Matiu 18:17 - Ka Lamana'a Monoꞌi Lu Mu Tifiꞌehina Ka Yabe

¹⁷ To ana bomagihi kaga'anilo keheli meepinogomo mono nonugu asaga mono boana'i lu huto huto lu epibo. To asaga boana'magi kaga'ani keheli meepinogomo bonoho bona'ifi takisi nelina bomagihi suhi luto nohane luto keheli emibo.

Matiu 18:17 ပူးပေါင်းရင်းမြစ်များ

Matiu 10:3

To Filipi hiti to Batolomu hiti yabe. To Tomasi hiti Matiu hiti etali takisi efahi lilata bole yabe. To Yemesi ai Alifiasihi pana'a yabe, to Tatiasi yabe.

Matiu 11:19

To yatai Kokulumaguti limi'ehina Bouba oloto nose'na noto nagami'i noto nohigo to lenali ma lite neli etabe: Bu galo. Ai nose'na lau'i iba iba bo yabe nelabe. To bai nagami'i ana huto babu luto noba noba bo yabe lite nelabe. To ai takisi nelina bo to foipa bona'magihi enalalu'anifu yabe lite lilata nehabe. To ya'mananalo bu golototi Hu'mamofihi keheli bati huse'na'a ma'naka ni'ibe luto liluta'mu yabe.

Matiu 5:46

To lenali bona'i enipa lepilata nehana bona'i enipa epite enele'mo bati hilata nehanaguti hena mina'a lilana ni'ibe? Enali foipa boana'i hiti takisi lilata bona'i hiti ana suhi hilata nehabe.

Matiu 6:7

To lenali numuna hilune'mu nehitemo kegeiyo bona'magi nehana'a hite yatamalo kaga babu lite melilo. Enali babu kaga linogoti Hu'mau nunumuti keheli bati hilibe lite lilata nehabe.

Luku 15:1

Mone yupahi takisi nelina bona'i hiti to ka'i leli nehana bona'i hiti Yesu nohinalo ete ai kaga'a linalo kehelite mine'ahana yabe.

Luku 18:11

Ai Felosi bouba ho tiloto faha'alo buto ho tito nohuto ma luto nunumu komopa'agu hu'ehina: O Hu'mao, nani bona'i luga'amagi suhi huto menohube ya'mu nani kegepohi nolube. Bona'i gumina felete to bo alobo loko hila ya hila nehana bomagihi suhi huto naniya menohube. Ana huto ya'ma bo ai takisi lilata nohina bo legi huto menohube.

1 Koliti 5:9

To nani fayahi mone koyapa'i ma luto koyoto lepi'ohunamo ni'ibe: Lenali kegeiyo hilata nehana bona'i humofa'na hiti meminalo luto lu lepolo'ohuna.

1 Koliti 6:1

Lenalitogati moneuba ya'ma lalu'afihi foipana'a lito nohilinauba ai ana kaga'a ya'ma mono bona'magitoga lu huto mehuse mono'ani meni'ina bona'i enalitoga bite ka foya lulata nohina ya nasana'mu lenubuya menohifihe?

2 Tesalonika 3:6

Lalalutigita, Sipi Boti Yesu Kilisitou kaga'agu ya'ma lili'na ka'a lu nolepune. Kilisitohi bona'i luga'a lali ka lu lepi'ohutana he'mite neminete to lili'na melise fuli neminete nehanogo, enali hiti humofa'na hite meminalo.

1 Timoti 6:5

Ya hilete ya'ma kehelite keheli sibi hite minelata nehana bona'i yamofihi enali komopa'ani enegekesa hekini lo'ehigo sibi nehite ka lamana'a he'mite mono kauba yogo fe'nohi li huto hilibe lite kehelilata nehabe.