Matiu 18:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Ya'mana suhi luto kokulumalugu Afotinifu nohinauba ma yagapana'i nehana folagaha'aniguti mone meminigilibe luto lulata nohibe.

Matiu 18:14 ပူးပေါင်းရင်းမြစ်များ

Matiu 18:13

Nani ma'naka luto lu lepilube. Ai sa sa huto ana sipisipi yaga le'mo huto hulotomo ana moneko yaga'mu luto sipi gelo biloto nu kito bilina'mu yabe. To 99 sipisipi yaga silaga'i fenene mehi'ahanamagi kumu luto gelo mebilina'mu yabe.

Matiu 18:15

To bonaka moneuba kaga foipa'a lu keto'ehinogomo kai bitogo letalititisigo nehitetiti ana foipana'a lepibo. Letali letugufatitigu fala kite ya'mana kaga lu koguna iliyo. To kagaka keheli kiminogomo kalalukafihi ale'mo fulu hu'ahane.

Matiu 5:16

Ya huto ninagi lenali libitini ligite boana'i enali enubulo binogo lenali hetofa hapatini bu gelete to enali ana hite Sipi Bo Hu'matinifu kokuluma hepatoga nohinamofihi enegelo bite gi'a liyafa hilabe.

Matiu 6:32

Enali mono ka mekehelise bona'magi asaga ya'manana'mu mege'i lifite kene ilata nehabe. Ya hu'ehina kokulumalugu Afotinifu asaga'na lilanana ya huse'na lilanagi luto akeheli'ehibe.

Matiu 6:9

Lenali ma lite numuna hu emilo: Afotiga, kokulumalugu minane, kigika hetofa huto fato minalibe.

Luku 12:32

Lenali lagaso naga'nise, koli mehilo. Afotinifu ai'a kapo'a lepilunagihe luto kaga lu hetofa hu'ehina yabe.

Yoni 17:12

Enali hiti minota yupahi ya'ma nanitoga enele'mo molo'ahata bona'i ya'ma kaika kigika nimi'ahata yamofihi amuya'auba ya'ma kagakaloti enehe'moto nohugo yamofihi kaba huse'nakagu mine'ahana. Ya hilago kaba hu epoloto nohugo haya mekele'ahana yabe. To mono bukugu keye'ahanamofihi kaga mone ule'ale hilibe luto logo hepa'mofihi nasana bo, ai'a moneko'isi ya'ma fakene huto huto hu'ehina.

Yoni 21:15

To enali nose'na ne su he'ahago Yesu Simoni Pitahi lu emi'ehina: Simonio, kai Yonihi pana'a yale, kiginaga fi nonimitana enali'animofihi be ligi'ehina ni'ifihe? ya ligo Pitau lu emi'ehina: O'yo, Sipi Bo yale, niginaga fi nokumuna yamofihi akeheli'ahane. Ya ligo Yesu lu emi'ehina: Kai sipisipi yaga'ni nala'a kaba hu epolobo.

2 Timoti 2:10

Yana'mu nani keke'i luse foya asaga'i Hu'mau enele'mo eto hu'ehina bona'i enali kumu yabe luto baga'a hiti nasana ya'ma kofilata nohube. Ya nohugo enali ya'ma Yesu Kilisitou enubuto bilata nohina to fana talina hiti mino kosaba huse'na ya'ma lilabe luto ya hulata nohube.

Hibulu 12:13

Mono'mofihi kapogu bilune'mu nehitemo lenigi sibina hu'ehina'a mine'ahana sibina hu su ho laligi aku'i molo emilenogo bati huto ye kolenogo Hu'mamofihi kapogu le'mo fotogo hilete humofa'na hilo.

2 Pita 3:9

Sipi Bo ai kaga lu molo leto'ehina yamofihi legeya'a huto hilibe luto ligitagahi huto kana'a yatama mehu'ehinamo ni'ibe. Bona'i luga'amagi keheligo ya'ma suhi lolo hulata nohina ya huto meni'ibe. Ai bona'i luga'a haya kelete fenene hi lalabe luto enegeba huto minolata nohibe. Ai bona'i silaga'magi komopa'ani i gelehe hite foipana hapa'ani he'milabe luto kehelito enali kumu yabe luto fulu huto enegeba huloto minolata nohibe.