Matiu 18:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Lenali ya'ma yagapana'i fa'menena nehabe lite li lalabe. Lenali kaba hu bati hilo. Nani ma'naka luto lu nolepube. Kokulumalugu nani Afo'nifihi bu'alo enali agelo'ani kaba hu epelete neminabe.

Matiu 18:10 ပူးပေါင်းရင်းမြစ်များ

Matiu 1:20

Ai Yosefeu Maliahi suguna'i he'mi etalina ekesa yigiba yigiba huto nohigo bamulugu agelouba bulo huloto ma luto lu emi'ehina: Yosefeo, Abalahahi tata'aga, kai Maliahi lihaka le'mo lolo hilatana'mu koli mehubo. Ai Sikalafu'uba Maliahi yagapana'i emi'ehibe.

Matiu 12:20

To akepa mone i pisi hu'ehilina ai li gofa mehilina'mu yabe. To logo mone loloto yuhufa sabalube'mu nohilina ai li sobo su mehalina'mu yabe. Ai lili'na liba liba huto nohuto mino fe luse'namofihi be ligiloto'a yabe.

Matiu 18:14

Ya'mana suhi luto kokulumalugu Afotinifu nohinauba ma yagapana'i nehana folagaha'aniguti mone meminigilibe luto lulata nohibe.

Matiu 18:6

Ya hu'ehina bo moneuba yagapana'i ya'ma huse'a nehilana folagaha'aniguti komopa'ani nanitoga melete minalune'mu hilana enele'mo nanitogati he'miletemo'mu ya'ma bo lubaha'agu sipi efa kosahi naga i etelete le'mete bite hege nagami folagaha'agu he'mi meleno.

Matiu 2:13

Enali abilago Hu'mamofihi agelo'auba Yosefehi bamu'i hu bulo mololoto ma lu emi'ehina: Ho tito pana'i hiti ito'afi hiti etele'moto koli huto Iyipi melugu buto nohitogo alihi nani lu kiminogo'ni alane. Helotiu pana kumu sa huto halina'mu yabe.

Matiu 2:19

Alihi Helotiu afililago Hu'mamofihi agelo'auba Yosefehi Iyipi melugu bamu'i hu bulo moloto ma luto lu emi'ehina:

Matiu 24:31

To ai agelo'a babu lito enoho lifinogo enali ufehi fu linogo sipi nogo nomelenogo analo bona'a enele'mo eto hu'ehina guna ilina'mu yabe. To enali me'i nekisa'a loegi loegi ninalo mine baga ilete anagati bona'i guna ite ete bite me'i mone kegi'a nekisa'aga su halana'mu yabe.

Luku 1:19

To agelouba Sekalaiyahi ka'alo ma luto lu'ehina: Nani nigi'ni Gebilielita sipi agelo'i Hu'mamofihi okabalo ho notuna yabe. Ai'a noho lifito lu emibo ligo ya'mana hetofa ka oto lu nokumube.

Luku 10:16

Yesu koko panana'amagihi ma luto lu epolo'ehina: Bo moneuba katini keheli lepilinaya nani'ni ka keheli nimilibe. To bo moneuba megesa hu lepilinaya nani'i megesa hu nimilina'mu yabe. To bo moneuba nani'i megesa hu nimilina aiya noho lifi'ehina Bomofihi ya'ma Hu'mamofihi megesa hu emilina'mu yabe.

Luku 16:22

Ya huto minoloto'a alihi fililago agelomagi le'mete bite Abalaha koyapa filito bu'ehina hepatoga le'mete bago Abalahau ai nu kito mino'ehina yabe. To, alihi yupahi ana sipi fenoho bomo ai ana huto fililago keli he'ahana yabe.

Aposolo 10:3

Utehi yege liyofo nohigo bamu'i bu go'ehina. Ai ana bamulugu Hu'mamofihi agelouba nonugu tito ma luto lu'ehina: Koniliasio.

Aposolo 12:15

Ya ligo, kai negi ka nolapihe? li'ahana. Ai: Lusiga luto lama'naka Pitau nohibe luto amuya moloto kaga noligo enali li'ahana: O'e, ai Pitahi meha'a nohilina'mu yabe, li'ahana.

Aposolo 12:23

Ya nelago ana'asilo Sipi Bomofihi agelo'auba Helotiu Hu'mamofihi gi li saga huto fokehi mehana'mu luto ho filigo limito ko'ehina. Ya higo ginihi ipa'aguti henilete gufa'a ne su hago fili'ehina yabe.

Aposolo 27:23

Nani Hu'mamofihi lalu'afita nohuto'ni asaga yupahi komopa'ni aitogago emito minolata nohuna bo nohube. Ya'mu luto yatai folugu'i Hu'mamofihi agelo'auba nani nemetoga ho ti'ohuto ma luto lu nimi'ehina:

Aposolo 5:19

Ya hilago ana folugu'i Sipi Bomofihi agelo'auba naga gegisa li hokolo huloto aposolo bona'i enele'mo fegu toloto ma luto lu epi'ehina:

Romu 14:10

Ya hina'mu lenali henabe lite bonatinimofihi ka emekite ka'a loko nehabe? To henabe lite le'mo laba nehabe? Hu'mau kefa hisalo minoto kaga loko huse yupahi lali asaga'i bu'alo ho tito minolenogo lali kumu ka foya liloto kaga loko hilina'mu yabe.

