Matiu 2:13 - Ka Lamana'a Monoꞌi Lu Mu Tifiꞌehina Ka Yabe

¹³ Enali abilago Hu'mamofihi agelo'auba Yosefehi bamu'i hu bulo mololoto ma lu emi'ehina: Ho tito pana'i hiti ito'afi hiti etele'moto koli huto Iyipi melugu buto nohitogo alihi nani lu kiminogo'ni alane. Helotiu pana kumu sa huto halina'mu yabe.

Matiu 2:13 ပူးပေါင်းရင်းမြစ်များ

Matiu 1:20

Ai Yosefeu Maliahi suguna'i he'mi etalina ekesa yigiba yigiba huto nohigo bamulugu agelouba bulo huloto ma luto lu emi'ehina: Yosefeo, Abalahahi tata'aga, kai Maliahi lihaka le'mo lolo hilatana'mu koli mehubo. Ai Sikalafu'uba Maliahi yagapana'i emi'ehibe.

Matiu 10:23

To mone hepatoti lenehenogomo lenali ana hepa'i he'mite hololu lite fato hepatoga bilo. Nani ma'naka luto lu nolepube. Lenali asaga Isilaeli hepalugu bite lili'na li baga mei'ehinogo nani aku'i aluna'mu yabe, luto Yesu lu epi'ehina yabe.

Matiu 2:12

To bamulugu Hu'mau hu enubulo mololoto Heloti nohinaga mebilo luto lu epigo enali fato kapoga bite hepa'aniga neheti'ahana yabe.

Matiu 2:14

Ya ligo ana folugu'i Yosefeu ho tiloto ana pana'i ito'afi hiti etele'moloto Iyipitoga bi'ahana.

Matiu 2:16

Yege notinagati Yesuhi bu galune'mu ana bona'i enali Helotihi ya hite mi'i malana akeheliloto italuga logo bi'ehina. Ya higo ai bona'i luga'a enoho lifigo Betelehe hepato hiti to hepa'i luga'a ana lebato ninalo hiti asaga pana'i kufu'ani loemo bu'ehinafi to yuhufa huto nehana asaga'i enoho fili su he'ahana. To ai yege notinagati ana bomagihi enoloka nohago lu emina kaga ekesa yigiloto yabe.

Matiu 2:22

Ya hu'ehina Akeleasiu afo'afihi Helotihi nona'a Yutia bona'magihi kaba bo'ani nohibe lana Yosefeu koli huto Hu'mau bamulugu kaga mone hiti lu emigo keheli'ehina. Ya huloto ai ana hepa he'mito Galili kegi'a bu molo'ehina yabe.

Aposolo 10:22

Ya ligo enali lu emi'ahana: Koniliasiu sipi gimi bouba loho lifigo o'ohune. Ai Hu'mamofitoga komopa'a emito nominago Yuta bona'magi koyone hine emina bo yabe. Kai kaga lu emitogo kehelilibe luto Hu'mamofihi agelo'a moneuba Koniliasihi nonuga bilane luto kehe igo noone.

Aposolo 10:7

Agelouba ya luto lu emiloto i fenene hu'ehina. Ya hulago Koniliasiu koko pana'a hiti gimi bo mone hiti kehe i'ehina. Ya'ma gimi bouba Koniliasi hiti moneka humofa'na nohuto ai mono ka mege'i nomalana bo yabe.

Aposolo 12:11

Ya higo Pitahi huto hu etananalo ekesa i hokolo hu'ehina. Ya higo ma luto keheli'ehina: Ma'naka luto Sipi Bouba agelo'a ho lifigo oto Helotiu amuya malago to Yuta bona'magi hiti enali nahalune'mu nehanamagi enayanuguti nele'mo gulu fabe.

Aposolo 12:7

Ya hago ana folugu'i agelo bo moneuba Pitau nohina naga nohi hasagu huto higo fana meha'auba i besalo baga i'ehina. Ya huloto ana agelouba Pitahi gi'na'alo le'mo kule kule huto le'mo ho tiloto lu emi'ehina: Kai mele'isi ho tibo. Ya noligo ana'asilo gi yato gi'ahana seni naga'i gulu hoto melugu limo i'ehina yabe.

Aposolo 16:36

Ya lago naga noto kasito kaba hulata bouba ana kaga buto ma luto Poluhi lu emi'ehina: Lomu gamani bona'magi kai hiti Silasi hiti nagaluguti gulu hete biliyo lite gimi bomagitoga kaga malago lite e'ahana. Ya lanagi letali letipagu fulu hinogo biliyo luto lu etimi'ehina.

Aposolo 5:19

Ya hilago ana folugu'i Sipi Bomofihi agelo'auba naga gegisa li hokolo huloto aposolo bona'i enele'mo fegu toloto ma luto lu epi'ehina:

Aposolo 7:19

Ya'ma kibina bouba ai bonati enele'mo bati mehu'ehina yabe. Ai bati mehina suhi tatatigitoga li huto huloto fitu fo epoloto amuya kaga ma luto lu epi'ehina: Yagapanatini nonugati he'mite fegutoga enele'mo melenogo enali fililabe.

Huto Hilina Ka 12:14

To a'uba ai nama lupahi sipimofihi koke'na'a loemo li molo ete'ahago foto'i heloto buto kame meto minoto lito hu'ehinaga hagulu osifa'i melilibe luto fala ki'ehina. Ana kegi'a he'mete nehinogo kufu loebe monebe to mone nekisa'a kana su halina'mu mino'ehina yabe.

Huto Hilina Ka 12:4

Ya nohigo ya nasanauba kokulumatoga tito nohuto kasa'atu sonofi'i ya'ma fi loko huto loebe monebe huto li tifi he'mi he'mi higo li gehesa mone ya'ma metoga limi'ehina. To hagulu osifa'i ai ya huloto a'uba pana'i neketenogo hoto nalube luto buto maha'aga ho tito mino'ehina.

Huto Hilina Ka 12:6

To a'i ai ya'ma koli huto buto ka metoga ikahi 42 li he'mito he'malabe luto Hu'mau le'mo bati hu'ehina hepato buto minago kaba hi etalune'mu habe.