Matiu 18:9 - Ka Lamana'a Monoꞌi Lu Mu Tifiꞌehina Ka Yabe

⁹ To kubukauba foipana li huto nohinogomo kai li kutu hoto he'milago bubo. To mone kegi'a kubusigo ni'inogo minoba minoba hepatoga bilata bati huto ni'ibe. To kubuka luga luga bati huto ni'inogo nohuto logo loba loba huto mesobose hepato bilata bati mehu'ehibe. Ya luto Yesu koko pana'a lu epi'ehina yabe.

Matiu 18:9 ပူးပေါင်းရင်းမြစ်များ

Matiu 16:26

To bo moneuba ma melugu asaga fe'nohi ninana lilube luto lilinaya to ai'a meha'a minigilibe. Ya hinogo asaga fe'nohanauba hena huto li buto bito he'malina ni'ibe? To bouba hena mina'a he'mito meha'a aku'i lilina ni'ibe?

Matiu 18:8

To kigi kayahakauba foipana li huto nohinogomo kai laga huto he'milago bubo. To kayahi mone kegi'a hiti kigigusa mone kegi'a hitigo minolenogo bati huto minoba minoba hepato bilata'mu yabe. To kigi kayahi luga luga hiti ni'inogo nohuto logo loba loba huto mesobose hepatoga bilata bati mehu'ehibe.

Matiu 19:17

Ya ligo Yesu lu emi'ehina: Hena hibe luto hetofanamu noloka nohane? Moneko kene'isi nohina Hu'ma aisigo bati hu'ehibe. To kai minoba hepa'i lilube lutomo keya ka li pili koloto mege'i molobo.

Matiu 5:22

Ya hu'ehina yatai aku nani lu nolepube. Bo moneuba gona'a ipakafa halina ai ka foya lilina'mu yabe. To bo moneuba gona'amofihi kaiya fa'mene bati mehina bo nohane luto ka emekilina kanisole bolo ho tito ka foya lilina'mu yabe. To bo moneuba gona'amofihi negi nagi noto bati mehu'ahata bo nohane luto ka emekilina aiya loba loba logo kapogu bilina'mu yabe luto Yesu lu epi'ehina yabe.

Matiu 5:29

To lamagakaga kubukauba ligo foipana nohutomo li kutu hoto he'milago bubo. Kugufaka luga kegi'a fenene hinogo nohuto minoba minoba kapogu bilata bati huto yabe. To kugufaka asaga'i ni'inogo nohuto logo kapogu bilata ya bati mehu'ehibe.

Maki 9:47

To kubuloti foipana huse bo nohapi, ana kubu li buyu hu he'mibo. Kubuka luga luga hiti nohuto logo mesobose hepatoga bilata bati mehu'ehibe. To kubuka mone kegi'a meni'inogo Hu'mamofihi kapogu tito minoba minoba hilata, ya bati huto ni'ibe.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

Hibulu 4:11

To lalitogati moneuba amuya memolose foipana nasanamofi kumu luto bona'i koyapa'i ka'a pelesa ite Hu'mamofihi minoba minobanamofihi hepatoga mebilune'mu enipakafa enehese kapolo bi'ahanamo analo'i bu lalunigi minoba minoba hepatoga bilune luto amuya malalune.

Huto Hilina Ka 21:27

Kolo tanana mone ya'ma anagu tito mefalalina'mu yabe. To bona'i mone'amagi enubuya nohina nasana mone lilana to faga faga lite nehilana'a enali ana hepalugu tite meminalana'mu yabe. Enigi'ani Hu'mamofihi sipisipi nala'auba bati hi'ahana'a minoba minoba hise bona'magihi enigi'ani bukugu koyo molo'ehina bona'i enali'anisigo bite henetilana'mu yabe.