Matiu 18:3 - Ka Lamana'a Monoꞌi Lu Mu Tifiꞌehina Ka Yabe

³ Ya huloto ma luto lu epi'ehina: Nani ma'naka luto lu nolepube. Lenali komopatini i gelehe hilete pana'i lagaso'a legi mehilana lenali kokuluma kapo'alo mebilana'mu yabe. Ma'naka luto lu nolepube.

Matiu 18:3 ပူးပေါင်းရင်းမြစ်များ

Matiu 13:15

Ma bona'magihi komopa'ani hekini loto ni'ibe, ya hu'ehigo enekesa'aniuba kaga kehelilina'mu kosele'i aho'ehibe. To enali enekesa'ani negi no su ho'ehibe. Ya hu'ehigo enubu'aniuba ana'ina bu megalina'mu yabe, to enekesa'aniuba kaga mekehelilina'mu yabe, to lataha'aniguti kaga mana'a keheli fe melilana'mu yabe. To enali nanitoga lele'mo bati hilibe lite i behe hite enogo nani enele'mo bati hiluna'mu yabe, luto Hu'mau lu'ehina yabe.

Matiu 18:2

Ya lite loka hago Yesu pana'i lagaso'a mone kehe igo ago folagaha'anigu le'mo ho ti'ehina.

Matiu 18:4

To bo moneuba mino laba huto minoloto ma lagaso pana suhi huto minalina, ya'mana bouba luga'a bo enohoto kokuluma kapolo minalina'mu yabe.

Matiu 19:14

Yesu lu'ehina: Lenali yagapana'i he'mi epelenogo nanitoga eno. Lenali enele'mo memalalo. Kokuluma kapoya yagapana ya'ma'asimagihina ni'ibe.

Matiu 19:23

To Yesu koko pana'a ma luto lu epi'ehina: Nani ma'naka luto lu nolepube. Fe'noha'a hiti bouba ai kokuluma kapo'alo tilinaya aitoga sipi keta hu etalina'mu yabe.

Matiu 5:18

Ule'ale huto lusiga ma'naka luto nani lu nolepube, asaga'na ma me'i hiti kokuluma hiti su hoto bilinaya Hu'mamofihi keya ka'a kitili kitili'na su hoto mebilina analo minoba minoba hilina'mu yabe.

Matiu 5:20

Ya hu'ehina nani lenekesa nobube. Lenali Hu'mamofihi laga besina suhi hite hetofanaguti minalanauba Felosi bona'i hiti to keya kaga enelepise bona'magihi hapa'ani enebe liginogoko lenali kokuluma kapolo nehetilana'mu yabe luto Yesu lu epi'ehina yabe.

Matiu 6:16

Lenali mono ka'mu lite nose'na mo site neminetemo fagalo bomagi hilata nehana suhi hite lenokaba li sibina mehilo. Enali enokaba li sibina hilata nehanaya asaga boana'magi bu enegelete nose'na mo si'ahabe lite lu epalalabe lite nehabe. Nani ma'naka luto lu nolepube. Enali ya hilata nehana bona'magi mina'ani ali'ahabe.

Matiu 6:2

To fe'noha'a meni'ise bomofihi ana'ina he'moto emilube'mu nohutomo, kai fagalo bona'magi mono nonugu hila to kapo napagu hila nehana'a huto bona enubugu fi yotili katili ito bula ola mehubo. Ya hilata nehana bona'iya enali boana'magi bu lagalabe lite hilata nehabe. Nani lusiga luto lu nolepube. Enali alihi melilana mina'ani yatai alite neminabe.

Matiu 6:5

Kai nunumu hilube'mu nohutomo fagalo bomagi hilata nehana suhi kai mehubo. Enali mono nonugu ho tite nehite nunumu lilata nehabe, to hepalugu sipi kapo i loe lae hu'ehinalo bite bona enubugu nehite nunumu hilata nehabe. Nani lusiga luto lu nolepube. Enali mina'ani ali'ahabe.

