Matiu 2:4 - Ka Lamana'a Monoꞌi Lu Mu Tifiꞌehina Ka Yabe

⁴ Helotiu asaga keya ka tisa bona'i to mono noto kaba bona'i kehe i nupa iloto ma luto enoloka ho'ehina: Mesia hiya'alo huto nohilina ni'ibe?

Matiu 2:4 ပူးပေါင်းရင်းမြစ်များ

Matiu 13:52

Ya lago Yesu lu epi'ehina: Ya hu'ehigo asaga keya kaga enelepise bona'i enali kokulumamofihi kapo'alo kaga'mu enelepise lite akeheli su he'ahabe. Enali sipi nohi mone'mofihi afo'a legi hite nehabe. Ai situa noha'agu tiloto yuhufana hiti tafana hiti li munu munu huto lito fegutoga limilata nohina suhi lite nehabe.

Matiu 2:3

Sipi bo Heloti ya'mana kaga keheliloto topa holoto lesa'a noligo ana huto asaga Yelusale boana'i enelesa lu baga i'ehina yabe.

Matiu 2:5

Enali lu emi'ahana: Betelehe hepato Yutia melugu yabe. Lu huto huto bouba ya luto fayanugu go molo'ehina yabe:

Matiu 21:15

Ya huto Yesu hetofana li huto nohina'mu lite yagapana'i mono nonugu nehanamagi sipi kehe ilete: Tebitihi Pana'a yege filo li'ahana, ya nelago mono bo hiti to keya kamofihi tisa bo hiti enali bu gelete enitaluga logo bi'ehina yabe.

Matiu 21:23

Yesu mono nonuga aku'i oto tito minoto boana'i kaga enelepito mino'ehina. Ya nohigo enali mono bo hiti to Isilaeli hepato enikibina bo hiti enali Yesutoga elete ma lite loka he'ahana: Hiya'agati lito o'ahata suhi li huto nohane? Ya'mana suhi kuyu'afu kelepi'ehina suhi nohane?

Matiu 26:3

Ya'ma kana'alo sipi mono nohi kaba bona'i hiti to Isilaeli enikibina bona'i hiti sipi mono bo Kaiyafasihi nonugu li nupa hite mine'ahana.

Matiu 26:47

Yesu kaga luto nohigo Yutasiu 12 Yesuhi koko pana'a mino'ehinauba Yesu nohinalo neheti'ehina. Ya nohigo babu bona'i mege'i melete yanamagi emita'i yatamana nelite osahi ko nefite bululu hite e'ahana. Ya'mana bona'i enali sipi mono bona'i hiti to soga bona'magi enoho lifigo e'ahana yabe.

Matiu 27:1

Go'i noligo asaga sipi mono bo hiti to Isilaeli bo olopa'a hiti li nupa hilete Yesuhi ho fililana kaga lu keheli fa keheli hi'ahana.

Matiu 7:29

Yesu ai bona'magi keya ka enelepilata nehana'a huto melu'ehina yabe. Ai amuyana'ani nina bomagi kaga lilata nehana suhi huto kaga'a lu epina'mu enali boana'i keheli mehe'mi'ahana yabe.

Maki 8:31

To yalo, kaga lu noepito ma lu'ehibe: Nani Kokulumaguti limi'ohuna Bomofita alihi kalana'i mele netete to baga'a hiti'na nugupisalo tinogo kofilube. To enali olopa mono bona'magi hiti sipi mono'i kaba bomagi hiti to mono ka negana bona'magi hiti enemegesa hi nimilete nahalabe. To malipu yafalo noho fililenogo'ni loeyagi moneyagi yegegu keligu minoloto'ni yalo fili'ohunaguti gololo tuto ho tito minalube.

Luku 20:19

Ana yupahi keya ka babafi bo to sipi mono noto kaba enali kumu luto Yesu bame ka ligo enali keheli sibina hilete Yesuhi ana hepato naga'i emilune'mu hana babu boana'magi mege'i nemalago koli he'ahana yabe.

Luku 23:10

Enali sipi monoto bona'i to keya kagalo keheli bati hi'ahana bona'i enali Yesuhi meha'asilo nehite kaga amuya melete lilete ka foya li ete'ahana.

Yoni 18:3

Ya huto kehelito ai sipi mono noto kaba bona'magi to Felosi bona'magi enali gimi bona'i luga'a to mono noto lili'na bona'i luga'a hiti enoho lifigo Yutasiu enele'moto bu'ehina. Enali emita'i lite to kunufa libi'mo hiti lamu hiti ligi besa lelite kapogu melete foyalo bilana'mu yabe.

Yoni 3:10

Ya luto loka hago Yesu lu emi'ehina: Kai Isilaeli bona'magi babafi'animo nohataya mana kaga keheli hokolo mehane.

Yoni 7:32

Yesu kumu luga'a bona'magi ya lite musi musi ka lana'a Felosi bomagi akeheli'ahana. Ya hilete enali'ani hiti babafi bo hiti bite gimi bomagi Yesuhi naga ilabe, lite enoho lifi'ahana.

Yoni 8:3

Ya nohigo kaga enelepilata nehana bo yagi to Felosi bo yagi hite enali a'i moneuba fato bo hiti ko'ehina le'mete nehetite ete asaga bona'magi enubu folagato le'mo ho ti'ahana yabe.

Aposolo 23:9

Enali akehelilete kehe kehe inanauba sipi higo kenasabo bigo keya ka enelepise bo Felosi nagaluguti luga'a ho tilete ka epekite ma lite li'ahana: Lali ma bouba ana'ina mone li sibina hu'ehinamofihi kaga hapa'a mekehelune.

Aposolo 4:5

Yago eteha'a kaba bo'ani hiti babafi bona'i hiti to keya kaga lu neepina bo hiti enali asaga'i Yelusale li gehesa hi'ahana.

Aposolo 6:12

Enali ya lite lana kagauba asaga boana'i to keya ka enelepilata bo hiti to olopa napa bo enali enipaluga lu boyogo fi'ahana. Ya hago enali Sitifenitoga bite yato lite le'mete bite mono kanisole bona'magitoga le'mete bi'ahana.