Matiu 17:7 - Ka Lamana'a Monoꞌi Lu Mu Tifiꞌehina Ka Yabe

⁷ Ya hago Yesu enalitoga oloto enugufalo meko huloto lu epi'ehina: Lenali koli mehite ho tilo.

Matiu 17:7 ပူးပေါင်းရင်းမြစ်များ

Matiu 14:27

Ya hago hololu luto Yesu enali kehe i'ehina: Lenali amuya malalo. Nani'ni nohube. Nani'ni nohube. Lenali koli mehilo.

Matiu 17:6

Ya noligo Yesuhi koko pana'amagi topa hete sipi koli hilete melugu enokabagati lipi gehesa hi'ahana yabe.

Matiu 17:8

Ya ligo enali be go saga hilete Yesu ai'asigo nohigo bu ge'ahana yabe. To loemale'i minigi'aha'ina yabe.

Luku 24:5

Enali ana ana'i enelesa'ani ligo koli hilete melugu lipi gehesa i baga i'ahana. Ya nehago etali ana ana'i lu epi'aha'ina: Lenali hena hibe lite fili'ahana bona'magi hepalugu aho ti'ehina bomofi kumu'i sa sa nehabe?

Aposolo 9:6

Ya luto luloto ma luto lu emi'ehina: Kai ho tito hepalugu tibo. Alihi bo moneuba ya'ma suhi hubo luto lu kimilina'mu yabe.

Huto Hilina Ka 1:17

Nani meha'a ya huto bu goloto i behe huto gigusagu hekili higo koloto mino'ohuna. Nefilina ya suhi huto ko'ohugo yahi lamaga'auba nugupisaga moloto ma luto noluto lu nimi'ehina: Kai kelesa melino. Nani kohe toto alihi moloto nohube.