Matiu 22:32 - Ka Lamana'a Monoꞌi Lu Mu Tifiꞌehina Ka Yabe

³² Nani Abalahahi afo'afita nohube, to nani Isakahi afo'afita nohube, to nani Yakopuhi afo'afita nohube, luto Hu'ma lu'ehina yabe. Hu'ma ai fili'ahana bona'magi afo'anifu menohunagi enali minoba minoba bona'magihi afo'anifita nohibe, luto Yesu lu epi'ehina yabe.

Matiu 22:32 ပူးပေါင်းရင်းမြစ်များ

Matiu 22:31

Ya hu'ehina ya'ma filise bona'i aku'i ho tise kagamofihi lenoloka halube. Mono bukugu Hu'mau ma luto lu lepi'ehina kaga mekeheli'ahafihe? Ai ma luto lu'ehibe:

Aposolo 3:13

Ai Abalaha to Isaka, to Yakopu hiti to lali tatatigi asaga'i enali Hu'ma'anifu ai Yesu koko pana'amofihi gi'a liyafa hu'ehina yabe. Ai ya'mana bo fateha'amagi enayanuga epilago Pailatiu lu kehelito le'mo buto bito he'mi etalube'mu hina lenali Pailatihi bulo lenemegesa hu emi'ahana yabe.

Aposolo 7:32

Nani tatakamagihi tata'anifita yabe. Abalahagi Isakagi to Yakopugi Hu'ma'anifita nohube. Ya luto ligo Moseu afoya iloto lesa'a ligo ana logo guluya meha'a bu megose mino'ehina.

Hibulu 11:16

Enali ya'ma nohi hepa'i lamana'a mone lilune'mu yabe lite ya nasana'muko geba hite keheli'ahana. Kokulumalugu yamofi kumuko keheli amuya mele'ahana. Ya hu'ehina'mu enali Hu'ma ai kumu Hu'matiga yabe lite lago kehelito megesa hu meepilata nohibe. Ya'ma hena'mube? Ai'a nohi hepa'i mone li huto huto enele'mo nupa hu'ehina'mu yabe.