Matiu 20:2 - Ka Lamana'a Monoꞌi Lu Mu Tifiꞌehina Ka Yabe

² Ai enali luga'a lili'nalo pana'i hiti kaga lilete mone kina mone kina yatai lilana lili'nalo lilana'mu yabe lina kaga komopa'ani monetoga nemalabe. Ya luto lu epoloto ai bai naga'i nose'na foya'agu enoho lifigo bite lili'na lilune'mu nebabe.

Matiu 20:2 ပူးပေါင်းရင်းမြစ်များ

Matiu 18:28

Ya higo ya'mana bouba heleko limito buto lili'na moneka neli'ina bo mone'mofihi tina huto tola efaha'a nesi'a emi'ehina bo bu goto lubaha'alo lito li geka geka huloto mele'isi tinaka pa sobo lu emi'ehina.

Matiu 20:1

Kokulumamofihi kapo'aya bo mone'mofihi sipi foya'a ni'ina suhi luto ni'ibe. Ya hu'ehigo ai mone etehi folugu'i heleko limito buto bai nagami lolo hilina nose'na foya'agu kifi'na li etalana pana'i noenele'mabe.

Matiu 20:13

Enali ya lite lago enali kagalo nona'a foya afo'afu ma luto enali folagaha'anigu mone nohina bomofihi lu emi'ehina: Nalaluo, nani kele'mo negi noto faga melu keto'ohube. Kaga lutofi mone kinalo lili'na lilabe lugo komopati monetoga yata'a melelete alihi lili'na li'ahabe.

Matiu 20:3

To yege ti olopa nohago bo luga'a hepa'i folagaha'agu fa'mene fuli nehago ai bu enogo'ehina.

Matiu 20:9

To enali yege limi falalube'mu nohigo ete lili'na li'ahana bona'i kohe tete ete mone kina mone kina li'ahana.

Matiu 22:19

Takisi efahi legeya'a mone'a li nelepilo. Ya ligo enali efahi legeya'a mone li emi'ahana.

Matiu 9:37

Ya huloto Yesu koko panana'a ma luto lu epi'ehina: Babu nose'na foyagu uya'i loto mupa ito ninaya ana nose'na li nupa hilana bona'a loe'asi nehabe.

Maki 12:15

Ya nelago, Yesu enali ai'i fi taga hilune'mu enipa nehago kehelito'a ma luto lu epi'ehina: Lenali henabe lite nimi'i nemalabe? Efahi legeya'a mone ite ete nimitogo bu galube.

Luku 1:15

Ai Sipi Bomofihi bu'alo sipi gi'a lilina'mu yabe. To ai bai nagami'ifi to amuya nagami'ifi menalina'mu yabe. Ito'afihi ipa'agu nohinogo Hetofa Sikalafu'uba aitoga bai talina'mu yabe.

Luku 10:35

Koloto etehi efaha'a loemo leka soto noho bomo noemito ma luto lu emi'ehina: Ya'ma bomofihi kaba hu etoto minobo. To efahi bati mehinogomo nani aluna yupahi mone'a hiti kimilunagihe.

Luku 20:24

Efahi legeya'a mone li nelepilo. Kiyi'afihi okaba'a hiti gi'a hiti ya'mana efahi legeya'alo ni'ibe?

2 Timoti 3:15

Kai pana'i lagaso'a minoto guna molose mono bukugu lataha'agu leka solito buto mino'ahata ni'ibe. To ana kagauba kegekesa le'mo hokolo huloto Yesu Kilisito kumu keheli amuya malalane, luto Hu'mau kubuto bilina'amofihi kapogu kelepito kele'mo hetofa higo ka'a akeheli'ahane.

Huto Hilina Ka 6:6

To kene'i amuya moloto minolata loebe loebe nasanamagihi folagaha'anigu bona'magihi nogo'a legitana huto huloto ya'ma luto ligo keheli'ohube: Nose'na masu loebe loebe yanamofihi mina'a moneko kina to kile'mofihi masu'i loebe monebe moneko kina eto eto hu epilo to oliba nogoya'a to bai nagami'i ya'ma li sibina mehilo.