Matiu 17:3 - Ka Lamana'a Monoꞌi Lu Mu Tifiꞌehina Ka Yabe

³ To koyapa bomale'i Moseugo Elaiyaugo Yesutoga nehetilete kaga lite nehago bu ge'ahana.

Matiu 17:3 ပူးပေါင်းရင်းမြစ်များ

Matiu 17:2

To Yesuhi gufa'a enali enubulo le'mo fato suhi hu eto'ehina yabe. To okaba'a fi besa loloto yege legi huto huto hu'ehina. To gukete'a koholina huloto gulu gulu luto fi besa lo'ehina.

Matiu 17:4

Pitau ya hago bu enogoloto ma luto Yesuhi lu emi'ehina: Sipi Bo, ya'maga nohuta bati huto nohune. Kai bati huto yabe litogomo yege nohi loegi monegi maga gilune. Mone kai'i yagi mone Mosehi yagi to mone Elaiyahi yagi huto gi lepalalube.

Maki 9:4

To Yesu ya huto yege fise'na lolo nohigo, koyapa bomale'i Elaiya hiti Mose hiti enubulo huto hite'atiti Yesu hiti kaga lite nehago bu ge'ahabe.

Luku 1:17

Ai Hu'mamofihi ka'a leli'ali bo legi huto bilina'mu ya'ma lu yege hose bo Elaiya suhi huto amuya bo hilibe. Ai afo'anigi yagapana'ani aku'i enele'mo nupa hilina to ai ana huto kegeiyo bona'i komopa'ani li gelehe hinogo komopa'ani bebe sana bona'magihi hapa'ani lilabe. To ai Hu'mamofihi bona'a enele'mo kosaba hinogo Hu'mamofihi geba hite alina'mu minalabe.

Luku 16:16

Mosehi keya kaga'a hiti to lu huto huto bona'magi kaga keye'ahanana hiti Yonihi kanalo mino bati hu'ehina yabe. Ya hu'ehina Yoniu minana kana'aloti oto oto yatai ya'ma yupahi Hu'mamofihi ka lamana'amofihi kapo'a asaga hepatoga huto nohibe. Ya nohigo asaga bona'i amuya melete peninite Hu'mamofihi ana kapo'alo li hokolo hite bilune'mu nehabe.

Luku 24:27

to ai Moseu hiti to lu huto huto bomagi hiti ai kumu fayahi koyapa'i ge'ahanaloti mono kaga silaga'namo hapi fito luto tiloto etegekesa lu hokolo hu'ehina.

Luku 24:44

Ya huloto ai ma luto lu epi'ehina: Koyapa'i nani lenali hiti nohuto'ni alu lepi'ohuna yabe. Asaga kaga nani kumu lite Mosehi bukugufi to lu huto huto bomagi bukugufi to nama li'ahana bukugufi koyapa'i fayahi ge'ahana asaga ya'mana kagauba legeya'a mana'a huto hilibe luto lu lepi'ohuna yabe.

Luku 9:33

To bomale'i Yesutogati he'mite bila'igo Pitau Yesu ma lu emi'ehibe: Tisao, lali mana bu go'ohunanaga bati huto nominone. Lali yege nopo loegi monegi gilune. Kai'naka mone to Mosehi mone Elaiyahi mone ya huto gilune, Pitau luto ai lesa nohuto'a ekesa mekeheli'ehina.

Yoni 1:17

Hena'mugope Hu'mau keya ka Mosehi bagalo molo'ehina. Ya hu'ehinaya lehe'mose'na hiti to ka lamana'a hiti Yesu Kilisitotogati noabe.