Matiu 20:1 - Ka Lamana'a Monoꞌi Lu Mu Tifiꞌehina Ka Yabe

¹ Kokulumamofihi kapo'aya bo mone'mofihi sipi foya'a ni'ina suhi luto ni'ibe. Ya hu'ehigo ai mone etehi folugu'i heleko limito buto bai nagami lolo hilina nose'na foya'agu kifi'na li etalana pana'i noenele'mabe.

Matiu 20:1 ပူးပေါင်းရင်းမြစ်များ

Matiu 13:24

Yesu bame ka mone fato'i ma luto lu epi'ehina: Bo moneuba nose'na legeya'a bati'a foya'agu tili nohina'a huto Hu'mamofihi kapo'aya ni'ibe.

Matiu 13:31

Yesu fato bame ka mone ma luto lu epi'ehina: Kokulumamofihi kapo'aya nose'na legeya'amofihi suhi luto ni'ibe. To ana nose'na legeya'a masiteti yabe lite lilata nehabe. Ana nose'na legeya'a bo moneuba lito foya'agu nokafabe.

Matiu 13:33

Yesu fato bame ka mone lu epi'ehina: Kokulumamofihi kapo'aya yisiti yabe nelananamofihi suhi luto ni'ibe. A'i moneuba lito fala'ua magulu sipi'agu li tili hu mololoto li meyalo emalo huto li sibi sibi hulata nohibe. Ya nohigo aliha'a ana fala'ua'i yeye bito hofa tolata nohibe. Ya'ma kokulumamofihi kapo'a ana suhi huto huto hilibe.

Matiu 13:47

Ana huto kokuluma kapoya faya gutalafa melelete faya'i fato fato'mofihi tite bai netana'a huto ni'ibe.

Matiu 20:2

Ai enali luga'a lili'nalo pana'i hiti kaga lilete mone kina mone kina yatai lilana lili'nalo lilana'mu yabe lina kaga komopa'ani monetoga nemalabe. Ya luto lu epoloto ai bai naga'i nose'na foya'agu enoho lifigo bite lili'na lilune'mu nebabe.

Matiu 21:28

Ya hu'ehina ma kaga lenali hena hibe lite lenekesa nekehelibe? Bo mone'mofihi pana'a loemo mine'aha'ina yabe. Mone yupahi pana'a yege'a nohinaga buloto ma luto kaga lu emi'ehina: Pana'ni, kai yatai foyagu buto lili'na libo.

Matiu 22:2

Kokulumamofihi kapo'aya gihiti bo mone'mofihi hapa'a legita huto ni'ibe. Gihiti bomofihi pana'auba liha'a li'ehigo afo'afu sipi nose'na laita hu'ehina yabe.

Matiu 23:37

Hege, Yelusale bona'ise. Kaga lu yege hose bo kai enoho fililata hane, to Hu'ma lili'nalo bo kai kumu luto enoho lifigo limina kai efa kosatu enoho nofiline. Babu yupahi yagapanaka nani enele'mo nupa hilube'mu hulata nohube. To nala kokoleuba yagapana'a koketapa'aluga enele'mo nupa nohina suhi luto lenele'mo nupa hilube'mu nohunamo lenali melepesibe.

Matiu 25:1

Yesu kaga luloto bame ka mone lu epi'ehina: Ya'mana yupahi kokulumamofihi kapo nayahi luga luga su hago nehana yafana'magihi suhi hilina'mu yabe. Bo mone liha'a hiti etayanugu lilu'ibe'mu hilina bo alube'mu hilibe. Ya nohinogo enali ya'mana yafana'magi lamu libi'ani li gilete kapoga bite sa sa hite le'moto alune lite yabe.

Matiu 25:14

Bo moneuba hepa'a he'miloto foto hepatoga bonohi bilube'mu hilina suhi huto kokulumamofihi kapo'a minalina'mu yabe. Ai lili'na pana'a kehe i nupa huloto ai enali enayanugu fe'noha'a molo'ehina.

Matiu 3:2

Komopatini i gelehe hite foipanatini he'mi su halo lu'ehina. Hu'mamofihi kokulumalugu kapo'a hokolo hilina kana'a epi'ehina.

Maki 13:34

Ma huto anana huto hilibe. Bo moneuba hepato he'mito fatoga bilube'mu nohuto'a lili'na bona'magihi lili'na'ani'mu lu epito to bihu kasito minoto kaba nohina bomofihi lu emilina: Kaba huto minobo, luto bufa hilibe. Ya suhi lenali ana hite kaba hite minalo.

Yoni 15:1

Yesu molo emito ma luto lu epi'ehina: Nani ya'ma bai naga'i hapa'a lamana'a nohube. To Afo'nifu bai naga'i foya afo'afu nohibe.

1 Koliti 15:58

Ya hu'ehina'mu nalalu'nigita, lenali amuya melete ho ti kibi kibi hite ule'ale hite minalo. Ya nehite Sipi Bomofihi foyagu kana'amu kana'amu amuya melete lelite bilabe. Sipi Bomofi kumu yabe lite foya'a lelite binogo buto fa'menena lolo mehilibe lite nekehelite lilo.

Hibulu 13:21

ai'a ya'ma nasana lamana'a fato fato'mofihi li huto hu lepito lenele'mo babahi hulenogo ai lilina'a malalina'a keheliya ilabe luto nolube. Ya nehinogo ai'a kehelinogo bu go laga huse nasana Yesu Kilisitohi amuya'auba komopatinigu mineno. To ai fana mehena'a huto hilenogo foke ka lelite binogo mino lito buto minalinamo ni'ibe. Lama'naka.