Matiu 22:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Yesu mi'i malalune'mu nehana kaga'ani akeheliloto ma luto lu epi'ehina: Lenali fagalo bona'i. Lenali henabe lite nimi'i nemalabe?

Matiu 22:18 ပူးပေါင်းရင်းမြစ်များ

Matiu 12:15

Yesu ana kaga'ani akeheliloto ana hepa'i he'miloto nobigo babu bona'i mege'i lifite bi'ahana yabe. Ya nehago enebesi'ehinana'ani li he'mi su ho epolo'ehina yabe.

Matiu 19:3

To Felosi bona'i mone'amagi ai nohinalo ete fi taga nehite loka he'ahana: Lali keya kaguti henana ni'igo bo moneuba liha'amofihi fa'mene le'mo he'milenogo bati huto ni'ifiye?

Matiu 22:17

Ya hu'ehinagi kai ma kaga lu limibo. Kai henabe luto kekesa noyigine? Lomu gamani bomofito takisi he'milata nohutaba lali keya kagati li gofa nohopi to bati huto nohe'mune? Ya, kagatilo nona'a lu limibo.

Matiu 22:19

Takisi efahi legeya'a mone'a li nelepilo. Ya ligo enali efahi legeya'a mone li emi'ahana.

Maki 12:5

To yalo fato fato yupahi kele kele pana'a fato fato'i enoho lifigo bago enali mone'a osahi epite to mone'a enehe filite ya hi epele'ahana yabe.

Maki 2:8

To Yesu ana'asi ya'ma enegekesa neyiginana komopa'atu keheliloto ma luto lu epi'ehibe:

Luku 10:25

Keya ka keheli bati huse bo moneuba Yesuhi mi'i malalube luto Yesu nohinalo tiloto ma lu'ehina: Tisao, nani hena huloto'ni mino kosaba hepa'i lilube? luto loka ho'ehina.

Luku 20:23

Ya hana Yesu faga faga nelana ka'animofihi hapa'a akeheliloto ma luto lu epi'ehina:

Luku 5:22

Yesu kaga nelana akeheliloto lu epi'ehina: Henabe lite lenali lenekesagu kaga fato fato'i lenipaguti notibe?

Luku 9:47

Yesu kaga nelana akeheliloto ai yagapana'i mone metoga le'mo ho tiloto

Yoni 2:25

Bona'magi kumu bo moneuba ya huse bo nohibe luto lu meemilina'mu. Hena'mugope ai asaga bona'i yege yege'i nehanamagi komopa'ani hiti hapa'ani hiti akeheli baga i'ehina yabe.

Yoni 8:6

Enali fisa ilune'mu ya'ma kaga mi'i melete loka he'ahana. Ya hana ai Yesu melugu lipi tipi huto yahi kosa'atu mumusopagu fayahi goto mino'ehina yabe.

Aposolo 5:9

Ya ligo Pitau lu emi'ehina: Kai hiti bahaka hiti letali henabe lite lu kehelilete Sipi Bomofihi Sikalafu'a mi'i mele'aha'ibe? Bahaka akeli he ete'ahana bona'i yatai ma'asi kasito foiya nehanago enali kai'i ana hite kofite bilana'mu yabe.

Huto Hilina Ka 2:23

To ana a'mofihi yagapana'a enoho fili su halibe. Ya suhi hulenogo'ni noto noto bo mono ka keheli'ahanamagi nani bati'namofihi komopa'ani enegekesamofihi hapa'a bu go fe lu'ahata bo nohane lite keheliya ilabe. Nani bona'i asaga'i hite melete hilanamofihi afo'anifita pa soto nona'a eto eto huto epilube'mu nohube luto nolube.