Matiu 20:7 - Ka Lamana'a Monoꞌi Lu Mu Tifiꞌehina Ka Yabe

⁷ Enali ka'alo nona'a lu emi'ahana: Bo moneuba lili'na melimigo fa'mene nohune li'ahana. Ya lago ai lu epi'ehina: Lenali hiti ka'muya abite bai naga'i foya'nigu lili'na lilo.

Matiu 20:7 ပူးပေါင်းရင်းမြစ်များ

Matiu 20:1

Kokulumamofihi kapo'aya bo mone'mofihi sipi foya'a ni'ina suhi luto ni'ibe. Ya hu'ehigo ai mone etehi folugu'i heleko limito buto bai nagami lolo hilina nose'na foya'agu kifi'na li etalana pana'i noenele'mabe.

Matiu 20:6

To yege limi falalube'mu nohigo tauniga nobinati bo luga'a ho tilete nehago bu enogo'ehina. Ya huloto ai ma luto lu epi'ehina: Hena hu'ehigo lenali yatai malo fa'mene ho tilete nehabe? Kana su halina'mu yabe.

Matiu 20:8

To sinihi gise'na nohigo ana foya afo'afu kaba bo'a kehe iloto ma luto lu emi'ehina: Kai lili'na nelina bona'i kehe ito mina epibo. Alihi e'ahana lili'nalo panatogati hapi fito mina epimo buto yata'a kohe tete ete lili'na li'ahanamagihi alihi epitogo su heno.

Yoni 9:4

Lali yege lenogo noho lifi'ehina bo afo'nifihi lili'na'a lilata nohune. To sinihi ginogo bona'magi lili'na melilune'mu nehabe.

Aposolo 4:16

Ma bole hena hu etatalune? Asaga Yelusale bona'magi etali topa ho'ehinanamo ya'ma sipi foya mone li huto huto hi'aha'inamofihi kaga'a akeheli su he'ahanamofihi lali bahane mehaluta'mu yabe.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

Efeso 6:8

Lenali ya'ma keheli'ahabe. Mone'a enali koko pana'a nehanana'a to enigihiti bo lolo hite nehana'a enali lamana'a lolo hite hi'ahanalo'i Sipi Bouba nona'a epilina ni'ibe.

Kolose 1:26

Ana suguna ka koyapa bona'magihi lu meepise mino'ehinaya to yatai lali aitoga komopati nobina bona'magi kumu lu hokolo hu noletabe. To lenali fegutoga bona'i aitoga neminamagi kumu lu hokolo hu lepalalibe. Ana suguna ka henana ni'ibe? Ma ni'ibe. Kilisitou lenali komopatinigu nominenogomo lenali Hu'mamofihi fana meha'agu minalabe.

Hibulu 6:10

Hu'mau ai'a mone li sibina huto ya huto menohibe. Lenali ai kumu yabe lite foya'a lite komopatini minalanamofihi lamana'a yamofihi Kilisitohi yagapana'a enele'mo bati hite lenemehi emite enehe'malata nehanamo yamofihi ai'a yana'mu ekesu mehalina'mu yabe.