Maki 4:12

Enali bu geba bu geba nehite bu megalabe. To keheliba keheliba nehite mekehelilabe. Enali kehelitita komopa'ani i gelehe hinogo Hu'mau foipana'ani li he'mitita'mu yabe. To enali mekehelilabe luto fono kalugu lu noepube, Yesu ya lu'ehina yabe.

Luku 13:24

Lenali felisatini li amuya melete minalana Hu'mamofihi hepatoga bilana kapogu kitili'a folo hokolo hite bilana'mu yabe. Nani lu nolepube. Asaga bona'i ana hite ana kapogu folo hokolo hite tilune'mu hilanaya folo hokolo hite metilana'mu yabe.

Luku 22:32

Ya hu'ehina nani afo'nifihi loka hoto kaitoga kehe'malibe luto ahu'ohube to kai nanitoga komopaka moloto nominatana mehe'mibo. To alihi komopaka i gelehe huto olotomo yalo kaikago'i kai to kogonakamagihi enele'mo amuya molobo.

Yoni 1:51

To Yesu ma luto lu epi'ehina: Nani ma'naka luto lu nolepube, kokuluma'i hokolo nohinogo Hu'mamofihi agelo'amagi Kokulumaguti limi'ehina Bomofilo tila limila nehinogo lenali bu galana'mu yabe.

Yoni 3:3

Ya ligo Yesu lu'ehina: Nani ma'naka luto lu nokumube. Kene'i moneuba Hu'mamofihi Kapo'a bu megalina ai ito'afu aku'i keto kosaba hu tegi hilinaubago yabe.

Yoni 3:5

Ya luto ligo Yesu ka'alo nona'a lu'ehina: Nani ma'naka lusiga luto lu nokumube. Kene'i moneuba Hu'mamofihi Kapo'a bu galube linogomo ai nagami'uba hiti to Sikalafu'uba hiti yata'a keto kosaba hilinaubago yabe.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

Aposolo 28:27

Ya'ma boana'magi komopa'ani hekini loto ni'igo enegekesa'aniuba kaga kehelilina'mu kosele'a nohago enali enegekesa'ani i hekini lete nehabe. To henabe lutobe? Enali enubu'anigu bu gete kehelite to enegekesagu kaga binogo kehelite to komopa'anigu nani kaga keheli fe lite hilete'ani komopa'ani i gelehe hite nanitoga elenogomo enele'mo bati hiluna'mu yabe. Ya hu epalalunaya enali'i anana hu lalibe lite enubu fili kete, enegekesa hekini lete, to komopa'ani i sepa ite nehanagihe. Hu'mau ya luto lu'ehina yabe.

Aposolo 3:19

Ya hu'ehinagi lenali komopatini i gelehe hinogo ai Hu'mau foipanatini kele li he'mi lepalalibe.

1 Koliti 14:20

Nalalu'nigita, fato enonogoguti kaga lulatana'mu yagapana inapupagi suhi hite minete foipa hapa'a mekehelilo. Ya hite, minalanaya yagapana inapupagihi kehelise'na hiti meminalo. Enali kaga keheli fe menelibe. To lenali kaga kehelite le'mo fe lilune lite ya'ma olopa bona'magihi kehelise suhi lilo.

1 Pita 2:2

He'mi su hete yagapana'i ya suhi hite lenali Hu'mamofihi hetofa kaga'muko lepesinogo minalo. To yamofihi nemebite Hu'mamofihi ka'a hiti minete hofa talabe. To Hu'mau foipana nagaluguti lenele'mo gulu halibe.

2 Pita 1:11

Ya hite nehinogo Sipi Botiuba linogo lenubuto bise'na bo Yesu Kilisitohi kapo'a minolata nohinanamofihi kasihi li hokolo hu lepelenogo keta mehise hite bite falalabe luto Hu'mau ya'ma lu molo lete'ehinamo ni'ibe.