Matiu 17:9 - Ka Lamana'a Monoꞌi Lu Mu Tifiꞌehina Ka Yabe

⁹ Enali ana kosa he'milete kapo melete nelimite amuya kaga luto enekesa biloto Yesu ma luto lu epi'ehina: Ya'manana huto higo lenali bu ge'ahana lenali bona'i luga'a meepilo. Lenali komopatinigu melelete nehinogo Kokulumaguti limi'ehina Bouba keli he'miloto ho tilenogo ana kaga lu huto hilo.

Matiu 17:9 ပူးပေါင်းရင်းမြစ်များ

Matiu 12:16

Ya nohuto ana bona'i enekesa biloto lenali nani kumu'i bona'i lu meepilo luto lu epi'ehina yabe.

Matiu 17:12

Ya hu'ehina nani ma'naka luto lu nolepube. Elaiyau ai ao'ehibe. Ya hu'ehinamo bona'magi Elaiyau nohibe lite menekehelibe. Ya hite enali enemehuba hinanamofihi mege'i melete nehite fato fato suhi hi ete'ahana yabe. Kokulumaguti limi'ehina Bomofihi ana suhi hi etete gabu'i gilinana hi etalana'mu yabe.

Matiu 17:20

Ya lago Yesu ma luto lu epi'ehina: Hena'mugope lenali nanitoga komopatini nesi'asi mele'ahana'mu yabe. Lenali ma'naka lu lepilunagi kehelilo. Lenali nalepa legeya'a legi huto nanitoga komopatini nimise'natini minalina, ma kosamofihi mula kegi'a bu molobo lilana ai lenabaga liyafa huto bilina'mu yabe. To lili'na yege yege'i lenalitini lilana'mu yabe.

Matiu 17:22

Yesuhi koko pana'a Galili hepato aku'i e nupa hilago kaga mone ma luto lu epi'ehina: Kokulumaguti limi'ehina Bomofihi fateha'amagi enayanugu le'mete bite bilana kana'a anasi hupamone nohibe.

Matiu 17:23

Ya hinogo enali ho fililabe. To ai melugu limito yege loegi monegi minoto aku'i ho tilina'mu yabe. Ya luto Yesu lu epigo koko pana'amagi enipagu keta hu'ehina yabe.

Matiu 17:8

Ya ligo enali be go saga hilete Yesu ai'asigo nohigo bu ge'ahana yabe. To loemale'i minigi'aha'ina yabe.

Matiu 8:20

To Yesu lu emi'ehina: Lopi kalamo kalina muli'i ni'ibe to namamo kalina nohi ni'inaya to Kokulumaguti limi'ehina Bouba koto basu bilina hepa'i meni'ibe luto lu emi'ehina.

Matiu 8:4

Ya higo Yesu lu emi'ehina: Kehelibo. Fato fato bona'magi kaga lu meepibo. Mono bomofitoga buloto kugufaka lepibo. Ai bu go bati huto higo mone nona'a Mosehi koyapa'i kaga molo'ehinamo'mu mono bomofihi emibo. Ya huletogo asaga bona'i enubulo kugufaka gulu gulu'ehinana bu kagalabe, Yesu lu'ehina.

Maki 8:30

Ya ligo, Yesu amuya kaga lu epito ma lu epi'ehina: Lenali ana kaga nani kumu bona'magihi lu meepilo. Ya luto lu epi'ehina yabe.

Luku 8:56

To ana pa'mofihi ito'afugo afo'afugo topa helete etelesa'atiti ligo Yesu ma luto etegekesa bi'ehina: Letali ma huto hinanamofihi hapa'a bona'i lu meepiliyo luto lu etoto'ehina.

Luku 9:36

Ya luto lu su ho'ehigo Yesu ai'asigo fa'mene nohinagi bu ge'ahabe. Pana'alobomagi bu ge'ahanana asaga'i suguna hite fato bona'i kaga mone meepise nehite mine'ahabe.