Matiu 19:5 - Ka Lamana'a Monoꞌi Lu Mu Tifiꞌehina Ka Yabe

⁵ Ya lolo hu'ehinagi bouba ito'afihi afo'afihi noha'atitiguti he'mito liha'a le'moto bigo etali nupa hite minete moneko bona'i minala'ibe.

Matiu 19:5 ပူးပေါင်းရင်းမြစ်များ

Matiu 19:6

Etali loe bona'i meminese hite'atiti moneko bona'i nemina'ina yabe. Hu'mau etele'mo moneko hu'ehina alobole lenali bona'magita loko mehi etatalo.

Romu 12:9

Lenali leniginaga fise'namu fato bona'mofihi leniginaga fi emite lusiga lite komopatini emilo. Foipa faipa huse'namofihi hapa'a lagati melebesibe lite lenemegesa hu emilo. Ya hite, asaga lamana huse'namofihi li pili kete mineme bite minalo.

1 Koliti 6:16

Lenali ya lite menekehelifihe? Bo moneuba mokolo a'i moneto i kelelenogo etali etugufa'atiti le'mo moneko hilete minala'ina yamofihi mono bukugu fayaha kaga mone ma luto ni'inamo ni'ibe: Etali loemale'ititihi etugufa'atiti moneko lolo hulenogo hepite minala'ibe.

1 Koliti 7:2

To ya hu'ehinaya kaga mone ni'igi kehelilo, moko lise'nauba enimi'i mololatana nasana babu luto ni'inago ya nasanauba enemeto enemeto hite, lenali ana'i lilete lihatini hiti minalana yamofihi bati huto ni'ibe. To ana'i enali ana hite bahatinilo bite bahatini hiti minalanamofihi bati huto ni'ibe.

1 Koliti 7:4

A'i, kai kugufakamofihi kaga'a kaitogati meni'ibe. Bahakamofihi nasana ni'ibe. To bomaka kai kugufakamofihi ka'a ya'ma kai'na meni'ibe. Lihakamofihi nasana ni'ibe.

Efeso 5:31

Ya hu'ehina'mu mono bukugu ka mone ma luto ni'ibe: Bo moneuba ito'afinogo afo'afinogo he'mi etotoloto liha'amofitoga buto i ke'moto etali'atiti etugufa'atiti keheli emite minete moneko'na lolo hite minala'ibe.