Matiu 20:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Kai efahaka lito hepakaga bubo. Efahi kimi'ohuna suhi luto alihi ete lili'na li'ahana bona'i epilube'mu nohube.

Matiu 20:14 ပူးပေါင်းရင်းမြစ်များ

Yoni 17:2

Kai noto noto bona'magihi afo'anifita noho lifi'ahata bomofita nanitoga enele'mo molo'ahata kai mino kosaba huse'na epilube luto lu'ahatamo ni'ibe.

Luku 15:31

Ya ligo afo'afu ma lu emi'ehibe: Pana'ni. Kai hiti asaga yupahi nohu'ibe. To ana'ina'ni asaga'i kai'naka ni'inagi yege pana'ni nohatagihe.

Romu 3:19

Lali mana keheli'ohune. Bona'i moneuba keya kaloga mege'i nomelenogo ana keya kauba le'malibe. Ya hu'ehigo ana bouba nani lamana bo nohube luto ekesa kehelilina meni'ibe. Ya'ma keya kauba melugu bona'i yege yege'magihi hapa'ani bati mehu'ehina yabe luto enabaga'ani yanauba hekini lo'ehigo Hu'mau kaga'ani loko hilina'mu yabe.

Romu 3:4

O'e, ya huto meni'ibe. Fato fato bona'magi mi'i malalinafi, faga faga lilanaya aku'i Hu'mau ai'asigo ma'naka lulata bo nohinagihe. Mono bukugu Hu'mamofi kumu fayahi ge'ahana: Asaga kagaka fotogo huto ni'ibe. Ya hu'ehinago kai ka foyalo enele'mo ho tilata, kai kagauba enahalube'mu hibe. Enebe ligilina suhi huto ni'ibe.

Matiu 6:16

Lenali mono ka'mu lite nose'na mo site neminetemo fagalo bomagi hilata nehana suhi hite lenokaba li sibina mehilo. Enali enokaba li sibina hilata nehanaya asaga boana'magi bu enegelete nose'na mo si'ahabe lite lu epalalabe lite nehabe. Nani ma'naka luto lu nolepube. Enali ya hilata nehana bona'magi mina'ani ali'ahabe.

Matiu 6:6

To kai nunumu hilube'mu nohutomo legeso huto kose nohakagu tiloto kafeka li hekini loloto Afokafitoga numuna hu emitogo ai fala kito nohinati keheli ketalibe. To ai Afokafu asaga suguna'i ninana bu golata bouba bu kogoloto analo nona'a kimilibe.

Matiu 6:2

To fe'noha'a meni'ise bomofihi ana'ina he'moto emilube'mu nohutomo, kai fagalo bona'magi mono nonugu hila to kapo napagu hila nehana'a huto bona enubugu fi yotili katili ito bula ola mehubo. Ya hilata nehana bona'iya enali boana'magi bu lagalabe lite hilata nehabe. Nani lusiga luto lu nolepube. Enali alihi melilana mina'ani yatai alite neminabe.

Luku 16:25

To Abalahau ma lu emi'ehibe: Pana'ni. Koyapa hapaka beto hubo. Kai koyapa ana'inaka hetofana babu luto ni'igo, kofokehi luto mino'ahata yabe. To Lasalasi ai koyapa kene'i nohuto sibina huto mino'ehina yabe. To yatai ai bati huto nohigo to kai kagabu'i nogigo nominane.

Matiu 20:13

Enali ya lite lago enali kagalo nona'a foya afo'afu ma luto enali folagaha'anigu mone nohina bomofihi lu emi'ehina: Nalaluo, nani kele'mo negi noto faga melu keto'ohube. Kaga lutofi mone kinalo lili'na lilabe lugo komopati monetoga yata'a melelete alihi lili'na li'ahabe.

Matiu 20:15

To hena hu'ehibe? Ya'mana nani'ni efaha'niloti ana'ina mone li huto hilube lilunaba bati mehilina ni'ifi? Nani hetofa suhi nohu ketonamo ya'mana hapa'nimu luto nani'i kipakafa nonahafihe? Ya luto foyamofihi afo'afu lu'ehina fono ka yabe.