Romu 14:21

Lenali fato fato nose'namo yagafi, bai nagami'ifi asaga'na nalanamofihi bonatini bu goloto komopa'agu li sibina hinogomo lenali ya'ma nose'na he'mite menalo.

Romu 15:1

Lenali Hu'mamofihi keheli amuya nemalanamagita bona'i komopa'anigu keheli bati mehanamagihi ketana'ani kofi epelete enehe'malo. Ya hite, lagatini lepesise'nalo mege'i memalalo.

1 Koliti 11:22

Lenali nohatini meni'igo ya suhi lolo hilata nehafihe? Lenali nose'na nalune litemo nohatiniluga minete nalo. Lenali Hu'mamofihi bona'a enali kumu keheligo enumuhi meni'ina bona'i enali keheli sibina enubuya hina suhi lolo hilata nehabe. Ya nehana nasana'mu henabe luto lu lepilube. Lenofokehi lilufihe? O'e lenofokehi melilube.

1 Koliti 16:11

Ai neheya kola nohina'mu lenali ai kumu kehelinogo melimino. Nani hiti nigibo nagabo luga'a hiti geba huto nohutagihe. Lenali legeso hite kaba hi etete ho lifinogo fulu fulu huto kapoga oba oba huto nanitoga o henetilibe luto geba nohube.

1 Koliti 9:22

To bona'i mone'a komopa'anigu Hu'mamofihi kagagu amuya'ani menina Kilisitotoga enele'mo malalube luto nani amuya'ni menina bo suhi huto lolo huto mino'ohuna. Nani ya huto fato fato bona'i enehe'malube luto bona'i fato fato bona'i enalitoga minoto fato fato suhi lolo hu'ohunamo ni'ibe.

2 Koliti 10:1

Poluita nani ya'ma Kilisitohi fuluna'a hiti lehe'mose nasana'a hiti kumu luto lenegekesa lito lu lepilugi kehelilo. Kehelite nani kumu ya'ma lite lilata nehabe. Lalitoga oto minoto ai'a amuya'a hiti bo menohinaya kaga'a nagami'a hiti lu lepilata hu'ehina. Ya huloto buto minoto golagaguti kaga lu lepilata nohibe. Lenali ya nelabe.

2 Koliti 10:10

Nani kumu ya'ma lite lilata nehabe: Fayaha nasana'mu kaga'a koli'a hiti to amuya'a hiti koyolata nohinaya logobisalo ya'ma amuya bo menohibe. To futu'a kaga lulata nohinamofihi ya'ma nagami'a hiti lulata nohibe lite lilata nehabe.

Galesia 6:1

Nalalu'nigita, lenali folagahatinigu moneuba foipa foya li huto hulenogo lenali Sikalafu'i hiti nehanamagita leniginaga fi etenogo yamofihi fulu hite le'mo bati bati hilo. Ya nehitetini lenimi'i malalana'mu limite ke lalagi kaba hilo.

1 Tesalonika 4:8

To ya'mu ana kaga mege'i emilina bouba fa'mene bona'magihi ka he'mi'ehina meni'inaya ai'a. Hu'ma Sikalafu'i lepilatamofihi megesa hu emilata nohibe.

1 Timoti 4:12

Enali ya'ma pana'i kosaba bo nohane li lilagi. Yamofihi bona'magi enali ka'mu keheli sibina hi lalabe. Kai amuya moloto minetogo hapaka fu linogo Hu'mamofihi keheli ule'ale hilata to komopaka fana toto minenogo Kilisitohi kemehi emilata to mono ka lilatamofihi keheliya ilana bona'magi ya'ma kapogu bilune'mu hana enelepibo.

Hibulu 1:14

Ya luto agelomagihi lu meepi'ehinamo ni'ibe. Agelo silaga'i enali meha'a hiti Hu'mamofihi kele kele'a nehanaya bona'i enubuto bilatanamagihi enehe'mete enele'mo bati hilabe luto Hu'mau enoho nolifibe.

Hibulu 9:24

Ya hu'ehina'mu Kilisitou ai bona'magihi enayatu gi'ahana mono nonugu to lamana'amofihi babeyafa'a mino'ehina anagu buto meti'ehibe. Ai kokulumagu tiloto Hu'mamofihi bulo lali kumu yabe luto nehetito lele'mo hetofa hilina foya'a ya'ma lilata nohibe.

Huto Hilina Ka 8:2

yamofihi su nohago agelo 7 enali Hu'mamofihi maha'aluga ho tilete nehago bu enogo'ohuna. To pikuli 7 epigo lila lila hite mine'ahana.