'ani mone keheli sibina mehise komopa'ani fulu hinogo minete to Hu'mamofihi agoya hu emite minalabe. To ya hite minete, Hu'mamofitoga enemehi emilana'mu yabe luto nolube.

Yemesi 2:8

To ya'mu mono bukugu Hu'mau keya ka lu'ehina kaguti amuya ka mone ma luto ni'ibe: Kaika'mu kehelilata nohata ya suhi huto kalalukagi kumu kehelito kaba hu epoloto komopaka epibo, luto lu'ehinamo ni'ibe. Lenali ana keya ka lu'ehina ka'a keheliya ilana ya'ma ana'ina lamana'a lilana ni'inaya.