Matiu 2:11 - Ka Lamana'a Monoꞌi Lu Mu Tifiꞌehina Ka Yabe

¹¹ Enali ana nonuga tilete ana pana'i ito'afihi Malia hiti neha'igo enali enalapusa fi emilete mono ka li etete hilete sisaku gu'aniguti hetofa hatofana hefite emi'ahana.

Matiu 2:11 ပူးပေါင်းရင်းမြစ်များ

Matiu 1:18

Yesu huto hu'ehinamofihi kaga'a ma huto ni'ibe. Ai ito'afu Malia, ai Yosefe hiti li alobole hilu'ibe lite kehelite mine'aha'ina. Ya hu'ehina etali li alobole hite yafi gofa hete etayanugu meli'aha'inamo Maliau molo kehelina Sikalafu'uba ailugu minago yagapana'i ketalube'mu hu'ehina yabe.

Matiu 12:46

Yesu babu boana'i kaga lu epito nohigo ito'afi hiti gona'a hiti aitoga e'ahana. Bona'magi Yesuhi le'mo bego hi'ahago enali enemegesaga nehite Yesuhi kaga lu emilune'mu nohune lite bona'i enoloka he'ahana yabe.

Matiu 14:33

To bona'i enali botigu minanamagi Yesuhi fokehi helete ma lite li'ahana: Ma'naka luto kai Hu'mamofihi Pana'a nohane.

Matiu 2:10

Enali sonofi'i bu gelete komopa bati higo sipi enegelo bi'ahana yabe.

Matiu 2:2

To enali ma lite enoloka he'ahana: Yuhufa pana'i huto hu'ehina ai Yuta bona'magi sipi bo'ani lolo hilina hiya'a nohibe? Ai sonofi'a yege notinagati ti'ehigo bu golototi lali fokehi halune luto noone lite li'ahana yabe.

Luku 2:16

To enali ho tite hololu lite bite Malianogo Yosefenogo neha'inalo henetite bu gelete to pana'i bulumaka nose'na sepeke'nagu ko'ehigo bu ge'ahana.

Luku 2:38

To yana kana'agu ai enali nehanalo henetito'a Hu'mamofihi fokehi ho'ehina. To ai ya'mana pana'mofihi huto hu'ehina kaga'a asaga bona'i Hu'ma kumu'i Yelusale hepa'i oto aku'i lilina'mu geba hi'ahana bona'i lu epi'ehina: Ma pana'uba lali hepati, Yelusale ya'ma le'mo bati hilina'mu yabe.

Yoni 19:39

To bo mone hiti, gi'a Nikotimasi ai koyapa'i mone folugu'i buto kaga li'aha'ina yana bouba tu kifina fato fato'i gi'a mea to aloe yabe ya'ma babu li loloba huto yanamofihi lito buto Yosefeu hiti malipulo bi'aha'ina.

Huto Hilina Ka 19:10

Ya luto lu nimigo nalapusa fito lipi emilube luto nohugo o'e noluto ma luto lu'ehina: Ya melubo. Nani kele kele bo kalalukafita kigiboka Yesu lu hokolo hu'ehina ka'a li pili kete lilata nehana bo enali enalalu'anifita nohube. Kai Hu'mamofihi aigo ya'ma lipi emilane, luto lu'ehina. Yesu lu hokolo hu'ehina kauba mono ka leli'ali bona'i enele'mo babahi higo mono ka lilata hi'ahanamo ni'ibe luto lu'ehina.

Huto Hilina Ka 5:8

Kelebe gi'ahana pepamo noligo amuya moloto minolata kene'i loebe loebe to olopa kaba bona'i luga'a 24 sipisipi nala'amofihi maha'aluga bite lipi emi'ahana. Ya hilete enali nama lilibe lite ilata nasana napa gita legitana ya'ma li'ehite to lape'i mone ya'ma golitu lolo hi'ahana hiti eto eto hite lite mine'ahana. Tu'a hiti mafeleke mamufa gilata nehana lapelugu bai toto ni'ito yanauba mono bona'magihi Hu'mamofitoga nunumu lilata nehanamofihi babeyafa suhi huto ni'ibe.