Matiu 21:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Ya higo enali bu gelete Yesuhi ma lite lu emi'ahana: Ma nelana kagaba keheli'ahapihe? Ya lago Yesu lu epi'ehina: Nani keheli'ohube. Mono ka mone ma luto nina lenali leka mese'ahana ni'ifihe? Kai lagaso yagapana'i hiti to yagapana ikiliha'a hiti enali Hu'mamofitoga enegelo bi emilabe.

Matiu 21:16 ပူးပေါင်းရင်းမြစ်များ

Matiu 11:25

Ya'mana yupahi Yesu ma luto lu'ehina: Oho. Afo'niga, kokuluma'i hiti me'i hiti sipi kaba bo'a nohane. Kai ana'inaka kehelise bona'magihi enubulo li fala nokito to kai lagaso yagapana'magihi enubulo li huto hulata nohata'mu nani kofokehi lito bati huto yabe luto kegepohi nolube.

Matiu 12:3

Ya lago Yesu lu epi'ehina: To lenali Tebitiu hu'ehinamofihi fayaha'a leka sete mekeheli'ahafihe? Tebitiu lalu'agi hiti sipi kau'na enoho'ehinamo'mu nolube.

Matiu 19:4

Yesu lu epi'ehina: Lenali mono bukugu bu gelete ana ka mekeheli'ahanafiye? Ya'ma kagaguti go'ehina: Yata'a kanagu Hu'mau bomo hiti a'mo hiti lolo hu molo'ehina yabe.

Matiu 22:31

Ya hu'ehina ya'ma filise bona'i aku'i ho tise kagamofihi lenoloka halube. Mono bukugu Hu'mau ma luto lu lepi'ehina kaga mekeheli'ahafihe? Ai ma luto lu'ehibe:

Maki 13:17

Ke. Ana kanagu yagapana'ani hiti nehana a'magi kumu keke'i li epalalo. To yagapana'i yuhufasi kete'ahana a'magi kumu leniginaga fi epilo.

Maki 2:25

Ya lago ai ma lu epi'ehina: Lenali mono kalugu bu mege'ahafiye? Koyapasana Abiata sipi mono bo mino'ehina kanagu ya'ma sipi bouba Tebitiu kau'na gofa nohago buto Hu'mamofihi nonugu tito anagati Beleti nose'na lito no'ehibe. Nonoto to ai hiti nehana bomagi epilago ne'ahana yabe. Ana mono beleti nose'na Lepise Beleti yabe, lite gi nehana ya'ma nose'namofihi fa'mene bomagita nalana lu laga hi'ahana yabe. Mono bomagi anasi nalabe lite mele'ahana ni'ibe. To ana beleti nose'na Tebitiu kau'na gofa nohago lito no'ehina ka mekeheli'ahafiye? Mono kalugu bu mege'ahafiye?

Luku 21:23

Ke. Enali ana'i yatai yagapana'ani hiti hi'ahanafi to yagapana'ani amihi neepina ana'ise. Ana kanagu sipi ketana ma melugu huto hulenogo Hu'mamofihi ipagu logo bise'na'auba asaga boana'i sa sa hilina'mu yabe.