Matiu 2:2 - Ka Lamana'a Monoꞌi Lu Mu Tifiꞌehina Ka Yabe

² To enali ma lite enoloka he'ahana: Yuhufa pana'i huto hu'ehina ai Yuta bona'magi sipi bo'ani lolo hilina hiya'a nohibe? Ai sonofi'a yege notinagati ti'ehigo bu golototi lali fokehi halune luto noone lite li'ahana yabe.

Matiu 2:2 ပူးပေါင်းရင်းမြစ်များ

Matiu 2:3

Sipi bo Heloti ya'mana kaga keheliloto topa holoto lesa'a noligo ana huto asaga Yelusale boana'i enelesa lu baga i'ehina yabe.

Matiu 21:5

Lenali Yelusale hepatoga neminana bona'i ma lite lu epilo: Bu galo, lenalitoga kibina botini noabe. Ai koyone bo, ai toki yaga gupisalo minoto noabe. Ai toki yaga ikele'amofihi gupisalo minoto noabe.

Matiu 27:11

Enali Yesuhi sipi Lomu gamani bomofihi bulo le'mo ho tigo ma luto loka ho'ehina: Kai Yuta bona'magi sipi gihiti bo'ani nohapihe? Ya luto loka hago Yesu lu'ehina: Kaika alu huto nohane.

Luku 19:38

Hu'ma ai Sipi Bomofihi gi'alo o'ehina bo lusa gi etoto amuya emilina'mu nohigo lali gi'a li saga hilune. Hu'mamofihi komopa'aguti ma bona'magitaloga bati hulata nohibe. Ifo muya Sipi Boti Hu'mamofihi gi'a liyafa hilune, li'ahana yabe.

Luku 2:11

Yatai sininugu Tebitihi hepalugu a'i moneuba pana'i mone keto'ehibe. Ai ya'mana bouba lali'i lele'mo kosaba huto lenubuto bilina'mu yabe. Ai sipi bo Yesu Kilisito yabe.

Luku 23:3

Ya lago Pailatiu Yesuhi loka ho'ehina: Kai ma'naka luto Mesiaga Yuta bona'magi gihiti bo'ani nohapihe? Ya ligo Yesu Pailatihi ka'alo nona'a lu emito lu'ehina: Kaika alu huto nohane.

Luku 23:38

To fayahi mone ifo lataha'alo gete mele'ahanamofihi ka'a ma luto mino'ehina: Ma Bo Ai Yuta Bona'magi Gihiti Bo'ani Yabe.

Yoni 1:49

Ya luto lu emigo Filipiu lu'ehina: Tisao, kai Hu'mamofihi pana'a nohane. Kai Isilaeli meto gihiti bomo nohane.

Yoni 12:13

Ya kehelilete yafa haya'a i gofa hete mone olopa kapo nekisa'alo melete to mone yafa haya'amo lite bite fo tula helete enegelo bi'ahana: Oho, Hu'mamofitoga fokehi li emilo. Hu'mamofihi bo noananamofihi gi'a liyafa hilo. Hu'mao, kai Isilaeli gihiti bomofihi lusa gi etobo, lite hekele li'ahana.

Yoni 18:37

Ya ligo Pailatiu loka ho'ehina: Kai kigihiti bo nohane ya hifi? luto ligo Yesu lu'ehina: O'yo, kigihiti bo nohane luto lusiga nolane. To ito'nifu neketo'ehina'mu to huto hu'ohuna'mu ma melugu ka lamana'amu ya'ma lu yege haluta ya'ma nasana'muko o'ohunagi kehelilabe. To bona'i ka lamana'alo mege'i melete nehanamagi nani kaga'ni lu epise'namofihi akehelilata nehabe.

Yoni 19:19

Ya hi'ahago Pailatiu mone keya'a lolo huto ma fayahi koyo'ehina: Yesu Nasalete Bo Yuta Bona'magihi Enigihiti Bo Yabe. Ana fayahi koyo'ehinana yafa lataha'alo ifoga mele'ahana.

Yoni 20:28

Ya ligo Tomasiu lu emi'ehina: Oho, Sipi Bo'ni yale. Kai Hu'ma'niga nohane, lu'ehina.

Yoni 5:23

To asaga bona'magi afo'afitoga enegelo bi emite gi'a li saga nehana'a hite Pana'amofihi ana hilabe. To mone kene'uba Pana'a agoya hu meemilina, ho lifi'ehina afo'afihi agoya hu meemilina'mu yabe.

Yoni 9:38

Ya noligo ai Yesuhi lu emi'ehina: Sipi Bo'nimaka. Nani kaitoga keheli ule'ale nohube, luto gigusagu golaga fito ko'ehina.

Hibulu 1:6

Mone ya'ma minoto kohe toto pana'a ho lifinogo melugu limilube'mu nohigo pana'amofihi kaga'a ma luto lu'ehina: Hu'mamofihi agelo bona'a enali asaga'i lipi emite foke ka li emilabe.

Huto Hilina Ka 22:16

Nani Yesuita ya'ma agelo'ni ho lifinogo ai ya'ma bona'ni li gehesamu li gehesamu lenali'i ya'ma kaga'a lu yege hoto lu lepilibe. Nani ya'ma Tebitihi tata'agihi to ai'a naga'i nohube. To go'i lilube'mu nohigo sonofi'i ofu'yahi fana meha'a nohube luto lu'ehina.